PILIPI 2:2 - BALA LUK DO'

² Ui mutuh nemuyuh ngeriput awangku. Do' muyuh sebuleng terawé idi pad-pad mawa. Do' muyuh sebuleng niat bang anu, idi sebuleng rurum.

PILIPI 2:2 Iomraidhean Croise

NANI UBUR 122:8

Ngaceku lun rurumku idi lun denganku, ui pebala kuan Yerusalim, “Awang kuanmu!”

YAHYA 3:29

Deléi luk sikal ngaweh, ieh kuan decur ineh; idi lun rurum deléi luk sikal ngaweh ineh tuped iringneh, idi ieh pelaba awang niat ninger bala deléi ineh. Kudeng ineh teh ui ini nekini pelaba awang niat. Idi awangku meriput.

KEKAMEN RASUL-RASUL 1:14

Idi amung-amungdeh megéi' perurum sembayang dengan tuda'-tuda'decur, idi Mariam tinan Yésus, idi dengan kinanak-kinanakNeh

KEKAMEN RASUL-RASUL 2:1

Kareb macing Aco Pentakosta, idi amung-amungdeh netebubpun bang aceh ruma.

KEKAMEN RASUL-RASUL 2:46

Anid-anid aco ideh tebubpun bang Ruma' Allah, idi pamung kuman bang ruma'deh sebuleng, dengan awang idi mebeneh niat.

KEKAMEN RASUL-RASUL 5:12

Mula' tanu' idi kekamen luk nan mawa inau' rasul-rasul arang pupu ineh. Idi amung-amungdeh pana' netebubpun dengan sebuleng niat luun Tadur Selimun.

SURAT LUK BIRE PAULUS KUAN LUN RUM 12:16

Do' méi' kuan amung-amung lemulun. Aleg medita' niat, iamo' mawang niat ku kekamen luk mebeneh. Aleg ngerawé burur muyuh mileh.

1 KORINTUS 1:10

O kinanak-kinanakku, ui mutuh nemuyuh dengan ngadan Tuhan tau Yésus Keristus, pad muyuh amung-amung sebuleng niat ratnan luk belén muyuh, pad na patad. Iamo' do' muyuh mangun ku aceh rurum, dengan sebuleng terawé idi sebuleng niat.

2 KORINTUS 13:11

Idi nekini, O kinanak-kinanakku, tabi' kuan muyuh. Do' muyuh mekél pad anu muyuh meriput, idi ninger bada'ku. Do' muyuh sebuleng niat, idi pedo'. Idi Allah luk lawa awa idi pedo' miak tudo dengan muyuh.

2 KORINTUS 2:3

Ui nengayud surat ineh, pad kareb ui macing ui na mesusa' niat ratnan lemulun luk megéi' maré negku mawang niat. Ngaceku ui merapet, idi kudeng ui mawang niat idi amung-amung muyuh mawang niat teh.

2 KORINTUS 7:7

idi baken dengan acingneh ineh mo', iamo dengan ubuk luk ilapneh rat nemuyuh. Kareb ieh nemada' nekai ratnan muyuh pian papu' negku, idi ratnan inuud idi tangi' muyuh, idi ratnan muyuh pian ngedengan negku, idi ui pelaba awang niat.

PILIPI 1:4

Anid kua' ui sembayang kuan muyuh, ui sembayang dengan mawang niat,

PILIPI 2:16

kareb muyuh nicul bala luk maré ulun, pad ui mawang niat ku muyuh kareb Aco Keristus, ngaceku kekamenku na mo'-mo', idi erurku pana' na mo'-mo' teh.

PILIPI 2:20

Ieh mo' luk sebuleng niat denganku, luk mepad ngerawé nemuyuh dengan matu-matu.

PILIPI 4:2

Ui mutuh Yodia idi ui mutuh Sintiki teh, mangun ku sebuleng niat bang Tuhan.

KOLOSE 2:5

Ngaceku sagan pana' bururku na muneng, iamo' rohku ngedengan nemuyuh, idi ui mawang niat, ngaceku ui nier ulun muyuh idi anu muyuh luk lutep bang Keristus.

2 TESALONIKA 2:13

Iamo' do' kai ini megéi maré ubur kuan Allah ngaceku muyuh, O kinanak-kinanankku luk inan Tuhan mawa. Ngaceku muyuh pangeh pinili' Allah rat pun-pun pad uen ngulun, ngaceku muyuh linigan bang Roh, idi muyuh manu ku luk matu.

2 TIMOTIUS 1:4

Ui ngerawé ratnan abpa' matehmu, idi ui geregan papu' namu pad awangku panu'.

PILIMON 1:20

Ngaceku ineh, kinanakku, nima' negku ngalap peruan rat namu bang Tuhan; ngawang niatku bang Keristus.

2 YAHYA 1:4

Ui pelaba awang niat ngaceku ui pangeh nekali' tuda'-tuda' anakmu luk nemaya' luk matu maya' kudeng ukum luk icuk Taman ineh kuan tau.

3 YAHYA 1:4

Idi na luk idi awang negku luk meluun rayeh ratnan ini, ieh ineh ninger ratnan anak-anakku luk mulun bang luk matu.