PILIPI 2:16 - BALA LUK DO'

¹⁶ kareb muyuh nicul bala luk maré ulun, pad ui mawang niat ku muyuh kareb Aco Keristus, ngaceku kekamenku na mo'-mo', idi erurku pana' na mo'-mo' teh.

PILIPI 2:16 Iomraidhean Croise

NANI UBUR 40:9

Ui nemada' bala luk do' ratnan Iko luk nengulun, O Tuhan, kuan pupuMu bang tebubpun luk rayeh, Iko kali' negku na ugka' mada' ineh.

NANI UBUR 71:17

O Allah, Iko nemada' negku rat kareb ui isuut, idi pad macing nekini ui mada' ratnan kekamenMu luk inan mawa.

YESAYA 49:4

KebalaKu, “Ui pangeh nengakem mo'-mo', Ui nengabud tuehKu, iamo' na bua'neh.” Iamo' Ui merapet inan Tuhan nuneb kekamen ineh; idi Ieh miak ngua' kuanKu

MATIUS 10:27

Anun-anun luk Ui mala nemuyuh bang dacem, do' muyuh mala bang acang; idi luk pindenger muyuh ayek-ayek, do' muyuh mada' rat luun buduk ruma'.

LUKAS 12:8

“Ui pebala nemuyuh, anid-anid lemulun luk ngamo Negku pa kiung lemulun, idi Anak-Lemulun pana' sikal ngamo neneh pa kiung melaikat-melaikat Allah.

YAHYA 6:63

Roh, Ieh ineh luk ngulun, idi burur, sebuleng pana' na ulekneh. Idi bala luk Ui mala kuan muyuh ngacing Roh Allah luk maré ulun.

YAHYA 6:68

Idi kebala Simun Pétrus Neneh, “O Tuhan, amé' nidéké kai? BalaMu mo' luk maré ulun luk meruked.

KEKAMEN RASUL-RASUL 13:26

“O kinanak-kinanakku, luk inul Ibrahim, idi amung-amung pupu baken luk idi ieni luk sembayang nan Allah; kuan tau bala ulun ini pangeh nacing.

1 KORINTUS 1:8

Ieh sikal nganau' nemuyuh lutep macing kekipedneh, pad muyuh na mesala' kareb Aco Tuhan tau Yésus Keristus.

1 KORINTUS 9:26

Ngaceku ineh ui ini upun pad ui meluun awer, baken dengan na ulek. Kudeng ineh teh kareb ui pebukut, baken kudeng mukut bui.

GALATIA 2:2

Ui iné' déi' maya' bala luk linio Allah kuanku. Idi ui nemada' nelun rayehdeh setau'-setau' ratnan Bala luk Do' luk bida'ku arang lun pupu baken ineh, pad kekamenku luk nekini idi luk nepangeh na mo'-mo' peh.

GALATIA 4:11

Ui merapang ku muyuh! Kian kél idi erurku ngaceku muyuh mo'-mo' lek.

PILIPI 1:10

pad muyuh miak mili' luk meluun do', pelé muyuh miak mangun meligan idi na mesala' kareb Aco Yésus Keristus.

PILIPI 1:6

Ui kali' do'-do': Allah luk nengimun kekamen luk do' ini arang muyuh miak mangeh ineh pad macing aco Yésus Keristus ineh.

1 TESALONIKA 2:19

Idéké luk mangun ku rapet kai, ku awang, idi ku pata dita' kai? Bakenké muyuh pa kiung Tuhan tau Yésus kareb Ieh macing teh?

1 TESALONIKA 3:5

Ini punneh ui nengecuk Timotius amé' nemuyuh. Kareb ui na miak tuman teh, ui nengecuk neneh pad ui miak kali' ratnan anu muyuh, kian muyuh pangeh tinutun Iblis ineh pad erur kai mangun mo'-mo'.

IBERANI 4:12

Bala Allah ineh mulun idi melalud, idi meluun tadem ratnan pelapet luk tadem pekop, idi kuman medalem pad matad ulun idi roh, idi buku tulang idi isud, idi miak ngukum amung-amung terawé idi pian niat tau.

1 PETRUS 1:23

Ngaceku muyuh pangeh tinganak mebaruh idi baken ratnan inul luk miak maté, iamo' luk na miak maté, ieh ineh dengan bala Allah luk mulun idi luk meruked.

1 YAHYA 1:1

Kai ngayud ratnan Bala Ulun luk idi rat pun-pun, luk pangeh pindenger kai, luk pangeh sinier dengan mateh kai, luk pangeh tinutong kai, idi luk kikem dengan ticu' kai.

BALA LUK LINIO 22:17

Idi Roh dengan Decur luk ngaweh pebala, “Amé' tungé!” Idi lemulun luk ninger ineh pana' do' ieh pebala, “Amé' tungé!” Idi lemulun luk meparing do' ieh macing, idi idé-idé luk sikal, do' ieh ngalap abpa' mulun ineh dengan mo'-mo'.