PILIPI 2:15 - BALA LUK DO'

¹⁵ pad muyuh na mesala' idi niat muyuh pana' meligan peh, ieh ineh anak-anak Allah luk na mesala' arang uned pupu luk tekilu' idi luk mesala'. Do' muyuh merasat arangdeh mepad kudeng gituen-gituen déi' langit,

PILIPI 2:15 Iomraidhean Croise

NANI UBUR 122:5

Idi ieni teh raca'-raca' lun Israil netudo idi nemutut ukum kuan anak itinneh.

PURA' 34:35

Kareb lun Israil nier kiung Musa, kiungneh merasat, idi Musa ngebpu kiungneh pad ieh semuet idi pegayam inan Tuhan.

BALE' 4:18

Dalan lemulun luk matu mepad kudeng asat aco, luk iuk-iuk merasat macing acang aco.

BALE' 8:8

Amung-amung luk belénku ineh matu, idi na luk mebalih idi luk ngeraruh.

YESAYA 60:1

O Yerusalim, tumui iko, idi merasat mepad kudeng aco. Rayeh Tuhan merasat luunmu!

DANIEL 6:4

Idi lun ngimet idi pengulu luk baken nakap sala' Daniel bang kekamenneh. Iamo' na ideh kali' anun-anun sala' Daniel, ngaceku ieh mesiri idi na nganau' luk dat idi luk tekilu'.

MATIUS 10:16

“Ngerawé do'-do'! Ui ngecuk nemuyuh kudeng dumba arang uned bungalé. Do' muyuh mileh mepad kudeng menipeh, idi do' niat mepad kudeng suit sukur.

MATIUS 17:17

Kebala Yésus, “O inul luk na manu idi luk neraruh ini, tuda' ioké Ui tudo dengan muyuh? Tuda' ioké Ui mekadang niat nemuyuh? Do' nguit neneh amé' Negku.”

MATIUS 5:45

pad muyuh mangunk u anak-anak Taman muyuh luk bang surga. Ngaceku Ieh maré acoNeh merasat kuan lemulun luk dat idi luk do', idi Ieh maré udan kuan lemulun luk matu idi lemulun luk na matu teh.

MATIUS 5:48

Do' muyuh meligan, mepad kudeng Taman muyuh luk bang surga ineh meligan teh.

LUKAS 1:6

Idi didueh ineh lemulun luk matu pa kiung Allah, idi maya' amung-amung bala idi ukum Tuhan dengan na sala'.

LUKAS 6:35

Na! Do' muyuh mawa inan bunu' muyuh idi nganau' luk do' kuandeh, idi maré luk kebiten dengan na merapet miak ngalap lemubed. Idi muyuh miak ngalap tabpar luk rayeh, pad muyuh mangun ku anak-anak Allah luk Meluun Dita'. Ngaceku Ieh mawa kuan lemulun na maré ubur idi luk dat pana'.

YAHYA 5:35

Yahya ineh mepad kudeng aceh lapung luk mulun idi merasat; iamo' muyuh ini sikal mawang niat segageh mo' kinioneh bang acangneh ineh.

KEKAMEN RASUL-RASUL 2:40

Idi Pétrus nengubuk nedeh idi nemada' nedeh dengan mula' bala luk baken, keburi'neh, “Ngulun burur muyuh ratnan ukum luk macing kuan pupu luk tekilu' ini!”

KEKAMEN RASUL-RASUL 20:30

Idi rat arang muyuh sebuleng pana' miak tumui tuda'-tuda' lemulun luk mada' bada' luk tekilu', pad ngeruid niat lun manu ineh maya' nedeh.

SURAT LUK BIRE PAULUS KUAN LUN RUM 16:19

Ngaceku baya' muyuh nan Tuhan pangeh megala' kuan amung-amung lemulun. Ngaceku ineh ui mawang niat nemuyuh, iamo' ui pian pad muyuh mangun mileh bang anun-anun luk do', idi na mesala' ratnan luk dat.

1 KORINTUS 1:8

Ieh sikal nganau' nemuyuh lutep macing kekipedneh, pad muyuh na mesala' kareb Aco Tuhan tau Yésus Keristus.

2 KORINTUS 6:17

Ngaceku ineh, kebala Tuhan, “Remuat muyuh rat arangdeh, idi patad rat nedeh. Aleg ngakem anun-anun luk melutak, idi Ui sikal ngalap nemuyuh.

EPESUS 5:27

pad Ieh mudut sidang ineh pa kiungNeh sebuleng dengan do' taga, meligan, idi meriput, dengan na pilat, idi urat, idi anun-anun luk na petulu pana'.

BADA' RATNAN UKUM 32:5

Muyuh nganau' luk tekilu' pa kiungNeh, muyuh na mayu mangun ku pupuNeh, muyuh aceh inul luk tekilu' idi neraruh.

PILIPI 1:10

pad muyuh miak mili' luk meluun do', pelé muyuh miak mangun meligan idi na mesala' kareb Aco Yésus Keristus.

PILIPI 3:6

Idi ui mekél pad ui megéi' nengedereh sidang, idi ratnan luk matu bang Ukum ui na mesala'.

1 TESALONIKA 5:23

Idi do' Allah, luk lawa awang ineh, ngeligan nemuyuh dengan petap; idi do' roh idi ulun idi burur muyuh uen ngasa' dengan petap idi na mesala', kareb acing Tuhan tau Yésus Keristus.

1 TIMOTIUS 3:10

Idi do' ideh tetunin atun. Idi kudeng ideh na mesala', do' ideh ngimet kekamen ngasa' sidang ineh.

1 TIMOTIUS 3:2

Ngaceku ineh do' lun rayeh sidang ineh na nganau' sala'. Do' ieh ngalap sebuleng awan mo', idi ngimet bururneh dengan terawé luk lutep. Do' ieh maya' amung-amung luk petulu, idi nganak nelun sakai. Do' ieh mileh mada'.

1 TIMOTIUS 5:14

Ngaceku ineh pianku amung-amung decur tinula' luk mangud ineh ngaweh pad inan anak, idi ngasa' uang tetek ruma'deh, idi aleg ngukab dalan kuan bunu'-bunu' tau pad ideh miak ngedat netau.

1 TIMOTIUS 5:20

Idi lemulun luk megéi' nganau' sala', do' iko mada' nedeh pa kiung amung-amung lemulun, pad lun baken miak matot.

1 TIMOTIUS 5:7

Idi amung-amung ini do' iko mada', pad ideh na mesala'.

TITUS 1:6

Do' lun rayeh sidang ineh lemulun luk na mesala', idi luk inan sebuleng awan mo', idi anak-anakneh manu idi na inadu' ngaceku kekamen luk dat, idi na ngelaba ukum.

TITUS 2:10

idi dengan na mano. Iamo' do' ideh megéi' lutep idi do' niat bang luk amung-amung pad ideh ngerayeh bada' Allah, Lun Nengulun netau.

TITUS 2:15

Maré kali' ratnan amung-amung bala ini, mada' idi mebpeng dengan petap tueh. Aleg iko uen lemulun ngebeneh.

IBERANI 7:26

Yésus ineh Imam Rayeh luk miak ngedengan netau. Ieh ineh meligan, idi na mesala'; Ieh pitad ratnan lemulun luk mesala', idi inau' medita' ratnan amung-amung langit.

1 PETRUS 2:12

Do' kekamen muyuh arang lun pupu baken mesiri sirendeh, pad kareb ideh ngadu' nemuyuh, idi neten nemuyuh lemulun luk dat, na miak na ideh ngiti kekamen muyuh luk do', idi ngerayeh Allah kareb Aco Tuhan macing.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.

2 PETRUS 3:14

Ngaceku ineh, O luk inanku mawa, laba' muyuh nganét amung-amung luk kudeng ini, do' muyuh mekél pad muyuh miak lapen dengan awang, dengan na melutak idi na mesala' pa kiung Tuhan.

BALA LUK LINIO 2:5

Do' ngerawé rat iapeh iko nebpeh! Do' uren ratnan sala'mu, idi nganau' kekamen luk inau'mu pun-pun ineh; kudeng iko na uren, Ui sikal macing namu idi mubuh kukud dawanmu ineh rat su luk inanneh.

BALA LUK LINIO 3:9

Siruh! Lemulun luk ratnan ruma' sembayang Sétan, lun mebalih luk mala nedeh lun Yahudi, iamo' baken, Ui nganau' nedeh macing tekeradung sembayang iring kukudmu, pad ideh kali' Ui ini mawa namu.