PILIPI 2:13 - BALA LUK DO'

¹³ Ngaceku Allah, Ieh ineh luk ngakem bang nemuyuh pad muyuh geregan idi ngakem teh sikal ngacing pianNeh luk do' ineh.

PILIPI 2:13 Iomraidhean Croise

RACA'-RACA' LUK PUN-PUN 8:58

Iamo' do' Ieh ngeletep niat kai Neneh, pad kai mulun maya' pianNeh, idi nginita amung ukum idi balaNeh luk pangeh bida'Neh kuan tepun kai.

INUL LUK KEDUEH 30:12

Idi Allah nengegio niat lun Yahuda pad ideh sebuleng niat nganau' anun-anun luk icuk raca' idi amung lun rayeh, maya' kudeng luk bila Tuhan.

ESRA 1:1

Bang lak luk pun-pun kareb imet Kores raca' Parsi, Tuhan nengegio niatneh pad ieh nengayud aceh surat uen lun maca' rayeh tang bang aput-aput imetneh, pelé ngacing bala Tuhan luk bida' Nabi Yeremia ineh.

ESRA 1:5

Idi amung lun rayeh tetek ruma' ratnan pupu Yahuda idi Beniamin, dengan amung imam idi lun Liwi, idi idé'-idé' luk tigio Roh Tuhan netemina' amé' mudut baruh Ruma' Allah luk déi' Yerusalim.

ESRA 7:27

Kebala Esra, “Amung ubur kuan Tuhan Allah tepun tau luk pangeh nengegio niat raca', pad ieh miak ngerayeh Ruma' Allah luk déi' Yerusalim ineh.

NEHEMIA 2:4

Idi kebala raca' negku, “Anun luk pianmu negku?” Idi ui nesembayang inan Allah Surga.

AYUB 33:29

Allah megéi' kua' nganau kudeng ineh;

NANI UBUR 110:3

PupuMu miak mawang niat ngedengan Namu kareb Iko pebunu'. Anak adi'Mu luk deléi amé' Namu, mepad kudeng ipup kareb pekak, luk luun pegkung luk meligan.

NANI UBUR 119:36

Nganau' negku pian maya' ukumMu, meluun ratnan ngalap mula' binaweh.

NANI UBUR 141:4

Ngimet negku pad ui na pian nganau' sala', idi na perurum dengan kekamen lemulun luk dat; idi na kuman iraudeh!

BALE' 21:1

Tuhan ngimet terawé raca', mepad kudeng Ieh nenganau' dalan abpa'.

YESAYA 26:12

O Tuhan, Iko sikal ngeperuan nekai. Amung-amung luk ruen kai mangun ngaceku pedenganMu.

YEREMIA 31:33

Idi kareb ineh, ini jani' luk miak ruenKu dengan pupu Israil. Ui miak nganau' balaKu bang terawédeh, idi ngayud bala ineh bang niatdeh. Ui miak mangun ku Allahdeh, idi ideh mangun ku pupuKu.

YEREMIA 32:38

Idi ideh mangun ku pupuKu, idi Ui mangun ku Allahdeh.

LUKAS 12:32

“Aleg matot, O sengeriudan dumba luk isuut ini, ngaceku Taman muyuh pian maré Imet ineh nemuyuh.

LUKAS 2:14

“Amung rayeh kuan Allah bang langit luk meluun dita', idi awang luun tana' rat arang lemulun luk inanNeh mawa!”

YAHYA 3:27

Iamo' kebala Yahya, “Seburur pana' na miak ngalap anun-anun kudeng na barén Allah neneh.

YAHYA 6:45

Pangeh inayud nabi-nabi, ‘Amung lemulun miak badén Allah.’ Idi anid-anid lemulun luk pangeh ninger bala Taman idi sibada' rat Neneh, ieh teh miak amé' Negku.

YAHYA 6:65

Idi keburi'Neh, “Ini punneh Ui nepebala nemuyuh, idi seburur pana' na miak macing Negku kudeng na ratnan Taman.”

KEKAMEN RASUL-RASUL 11:21

Idi lalud Tuhan nengedengan nedeh, pad mula' lemulun manu idi lumi inan Tuhan.

SURAT LUK BIRE PAULUS KUAN LUN RUM 12:3

Ngaceku ratnan katu luk biré kuanku idi ui pebala kuan anid-anid lemulun, aleg ngerawé bururneh meluun ratnan terawé luk matu, iamo' do' ieh ngerawé dengan mebeneh niat maya' babpat anu luk bibpat Allah kuan anid-anid burur.

SURAT LUK BIRE PAULUS KUAN LUN RUM 9:11

Ngaceku kareb nateh anak rapid ineh neremuat idi kareb nateh didueh nenganau' anun-anun luk do' idi luk dat pad pian Allah ratnan luk pinili'Neh uen ngeletep, ieh ineh baken ratnan kekamen lemulun, iamo' ratnan tawar Allah,

SURAT LUK BIRE PAULUS KUAN LUN RUM 9:16

Ngaceku amung ineh baken ratnan pian lemulun, idi kél lemulun, iamo' ratnan éi' Allah.

1 KORINTUS 12:6

Idi inan tuda'-tuda' kekamen luk melalud, iamo' lalud ineh biré Allah luk sebuleng ineh kuan amung lemulun.

1 KORINTUS 15:10

Iamo' ngaceku ratnan katu Allah ui pangeh misu', pad ulunku mepad kudeng luk bang kareb ini, idi katu luk biréNeh negku na mo'-mo'. Iamo' ui luk meluun géi' ratnan amung-amungdeh, iamo' baken ui, iamo' katu Allah luk ngedengan negku.

2 KORINTUS 3:5

Baken kai ini sebuleng mileh nganau' anun-anun dengan ileh kai sebuleng, iamo' ileh kai ineh macing ratnan Allah.

EPESUS 1:11

Amung-amung miak ruen maya' pian idi terawé Allah. Idi Allah nemili' netau mangun ku pupuNeh bang Keristus, ngaceku pinianNeh sebuleng, maya' kudeng luk litepNeh rat pun-pun.

EPESUS 1:5

Allah pangeh nengeletep netau atun mangun ku anak-anakNeh ngaceku ratnan Yésus Keristus, maya' luk petulu dengan pinianNeh.

EPESUS 1:9

Allah nenganau' luk pianNeh, pad Ieh nengegala' kuan tau terawéNeh luk inalum ineh, luk litepNeh miak uen ngeriput lemaba Keristus.

EPESUS 2:8

Ngaceku dengan katu Allah muyuh inulun ngaceku ratnan anu, idi ini baken kekamen muyuh, iamo' baré Allah,

2 TESALONIKA 1:11

Ineh punneh kai megéi sembayang kuan muyuh pad Tuhan tau ngiap nemuyuh petulu maya' tawarNeh nemuyuh. Idi dengan laludNeh do' Allah ngacing amung-amung pian muyuh, pad muyuh maya' luk do' idi pad kekamen anun muyuh uen ngeriput,

2 TIMOTIUS 1:9

Allah nengulun netau idi nenawar netau mangun ku pupuNeh, baken maya' kekamen tau, iamo' maya' pianNeh sebuleng idi katu luk biréNeh kuan tau atun bang Keristus Yésus rat kareb luk pun-pun.

IBERANI 13:21

Do' Allah luk lawa awang ineh nganau' nemuyuh temina' maya' pianNeh, pad muyuh miak nganau' tuda'-tuda' kekamen luk do'. Idi do' Ieh ngisu' amung tau, pad tau maya' luk petulu pa kiungNeh bang Yésus Keristus. Idi rayeh kuanNeh macing ruked-ruked. Amin.

1 PETRUS 1:3

Do' tau ngubur Allah Taman Tuhan tau Yésus Keristus! Ngaceku éi'Neh luk pelaba rayeh, Ieh nemaré ulun luk mebaruh kuan tau, dengan nui Yésus Keristus ratnan até. Ngaceku ineh tau mepanu' ku rapet luk mulun.