PILIPI 2:12 - BALA LUK DO'

¹² Ngaceku ineh, O lun rurumku, mepad kudeng muyuh megéi' maya' balaku kareb ui idi dengan muyuh, do' muyuh maya' balaku nekini kareb ui mado rat nemuyuh. Do' muyuh ngakem dengan matot idi megegker pad ngeriput ulun muyuh bang Keristus.

PILIPI 2:12 Iomraidhean Croise

ESRA 10:3

Do' kai pejani' inan Allah kai, ratnan kai miak ngelegkan amung decur ini dengan amung anak luk tinganakdeh, maya' balamu idi amung lun luk matot ku bala Allah kai, idi do' kai nganau' ineh petulu ku ukum Allah.

NANI UBUR 119:120

Ui pelaba tot Namu, idi ku ukumMu pana'.

NANI UBUR 2:11

Maya' Tuhan dengan matot idi megegker.

BALE' 10:16

Tabpar lemulun luk matu ineh ulun, iamo' sala' ngacing sala' teh.

BALE' 13:4

Na tu lemulun luk mekupé ngalap luk pianneh. Lemulun luk megéi', ngalap amung-amung luk pianneh.

YESAYA 66:2

Ui sebuleng nemudut amung-amung pudut! Ui mawang niat ku lemulun luk mebeneh niat idi luk uren, luk matot Negku idi luk maya' balaKu.

YESAYA 66:5

O muyuh luk matot inan Tuhan idi luk maya' ukumNeh, do' ninger balaNeh: “Sebuang pupu muyuh megateh nemuyuh idi na sikal perurum nemuyuh, ngaceku muyuh lutep maya' Negku. Ideh situnga nemuyuh, kebaladeh, ‘Kai pian nier nemuyuh mawang niat, nima' Tuhan ngegala' rayehNeh pad ngulun nemuyuh.’ Iamo' ideh ineh luk uen ngigu'!

MATIUS 11:12

Idi rat kareb Yahya mada' macing nekini, Imet surga inaro lemulun, idi lemulun luk metueh nutun ngalap neneh.

MATIUS 11:29

Do' muyuh ngalap paga'Ku idi sibada' rat Negku, ngaceku Ui mulai niat idi mebeneh niat, idi erur muyuh miak uen ngato.

KEKAMEN RASUL-RASUL 16:29

Idi lun matar tutup ineh nemutuh lapung idi nupun semuet idi dengan megegker niat netekeradung pa kiung Paulus idi Silas teh.

KEKAMEN RASUL-RASUL 9:6

Tumui iko idi semuet bang bawang, idi déi' iko miak ninger ratnan anun-anun luk ruenmu.”

SURAT LUK BIRE PAULUS KUAN LUN RUM 2:7

Allah miak maré ulun luk meruked kuan lemulun luk megéi' nganau' luk do' idi luk nakap rayeh dengan ubur idi ulun luk na miak melu.

1 KORINTUS 15:58

Ngaceku ineh, O kinanak-kinanakku luk inanku mawa, do' muyuh lutep dengan na sigio, idi megéi' bang kekamen Tuhan, ngaceku muyuh kali' idi kél muyuh na mo'-mo' bang Tuhan.

1 KORINTUS 2:3

Kareb ui iné' nemuyuh, ui melaya' idi megegker ku tot.

1 KORINTUS 4:14

Ui ngayud ini baken pad ngigu' nemuyuh, iamo' pad mada' nemuyuh mepad kudeng anak-anak luk inanku mawa.

2 KORINTUS 7:15

Idi awaneh kuan muyuh amé' mula', ngaceku ieh nengerawé ratnan baya' muyuh, idi kudeng apeh muyuh nengalap neneh dengan matot idi megegker.

EPESUS 6:5

O demulun, do' muyuh maya' ukum lun luk kuan nemuyuh dengan matot idi megegker, idi dengan niat luk do' mepad kudeng muyuh maya' Keristus.

PILIPI 1:27

Iamo' do' ulun muyuh petulu dengan Bala luk Do' luk ratnan Keristus, do' kareb ui macing ngikak nemuyuh idi kareb ui mado pana', pad ui miak ninger ratnan muyuh tuped meraben dengan sebuleng niat idi sebuleng terawé, idi pad-pad pebunu', pelé ngacing anu ku Bala luk Do' ineh.

PILIPI 1:29

Ngaceku Allah pangeh nemaré kareb kuan muyuh pad ngakem kuan Keristus ineh, baken dengan manu Neneh mo', iamo' dengan ngalap medereh pana' ngaceku Ieh.

PILIPI 1:5

ngaceku ratnan rurum muyuh bang kekamen mada' Bala luk Do' ineh rat aco luk pun-pun macing nekini.

PILIPI 1:6

Ui kali' do'-do': Allah luk nengimun kekamen luk do' ini arang muyuh miak mangeh ineh pad macing aco Yésus Keristus ineh.

PILIPI 2:19

Iamo' bang Tuhan tau Yésus ui merapet miak ngecuk Timotius ngikak nemuyuh dengan mesaget, pad nitku lutep kareb ui kali' amung-amung bala luk rat nemuyuh.

PILIPI 4:1

Ngaceku ineh, O kinanak-kinanakku luk inanku mawa, idi luk inanku geregan, idi luk mangun ku awangku idi pataku, idi bang luk kudeng ineh do' muyuh lutep bang Tuhan, O luk inanku mawa.

PILIPI 4:15

Idi muyuh sebuleng pana' pangeh kali' teh, O lun Pilipi, idi kareb Bala luk Do' ineh pun-pun bida', kareb pun ui neremuat rat Makedonia, idi sebuleng sidang pana' na sikal perurum denganku ratnan maré idi ratnan ngalap pana', iamo' muyuh sebuleng mo'.

1 TESALONIKA 1:3

Ngaceku kai ngerawé pa kiung Allah Taman tau ratnan kekamen muyuh luk dengan anu, idi kél muyuh luk dengan awa, idi letep niat muyuh luk merapet inan Tuhan tau Yésus Keristus.

2 TIMOTIUS 2:10

Ineh punneh ui tuman ratnan amung-amung ngaceku pupu Allah luk pinili', pad ideh pana' ngalap ulun bang Keristus Yésus dengan rayeh luk meruked.

IBERANI 12:1

Tau pangeh linibut lun nekali' luk mula' ineh. Ngaceku ineh do' tau nala' anid-anid babeh luk meberat, idi sala' luk malé ngabet netau, idi do' tau upun dengan mulai niat bang peribatun luk tinina' kuan tau.

IBERANI 4:1

Allah pangeh nenecan aceh pejani' kuan tau ratnan semuet bang luk inan ucu' denganNeh. Do' tau matot pad seburur rat arang muyuh na ketecan déi' liang.

IBERANI 4:11

Ngaceku ineh, do' tau ngekél burur tau semuet bang luk inan Allah ucu' ineh, pad seburur pana' na miak mebpeh, mepad kudeng ideh luk nengelaba ukum.

IBERANI 5:9

Kareb Ieh pangeh linigan, Ieh mangun ku lawa ulun luk meruked kuan amung lemulun luk maya' balaNeh,

1 PETRUS 2:11

O luk inanku mawa, ui mutuh nemuyuh mepad kudeng lun sakai idi lemulun luk tudo segageh bang tana' ini! Do' muyuh ngado burur muyuh ratnan amung-amung lili tana' ini luk pebunu' dengan ulun muyuh.

2 PETRUS 3:18

Iamo' do' muyuh temubu' bang katu idi ileh ratnan Tuhan tau Yésus Keristus, Lun Nengulun. Idi rayeh kuanNeh, do' nekini idi ruked-ruked pana'. Amin.