PILIPI 2:11 - BALA LUK DO'

¹¹ idi amung-amung dila' miak ngamo idi Yésus Keristus ineh Tuhan, kuan rayeh Allah, ieh ineh Taman.

PILIPI 2:11 Iomraidhean Croise

NANI UBUR 110:1

Kebala Tuhan kuan Raca'ku, “Tudo pa tinuehKu, pad Ui nganau' bunu'Mu pa liang kukudMu.

NANI UBUR 18:49

Ngaceku ineh, ui ngubur Namu arang pupu-pupu; ui miak menani ngubur Namu.

YEREMIA 23:6

Kareb Ieh mangun ku raca', pupu Yahuda miak do' udeng idi lun Israil na inan bunu'. Ideh miak neten raca' ineh ‘Tuhan Pangeh Nengulun Netau.’

MATIUS 10:32

“Anid-anid lemulun luk ngamo Negku pa kiung lemulun. Ui pana' ngamo neneh pa kiung TamanKu luk bang surga.

LUKAS 2:11

Aco sini aceh Lun Ngulun pangeh tinganak kuan muyuh bang bawang Daud, ieh ineh Keristus Tuhan ineh.

YAHYA 12:42

Sagan pana' kudeng ineh, mula' rat arang lun rayeh-rayeh manu inan Yésus, iamo' ngaceku ratnan lun Parisi ideh na mekuu' ngamo, pad ideh na talan rat bang ruma' sembayang.

YAHYA 13:13

Muyuh ini nawar Negku Guru idi Tuhan, idi matu bala muyuh ineh, ngaceku Ui ini Ieh.

YAHYA 13:14

Kudeng Ui, Tuhan idi Guru, pangeh nemaru' kukud muyuh, do' muyuh maru' kukud muyuh seburur dengan seburur teh.

YAHYA 14:13

Idi anun-anun pana' luk pituen muyuh bang ngadanKu, Ui miak ngua' neneh, pad Taman uen ngerayeh bang Anak.

YAHYA 14:23

Idi kebala Yésus, “Kudeng idé-idé luk mawa Negku, kali' rungen ieh maya' balaKu, idi TamanKu ineh mawa neneh, idi Kai sikal macing neneh idi tudo denganneh.

YAHYA 17:1

Pangeh Yésus nepebala, idi Ieh netengook déi' langit, kebalaNeh, “O Ama' karebneh pangeh macing. Ngegala' rayeh AnakMu, pad AnakMu pana' miak ngegala' rayehMu.

YAHYA 20:28

Idi kebala Tomas Neneh, “O Allah, O Tuhanku!”

YAHYA 5:23

pad amung-amung lemulun miak gedita' Anak ineh mepad kudeng ideh ngedita' Taman ineh mepad kudeng ideh ngedita' Taman ineh teh. Lemulun luk na ngedita' Anak ineh, idi ieh pana' na ngedita' Taman luk nengecuk Neneh.

YAHYA 9:22

Taman-tinanneh nepebala kudeng ineh ngaceku matot nelun Yahudi, ngaceku ideh pangeh nepegayam, idi kudeng inan selemulun ngamo Yésus ineh Keristus, ieh miak talan rat bang ruma' sembayang.

KEKAMEN RASUL-RASUL 10:36

Muyuh kali' bala luk icing Allah kuan lun pupu Israil, ieh ineh Bala luk Do' ratnan awang luk lemaba Yésus Keristus, ieh ineh luk Tuhan amung lemulun.

KEKAMEN RASUL-RASUL 2:36

“Ngaceku ineh do' amung-amung lun Israil kali' dengan megala' ratnan Allah pangeh nenganau' Yésus luk sinalib muyuh ineh mangun ku Tuhan idi Keristus.”

SURAT LUK BIRE PAULUS KUAN LUN RUM 14:11

Ngaceku pangeh inayud, “Ratnan ulunKu ini, kebala Tuhan, idi anid-anid aleb miak tekeradung pa kiungKu, idi anid-anid dila' miak ngamo Ui ini Tuhan.”

SURAT LUK BIRE PAULUS KUAN LUN RUM 14:9

Ngaceku Keristus naté idi muli' mulun teh, pad Ieh mangun ku Tuhan kuan lemulun luk pangeh naté idi luk mulun pana'.

SURAT LUK BIRE PAULUS KUAN LUN RUM 15:9

pelé lun pupu baken pana' miak ngerayeh Allah ngaceku éi'Neh, maya' kudeng luk pangeh inayud, “Idi ini punneh ui ngubur Namu arang lun pupu baken, idi menani ngubur ngadanMu.”

1 KORINTUS 12:3

Petulu muyuh kali, idi seburur pana' luk kinuyut Roh Allah, na miak pebala, “Yésus ineh kidiman!” Idi seburur pana' na miak mala, “Yésus ineh Tuhan,” kudeng ieh na kinuyut Roh Meligan.

1 KORINTUS 15:47

Adam luk atun ineh inau' ratnan tana', idi ieh nacing ratnan tana'; Adam luk kedueh ineh nacing rat surga.

1 KORINTUS 8:6

iamo' kuan tau inan Sebuleng mo', ieh ineh Allah Taman, idi luk amung-amung rat Neneh mo' punneh, idi tau pana' kuanNeh, idi Tuhan pana' Sebuleng teh, ieh ineh Yésus Keristus, ngaceku luk amung-amung rat Neneh punneh, idi tau pana' mulun rat Neneh teh.

1 PETRUS 1:21

Idi ngaceku Keristus muyuh pangeh mangun ku lemulun luk manu inan Allah, luk pangeh nenui Neneh rat arang lun naté, idi luk nemaré rayeh kuanNeh, pad anu muyuh idi rapet muyuh lutep bang Allah.

1 YAHYA 4:15

Idé-idé luk ngamo idi Yésus ineh Anak Allah, idi Allah ineh mulun bang neneh idi ieh pana' mulun bang Allah.

1 YAHYA 4:2

Kudeng ini lawéneh muyuh miak ngiti Roh Allah: idé-idé luk ngamo Yésus Keristus nacing mepad kudeng lemulun, ieh ineh ratnan Allah;

2 YAHYA 1:7

Mula' lun luk ngeraruh pangeh neremuat iné' aput-aput tana', luk na ngamo Yésus Keristus pangeh nacing mangun ku lemulun. Lemulun ineh ngeraruh nelun, idi ideh ineh bunu' Keristus.

BALA LUK LINIO 3:5

Lemulun luk metueh miak uen ngayung ku ayung luk mebuda', idi na tu-tu Ui miak ngiu' ngadandeh rat bang surat ulun ineh. Ui miak ngamo ngadandeh pa kiung TamanKu idi pa kiung melaikat-melaikatNeh.