PILIPI 2:1 - BALA LUK DO'

¹ Inanké ulun muyuh bang Keristus ngetueh nemuyuh? Inanké awaNeh ngubuk nemuyuh? Inanké rurum muyuh dengan Roh? Inanké muyuh mawa idi méi' seburur dengan seburur?

PILIPI 2:1 Iomraidhean Croise

NANI UBUR 133:1

Pelaba do' idi pelaba awang niat, pupu Allah luk mepamung mepad kudeng denganak!

YESAYA 16:11

Ui ngarod ku susa' niat ngaceku Moab idi Kir Heris.

LUKAS 2:25

Idi déi' Yerusalim inan seburur lemulun, ngadanneh Simion. Ieh ineh lemulun luk matu idi luk matot inan Allah, idi ieh nganét aco luk inan Israil uen ngulun. Idi Roh Meligan idi denganneh.

YAHYA 14:18

“Ui na miak necan nemuyuh mepad kudeng anak maté; Ui sikal macing nemuyuh.

YAHYA 14:27

“Ui necan awang kuan muyuh, idi Ui maré awangKu sebuleng kuan muyuh. Ui na maré ineh kuan muyuh maya' lawé tana' ini. Aleg muyuh megagau niat idi aleg matot.

YAHYA 17:13

Iamo' nekini Ui amé' Namu; idi Ui mala amung ini serukedKu tudo bang tana' ini, pad ideh miak ngalap awangKu bang niatdeh dengan meriput.

KEKAMEN RASUL-RASUL 2:46

Anid-anid aco ideh tebubpun bang Ruma' Allah, idi pamung kuman bang ruma'deh sebuleng, dengan awang idi mebeneh niat.

KEKAMEN RASUL-RASUL 4:32

Amung-amung lun manu ineh sebuleng niat idi sebuleng terawé. Na luk idi seburur pana' luk mala binawehneh ieh kuan, iamo' amung binaweh ineh bibpatdeh.

SURAT LUK BIRE PAULUS KUAN LUN RUM 5:5

idi rapet ineh na miak maré migu', ngaceku awa Allah pangeh inutang bang niat tau ratnan Roh Meligan luk biré kuan tau.

SURAT LUK BIRE PAULUS KUAN LUN RUM 8:26

Kudeng ineh teh Roh pana' ngedengan laya' tau. Ngaceku na tau kali' luk petulu pituen tau; iamo' Roh ineh sebuleng mutuh ratnan Allah kuan tau dengan arod luk na miak belén peh.

1 KORINTUS 12:13

Kudeng ineh teh amung-amung tau, do' lun Yahudi idi lun pupu baken, do' demulun idi lun luk baken demulun, pangeh rireb mangun ku sebuleng burur, idi amung-amung tau pangeh ngirup ratnan Roh luk sebuleng ineh luk inutang kuan tau.

1 KORINTUS 15:31

O kinanak-kinanakku, anid-anid aco ui matun até, idi ui ngamo kudeng ini, ngaceku awang niatku nemuyuh bang ulun tau bang Keristus Yésus Tuhan tau.

1 KORINTUS 3:16

Naké muyuh kali' idi muyuh ini ruma' Allah idi Roh Allah tudo bang nemuyuh?

2 KORINTUS 2:14

Iamo' ngubur Allah! Ieh megéi' nguyut nekai pekarur ngaceku tueh bang Keristus, pad kai mada' ileh ratnan Keristus iapeh-iapeh pana' mepad kudeng aceh buen luk do'.

GALATIA 4:6

Ngaceku muyuh mangunku anak-anak, idi Allah pangeh nengecuk Roh AnakNeh semuet bang niat tau luk nawar, “Ama', O Ama'!”

GALATIA 5:22

Iamo' bua'-bua' Roh ineh,ieh ineh awa, mawang niat, pedo', mulai niat, éi' do' niat, lutep maya' jani',

EPESUS 4:4

Inan sebuleng burur idi sebuleng Roh mepad kudeng inan sebuleng rapet luk inan muyuh pangeh tinawar Allah.

PILIPI 1:8

Allah kali' ratnan ui sikal papu' nemuyuh dengan éi' Yésus Keristus.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

KOLOSE 2:2

Ui nganau' kudeng ini pad niatdeh mekuu', idi ideh perurum bang awa, idi manu dengan matu-matu ngaceku ideh kali' luk inalum Allah, ieh ineh Keristus.

KOLOSE 3:12

Muyuh ini pupu Allah. Ieh mawa nemuyuh idi nemili' nemuyuh mangun ku pupuNeh sebuleng. Ngaceku ineh do' muyuh ngayung ku katu, beneh niat, idi kadang niat.

IBERANI 6:18

Ngaceku ineh, inan dueh punneh luk na misu', idi Allah na mebalih ratnan ineh. Idi tau luk paneh nengalap ulun bang Neneh, miak ngalap kuu', pad tau ngimet meraben rapet ineh luk pangeh rireng pa kiung tau.

1 PETRUS 1:2

Muyuh pangeh pinili' maya' pian Allah Taman, idi muyuh pangeh linigan RohNeh mangun ku pupuNeh luk meligan, pad muyuh maya' bala Yésus Keristus idi baruin ku dara'Neh. Idi do' katu idi awang amé'-amé' mula' kuan muyuh.

1 YAHYA 3:24

Lemulun luk maya' ukum-ukum Allah, ieh mulun bang Allah, idi Allah mulun bang neneh. Idi ratnan ini tau kali' idi Allah mulun bang netau, ieh ineh ngaceku Roh luk biréNeh kuan tau.

1 YAHYA 4:12

Seburur lemulun pana' nateh nenier Allah. Kudeng tau mawa seburur dengan seburur idi Allah mulun bang netau, idi awaNeh ineh riniput bang netau.

1 YAHYA 4:16

Tau ini pangeh nekali' idi manu ratnan awa Allah bang netau. Allah ineh awa, idi lemulun luk mulun bang awa mulun bang Allah, idi Allah mulun bang neneh.