PILIPI 1:7 - BALA LUK DO'

⁷ Ui megéi' ngerawé nemuyuh, idi petulu ui inan terawé luk kudeng ineh ratnan muyuh. Ngaceku amung muyuh ngalap babpat pad-pad denganku, do' kareb ui kiling idi teh kareb ui mepuit, pad ui miak ngeletep idi ngasa' Bala luk Do' ineh.

PILIPI 1:7 Iomraidhean Croise

KEKAMEN RASUL-RASUL 20:23

iamo' ui kali' Roh Meligan maré kali' kuanku bang anid-anid bawang, ratnan ui tetupin idi uen ngedereh.

KEKAMEN RASUL-RASUL 21:33

Idi lun rayeh baweh ineh iné' ngakem ni Paulus idi nengecuk nedeh ngabet neneh ku dueh kaling. Idi kebalaneh, “Idéké lemulun ini, idi anun luk inau'neh.”

1 KORINTUS 13:7

Awa ineh tuman ratnan luk amung-amung, anuneh, rapetneh, idi ulai niatneh tuman macing ruked-ruked.

1 KORINTUS 9:23

Amung-amung ineh ui nganau' ngaceku Bala luk Do' ineh, pad ui ngalap babpat bang peruanneh.

2 KORINTUS 3:2

Muyuh sebuleng aceh surat luk iten kai, ieh ineh surat luk inayud bang niat kai, idi luk uen lun mula' ngiti idi maca'.

2 KORINTUS 7:3

Ui na pebala kudeng ini pad ngesala' nemuyuh, ngaceku atun ui nepebala, kai mawa nemuyuh idi perurum nemuyuh, sagan pana' mulun, kian maté lek.

GALATIA 5:6

Ngaceku bang Keristus Yésus, sunat idi na sinunat pana' nateh ulekneh, iamo' luk do', ieh ineh anu luk uen ngegala' bang awa.

EPESUS 3:1

Idi ini punneh ui ini, luk kiling ngaceku Keristus Yésus kuan muyuh lun pupu baken, sembayang pa kiung Allah.

EPESUS 4:1

Idi ini punneh ui ini, Paulus, luk pangeh kiling ngaceku Tuhan, mutuh nemuyuh mulun petulu dengan tawar luk inan muyuh pangeh tinawar ineh.

EPESUS 6:20

Ngaceku Bala luk Do' ui mangun ku lun duken, sagan pana' ui kiling. Mutuh kuanku pad ui mekuu' mada' ratnan Bala luk Do', maya kudeng luk petulu belénku peh.

PILIPI 1:12

Idi ui sikal maré kali' kuan muyuh, O kinanak-kinanakku, idi amung-amung luk pangeh nangun kuanku, pangeh mangun ku dalan mada' Bala luk Do'.

PILIPI 1:13

Pad pangeh ginala' kuan lun pebunu' bang ruma' lun ngimet bawang, idi lun baken pana', ratnan ui kiling ngaceku ui demulun Keristus.

PILIPI 1:14

Idi mula' kinanak-kinanak teh meluun rapet inan Tuhan ngaceku ratnan ui pangeh kiling, idi amé'-amé' mekuu' mada' bala Allah dengan na matot.

PILIPI 1:5

ngaceku ratnan rurum muyuh bang kekamen mada' Bala luk Do' ineh rat aco luk pun-pun macing nekini.

PILIPI 2:22

Iamo' muyuh kali' kudeng apeh Timotius nengegala' kélneh, idi kudeng apeh kai dueh nengakem pad-pad mepad kudeng anak dengan tamanneh ngaceku Bala luk Do' ineh.

PILIPI 4:14

Iamo' muyuh pangeh nenganau' luk do' idi nengedengan negku bang derehku.

PILIPI 4:15

Idi muyuh sebuleng pana' pangeh kali' teh, O lun Pilipi, idi kareb Bala luk Do' ineh pun-pun bida', kareb pun ui neremuat rat Makedonia, idi sebuleng sidang pana' na sikal perurum denganku ratnan maré idi ratnan ngalap pana', iamo' muyuh sebuleng mo'.

PILIPI 4:3

Meluun teh kuanmu pana', O lun denganku luk matu, ui mutuh namu ngedengan nedidueh luk decur ineh, luk pangeh pad-pad nerur denganku bang kekamen mada' Bala luk Do' pad-pad dengan Klemen teh, idi amung-amung lun denganku luk baken-baken teh, luk pangeh inayud ngadandeh bang surat ulun Allah.

KOLOSE 4:18

Tabi' rat negku ini, Paulus. Ui ngayud surat ini ku ticu'ku sebuleng. Aleg kelupan negku luk kiling ini. Idi do' katu Allah temurun idi ngedengan nemuyuh.

KOLOSE 4:3

Idi sembayang kuan kai teh, pad Tuhan miak ngukab aceh tanga' kuan kai mada' bala Tuhan, ieh ineh luk inalum ratnan Keristus. Ngaceku ineh punneh ui ini kiling teh.

1 TESALONIKA 5:5

Amung-amung muyuh anak-anak acang idi anak-anak aco. Tau ini baken ratnan malem idi ratnan medacem.

2 TIMOTIUS 1:8

Ngaceku ineh aleg migu' maré kali' ratnan Tuhan tau, idi aleg migu' ratnan ui kiling ngaceku Tuhan. Iamo' do' iko pad-pad ngalap medereh ngaceku Bala luk Do' maya' lalud Allah.

2 TIMOTIUS 2:9

Ngaceku ui mada' Bala luk Do' ineh ui medereh pad ui kiling, mepad kudeng lun luk dat. Iamo' bala Allah baken ieh kiling.

PILIMON 1:13

Idi pianku ngimet neneh pad ngasa' negku laba' ui kiling ngaceku Bala luk Do', mangun ku libalmu.

IBERANI 3:1

O kinanak-kinanakku luk meligan, luk pad-pad ngalap babpat bang tawar luk rat surga, do' muyuh ngerawé Rasul idi Imam Rayeh luk pangeh imo tau, ieh ineh Yésus.

1 PETRUS 4:13

Iamo' do' muyuh mawang niat ngaceku muyuh miak ngalap babpat ratnan dereh Keristus, pad muyuh mepanu' ku awang, kareb rayehNeh uen ngelio.

1 PETRUS 5:1

Idi kuan amung lun rayeh sidang luk arang muyuh, ini aceh bada'ku, ngaceku ui pana' seburur lun rayeh teh, idi ui mangun ku lun luk nekali' ratnan dereh Keristus, idi teh ui miak ngalap babpat rayeh luk miak uen ngegala'.

2 PETRUS 1:13

Bang terawéku, seruked ui mulun, do' ui ngegio niat muyuh dengan mada' nemuyuh.

1 YAHYA 3:14

Tau kali' tau ini pangeh nepuit ratnan até amé' inan ulun, ngaceku tau mawa inan amung-amung kinanak. Idi lemulun luk na mawa lutep bang até.