PILIPI 1:6 - BALA LUK DO'

⁶ Ui kali' do'-do': Allah luk nengimun kekamen luk do' ini arang muyuh miak mangeh ineh pad macing aco Yésus Keristus ineh.

PILIPI 1:6 Iomraidhean Croise

NANI UBUR 138:8

Iko pian nganau' amung-amung luk pijani'Mu negku; O Tuhan, awaMu lutep macing ruked-ruked. Do' mangeh kekamen luk tinimunMu.

YAHYA 6:29

Idi kebala Yésus, “Ini luk pian Alah ruen muyuh, do' muyuh manu Neneh luk icuk Allah ineh.”

KEKAMEN RASUL-RASUL 11:18

Pangeh ideh neninger kudeng ini idi amung-amungdeh pirud, idi nengerayeh Allah, kebaladeh, “Kudeng pieh kudeng ineh, kuan lun pupu baken teh Allah pangeh nemaré dalan uren luk nguit amé' inan ulun.”

KEKAMEN RASUL-RASUL 16:14

Idi inan aceh decur ngadanneh Lidia, seburur rat Tiatira luk masui kibung luk sia' merirem. Ieh sembayang inan Allah, idi Tuhan nengukab niatneh pad ieh nengerawé amung-amung bala luk bila Paulus ineh.

1 KORINTUS 1:8

Ieh sikal nganau' nemuyuh lutep macing kekipedneh, pad muyuh na mesala' kareb Aco Tuhan tau Yésus Keristus.

2 KORINTUS 1:15

Idi ngaceku ui pangeh merapet kudeng ini, pianku sikal macing nemuyuh atun, pad muyuh ngalap peruan luk kedueh kua'.

2 KORINTUS 2:3

Ui nengayud surat ineh, pad kareb ui macing ui na mesusa' niat ratnan lemulun luk megéi' maré negku mawang niat. Ngaceku ui merapet, idi kudeng ui mawang niat idi amung-amung muyuh mawang niat teh.

2 KORINTUS 7:16

Idi ui mawang niat ngaceku ui miak merapet nemuyuh!

2 KORINTUS 9:4

Kudeng lun Makedonia macing denganku idi kali' nemuyuh nateh temina', kali' rungen kai pelaba igu' (idi muyuh pana' migu') ngaceku kai pangeh merapet nemuyuh.

GALATIA 5:10

Ui merapet nemuyuh bang Tuhan, pad muyuh na ngerawé ratnan anun-anun luk baken. Iamo' lemulun, sagan pana' idé, luk ngagau niat muyuh miak kumin Allah.

EPESUS 4:12

Ieh nenganau' ini pad ngeletep lun manu kuan kekamen Tuhan, pad ngetueh burur Keristus.

PILIPI 1:10

pad muyuh miak mili' luk meluun do', pelé muyuh miak mangun meligan idi na mesala' kareb Aco Yésus Keristus.

PILIPI 1:29

Ngaceku Allah pangeh nemaré kareb kuan muyuh pad ngakem kuan Keristus ineh, baken dengan manu Neneh mo', iamo' dengan ngalap medereh pana' ngaceku Ieh.

PILIPI 2:12

Ngaceku ineh, O lun rurumku, mepad kudeng muyuh megéi' maya' balaku kareb ui idi dengan muyuh, do' muyuh maya' balaku nekini kareb ui mado rat nemuyuh. Do' muyuh ngakem dengan matot idi megegker pad ngeriput ulun muyuh bang Keristus.

PILIPI 2:13

Ngaceku Allah, Ieh ineh luk ngakem bang nemuyuh pad muyuh geregan idi ngakem teh sikal ngacing pianNeh luk do' ineh.

PILIPI 2:16

kareb muyuh nicul bala luk maré ulun, pad ui mawang niat ku muyuh kareb Aco Keristus, ngaceku kekamenku na mo'-mo', idi erurku pana' na mo'-mo' teh.

KOLOSE 2:12

Kareb muyuh rireb, muyuh tinanem dengan Keristus, idi bang rereb ineh teh muyuh pangeh tinui teh dengan Keristus, ngaceku manu inan lalud Allah luk nenui Neneh rat arang lun naté ineh.

1 TESALONIKA 1:3

Ngaceku kai ngerawé pa kiung Allah Taman tau ratnan kekamen muyuh luk dengan anu, idi kél muyuh luk dengan awa, idi letep niat muyuh luk merapet inan Tuhan tau Yésus Keristus.

2 TESALONIKA 1:11

Ineh punneh kai megéi sembayang kuan muyuh pad Tuhan tau ngiap nemuyuh petulu maya' tawarNeh nemuyuh. Idi dengan laludNeh do' Allah ngacing amung-amung pian muyuh, pad muyuh maya' luk do' idi pad kekamen anun muyuh uen ngeriput,

2 TESALONIKA 3:4

Idi bang Tuhan kai merapet nemuyuh, pad muyuh nganau' idi miak nganau' luk duken kai nemuyuh.

PILIMON 1:21

Idi ui ngayud kudeng ini kuanmu ngaceku merapet idi iko miak maya' balaku idi ui kali' namu sikal nganau' meluun ratnan putuhku ineh.

IBERANI 10:35

Ngaceku ineh aleg ngetutu' kuu' muyuh luk ngacing tabpar luk rayeh.

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.

1 PETRUS 5:10

Idi Allah, lawa amung-amung katu, luk pangeh nenawar nemuyuh semuet bang rayehNeh luk meruked bang Keristus, kareb muyuh pangeh nengalap dereh bang segageh mo', idi Ieh luk miak ngeligan nemuyuh idi ngeraben nemuyuh idi ngetueh nemuyuh pana'.

2 PETRUS 3:10

Iamo' Aco Tuhan sikal macing mepad kudeng lun mano. Langit miak metutu' dengan uni luk meluun rayeh, idi amung-amung pudut luk bang langit miak meseb idi ubpa', idi tana' dengan amung-amung kekamen luk ina bangneh ineh miak meseb.