PILIPI 1:27 - BALA LUK DO'

²⁷ Iamo' do' ulun muyuh petulu dengan Bala luk Do' luk ratnan Keristus, do' kareb ui macing ngikak nemuyuh idi kareb ui mado pana', pad ui miak ninger ratnan muyuh tuped meraben dengan sebuleng niat idi sebuleng terawé, idi pad-pad pebunu', pelé ngacing anu ku Bala luk Do' ineh.

PILIPI 1:27 Iomraidhean Croise

INUL LUK PUN-PUN 19:12

Idi kebala Yoab neneh, “Kudeng lun Siria ineh ngelaya' negku, do' iko amé' ngedengan negku. Idi kudeng lun Amon ineh ngelaya' namu, kali' rungen ui amé' ngedengan namu.

NANI UBUR 122:3

Yerusalim pangeh pinudut baruh, dengan pudut luk do' ayu idi do' lalad teh!

NANI UBUR 133:1

Pelaba do' idi pelaba awang niat, pupu Allah luk mepamung mepad kudeng denganak!

BALE' 22:23

Ngaceku Tuhan ngedengan nedeh, idi Ieh ngukum lemulun luk ngukum nedeh.

YEREMIA 32:39

Idi Ui miak maré kuandeh sebuleng terawé, pelé ideh matot Negku ruked-ruked, pad ideh ngalap peruan dengan inuldeh pana'.

MATIUS 12:25

Yésus nekali' terawédeh, idi kebalaNeh nedeh, “Anid-anid bawang luk sikal metueh sebuleng ratnan sebuleng, musag peh; idi anid-anid ruma' idi tetek ruma' luk sikal metueh sebuleng ratnan sebuleng, na ieh miak tuped.

KEKAMEN RASUL-RASUL 2:46

Anid-anid aco ideh tebubpun bang Ruma' Allah, idi pamung kuman bang ruma'deh sebuleng, dengan awang idi mebeneh niat.

KEKAMEN RASUL-RASUL 24:24

Tuda'-tuda' aco idi Pilik nacing dengan awanneh Drusila, ieh ineh seburur lun Yahudi. Pilik neneteng ni Paulus, idi ieh neninger bala Paulus ratnan manu inan Keristus Yésus.

KEKAMEN RASUL-RASUL 4:32

Amung-amung lun manu ineh sebuleng niat idi sebuleng terawé. Na luk idi seburur pana' luk mala binawehneh ieh kuan, iamo' amung binaweh ineh bibpatdeh.

SURAT LUK BIRE PAULUS KUAN LUN RUM 1:16

Ngaceku na ui migu' ngamo Bala luk Do' ineh; ngaceku ieh ineh lalud Allah luk ngacing ulun kuan anid-anid lemulun luk manu, pun-pun kuan lun Yahudi, idi kuan pun pupu baken pana'.

SURAT LUK BIRE PAULUS KUAN LUN RUM 1:5

Ngaceku rat Neneh ui pangeh nengalap katu pad ui mangun ku rasul ngaceku Keristus, pelé ui nguit lemulun ratnan anid-anid pupu manu idi maya' pianNeh.

SURAT LUK BIRE PAULUS KUAN LUN RUM 1:9

Ui ngakem kuan Allah dengan amung niatku dengan mada' Bala luk Do' ratnan AnakNeh. Idi Allah ineh miak ngegala' ratnan anun-anun luk bilaku matu. Allah kali' ratnan ui megéi' ngerawé nemuyuh

SURAT LUK BIRE PAULUS KUAN LUN RUM 10:8

Ini luk bilaneh, “Bala ineh muneng namu peh, ieh ineh bang tangmu, idi bang niatmu pana',” (ieh ineh bala manu luk badén kai).

SURAT LUK BIRE PAULUS KUAN LUN RUM 15:16

pad ui mangun ku lun duken Keristus Yésus kuan lun pupu baken. Ui ngakem mepad kudeng imam idi mada' Bala luk Do' ratnan Allah, pad lun pupu baken ineh miak lapen Allah mangun ku aceh baré luk petulu idi luk uen ngeligan ratnan Roh Allah.

SURAT LUK BIRE PAULUS KUAN LUN RUM 15:29

Ui kali' kareb ui macing nemuyuh, idi ui macing mepanu' ku peruan ratnan Keristus.

1 KORINTUS 1:10

O kinanak-kinanakku, ui mutuh nemuyuh dengan ngadan Tuhan tau Yésus Keristus, pad muyuh amung-amung sebuleng niat ratnan luk belén muyuh, pad na patad. Iamo' do' muyuh mangun ku aceh rurum, dengan sebuleng terawé idi sebuleng niat.

1 KORINTUS 15:58

Ngaceku ineh, O kinanak-kinanakku luk inanku mawa, do' muyuh lutep dengan na sigio, idi megéi' bang kekamen Tuhan, ngaceku muyuh kali' idi kél muyuh na mo'-mo' bang Tuhan.

2 KORINTUS 13:11

Idi nekini, O kinanak-kinanakku, tabi' kuan muyuh. Do' muyuh mekél pad anu muyuh meriput, idi ninger bada'ku. Do' muyuh sebuleng niat, idi pedo'. Idi Allah luk lawa awa idi pedo' miak tudo dengan muyuh.

2 KORINTUS 4:4

Idi raca' tana' ini pangeh nengebuser mateh niat lemulun luk na manu ineh, pad ideh na miak macang ku acang Bala luk Do' ratnan rasat Keristus, ieh ineh ayun Allah.

2 KORINTUS 9:13

Idi ngaceku dalan tanu' katu muyuh ineh, mula' lemulun miak ngerayeh Allah ngaceku muyuh lutep maya' Bala luk Do' ratnan Keristus luk imo muyuh, idi ngaceku muyuh mekatu maré babpat kuandeh idi kuan lun baken pana'.

GALATIA 1:7

Setuneh na luk idi Bala luk Do' luk baken; iamo' inan sebuang lemulun luk ngagau nemuyuh, idi luk sikal ngisu' Bala luk Do' ratnan Keristus.

EPESUS 1:13

Kudeng ineh teh muyuh, kareb muyuh neninger bala luk matu, ieh ineh Bala luk Do' luk nengulun nemuyuh, idi muyuh pangeh manu inan Keristus, idi muyuh pangeh itu ku Roh Meligan luk pangeh pijani' ineh.

EPESUS 1:15

Ngaceku ineh, kareb ui pangeh neninger ratnan anu muyuh inan Tuhan Yésus idi awa muyuh kuan amung-amung lun manu,

EPESUS 4:1

Idi ini punneh ui ini, Paulus, luk pangeh kiling ngaceku Tuhan, mutuh nemuyuh mulun petulu dengan tawar luk inan muyuh pangeh tinawar ineh.

PILIPI 1:5

ngaceku ratnan rurum muyuh bang kekamen mada' Bala luk Do' ineh rat aco luk pun-pun macing nekini.

PILIPI 2:12

Ngaceku ineh, O lun rurumku, mepad kudeng muyuh megéi' maya' balaku kareb ui idi dengan muyuh, do' muyuh maya' balaku nekini kareb ui mado rat nemuyuh. Do' muyuh ngakem dengan matot idi megegker pad ngeriput ulun muyuh bang Keristus.

PILIPI 2:24

Idi ui merapet inan Tuhan, pad ui sebuleng pana' miak macing nemuyuh dengan mesaget.

PILIPI 3:18

Ngaceku mula' lemulun luk nenganau' bururdeh mangun ku bunu' kuan salib Keristus, luk pangeh bilaku tuda'-tuda' kua' kuan muyuh, idi nekini pana' ui mada' dengan tangi'ku.

PILIPI 3:20

Iamo' tana' tau inan déi' surga, idi tau nganét Lun Nengulun macing rat surga, ieh ineh Tuhan Yésus Keristus.

PILIPI 4:1

Ngaceku ineh, O kinanak-kinanakku luk inanku mawa, idi luk inanku geregan, idi luk mangun ku awangku idi pataku, idi bang luk kudeng ineh do' muyuh lutep bang Tuhan, O luk inanku mawa.

KOLOSE 1:10

pad ulun muyuh petulu dengan pinian Tuhan idi muyuh perurum denganNeh bang luk amung-amung, idi ngeruat bua' bang anid-anid kekamen luk do', idi pad ileh muyuh ratnan Allah amé'-amé' rayeh.

KOLOSE 1:4

Ngaceku kai pangeh neninger ratnan anu muyuh inan Keristus Yésus idi awa muyuh kuan amung lun manu.

1 TESALONIKA 3:6

Nekini Timotius pangeh nacing rat nemuyuh idi nenguit kuan kai bala luk do' ratnan anu idi awa muyuh. Ieh nemaré kali' ratnan muyuh megéi' do' nekai, idi ratnan muyuh geregan papu' nekai, mepad kudeng kai geregan papu' nemuyuh.

1 TESALONIKA 4:1

Kekipedneh, O kinanak-kinanakku, muyuh pangeh nesibada' rat nekai ratnan kudeng apeh muyuh miak mulun pad ngawang niat Allah: ieh ineh mepad kudeng ulun muyuh nekini. Idi nekini kai mutuh nemuyuh bang ngadan Tuhan Yésus nganau' meluun rantan ineh.

1 TIMOTIUS 1:11

Bada' ineh lapen ratnan Bala luk Do' luk biré kuanku pad ui mada' ineh, ieh ineh Bala luk Do' ratnan Allah luk rayeh idi buren.

1 TIMOTIUS 1:19

idi do' iko lutep bang anu idi teruayen niat luk do'. Inan tuda'-tuda' lemulun luk na ngerawé teruayen niatdeh, idi anudeh nekusag.

2 TIMOTIUS 4:7

Ui pangeh mekél pebunu' bang bunu' luk do'. Ui pangeh peribatun macing su garis luk kekiped, idi ui pangeh nematar anuku ineh.

TITUS 2:10

idi dengan na mano. Iamo' do' ideh megéi' lutep idi do' niat bang luk amung-amung pad ideh ngerayeh bada' Allah, Lun Nengulun netau.

PILIMON 1:5

ngaceku ui ninger ratnan awamu idi ratnan anumu kuan Tuhan Yésus idi kuan amung-amung lun manu.

YAKUB 3:18

Idi bua'-bua'neh, ieh ineh luk matu, tinibu dengan pedo' ratnan amung-amung lemulun luk ngakem kekamen luk pedo'.

2 PETRUS 3:11

Kudeng luk amung-amung miak uen ngusag kudeng ineh, kudeng apehké luk petulu kuan ulun muyuh? Do' muyuh meligan idi meriput pa kiung Allah

2 PETRUS 3:14

Ngaceku ineh, O luk inanku mawa, laba' muyuh nganét amung-amung luk kudeng ini, do' muyuh mekél pad muyuh miak lapen dengan awang, dengan na melutak idi na mesala' pa kiung Tuhan.

YAHUDA 1:3

O amung-amung luk inanku mawa, ui pelaba pian ngayud surat kuan muyuh ratnan ulun tau luk pad-pad ineh, iamo' niatku nesigio pad ui ngayud pad ngecuk nemuyuh pesingaro bang anu luk pangeh biré Allah sekua' mo' kuan amung-amung pupuNeh.