PILIPI 1:23 - BALA LUK DO'

²³ Niatku perapid ratnan luk dueh ini. Ui pian amé' idi tudo dengan Keristus, ngaceku luk kudeng ineh luk meluun do'.

PILIPI 1:23 Iomraidhean Croise

SEMUIL LUK KEDUEH 24:14

Idi kebala Daud ni Gad, “Ui pelaba gagau. Do' tau mebpeh bang palad Tuhan, ngaceku katuNeh pelaba rayeh. Iamo' aleg ui mebpeh bang palad lemulun.”

NANI UBUR 17:15

Iamo' ui miak nier Namu, ngaceku ui luk matu, kareb ui tumui, ui miak mepanu' ku awang, ngaceku Iko idi denganKu.

NANI UBUR 49:15

Iamo' Allah miak ngulun negku; idi ngalap negku ratnan lalud até.

LUKAS 12:50

Ui na miak na rerebpen dengan aceh rereb, idi kudeng apehké susa' niatKu kareb nateh rereb ineh mangun!

LUKAS 23:43

Idi kebala Yésus neneh, “Ui pebala namu, aco sini teh iko idi pad-pad denganKu bang Pirdaus.”

LUKAS 8:38

Lemulun luk inan ada' neremuat ineh nemutuh Yésus, pad ieh miak maya' Neneh. Iamo' Yésus nengecuk neneh nalan, keburi'Neh,

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

YAHYA 13:1

Bang aco luk atun ratnan Irau Paska ineh, idi Yésus nekali' ratnan karebNeh pangeh nacing luk inanNeh necan tana' ini amé' inan Taman. Ieh pangeh mawa inan uang tana' ini, idi Ieh mawa nedeh macing kekipedneh.

YAHYA 14:3

Pangeh Ui amé' nganau' temina' luk inan kuan muyuh, idi Ui lemubed ngalap nemuyuh amé' Negku, pelé su luk inanKu tudo, déi' teh luk inan muyuh.

YAHYA 17:24

“O Ama', pianKu idi lemulun luk pangeh biréMu Negku ineh idi denganKu iapeh-iapeh luk inanKu, pad ideh miak nier rayehKu luk pangeh biréMu Negku, ngaceku Iko pangeh mawa Negku atun ratnan tana' ini pinudut.

KEKAMEN RASUL-RASUL 7:59

Idi laba' ideh mitung ni Stepanus idi ieh sembayang, “O Tuhan Yésus, lapenMu rohku.”

2 KORINTUS 5:8

Kai mekuu' idi pelaba pian mepatad ratnan burur, pad tudo dengan Tuhan.

2 KORINTUS 6:12

Kai pangeh mawa nemuyuh dengan na ngalum anun-anun, iamo' muyuh na mawa nekai kudeng ineh.

PILIPI 1:24

Iamo' kuan muyuh ui inan ulek mulun.

1 TESALONIKA 2:1

Muyuh sebuleng kali', O kinanak-kinanakku, na kai macing nemuyuh mo'-mo'.

1 TESALONIKA 2:13

Idi ini punneh kai ini pana' megéi' maré ubur kuan Allah. Kareb kai nemada' bala Allah kuan muyuh, muyuh nengalap bala ineh baken mepad kudeng bala lemulun, iamo' matu mepad kudeng bala Allah. Ngaceku Allah ngakem bang nemuyuh luk manu.

1 TESALONIKA 4:17

Muci tau luk uned mulun kareb ineh miak lapen amé' bang laput pad-pad dengandeh papu' Tuhan déi' arang gawa'. Kudeng ineh teh tau megéi' pad-pad dengan Tuhan.

2 TIMOTIUS 4:6

Ui miak barén idi tarekku pangeh nacing.

BALA LUK LINIO 14:13

Idi ui neninger aceh arod rat bang langit luk nepebala, “Do' ngayud kudeng ini: Samal kuan lemulun luk pangeh naté, ieh ineh luk naté bang Tuhan rat pad sini!” “Matu,” kebala Roh ineh, “Ideh miak ucu' ratnan amung erurdeh; ngaceku kekamendeh luk do' maya' nedeh.”