PILIPI 1:21 - BALA LUK DO'

²¹ Ngaceku kuanku, kudeng mulun, ieh ineh Keristus, idi kudeng maté, ieh ineh peruan.

PILIPI 1:21 Iomraidhean Croise

1 KORINTUS 1:30

Iamo' dengan peruan ratnan Allah, muyuh ini perurum dengan Keristus Yésus, luk pangeh mangun ku ileh kuan tau ratnan Allah. Ieh nganau' netau matu, idi ngeligan idi nguli' netau.

1 KORINTUS 3:22

Paulus, Apolos, Pétrus, tana' ini, ulun idi até, luk inan nekini idi luk sikal macing teh, amung-amung ineh muyuh kuan.

2 KORINTUS 5:1

Ngaceku kai kali' idi kudeng ruma' luk inan tau tudo bang tana' ini uen ngusag, tau miak ngalap aceh ruma' ratnan Allah, ieh ineh su luk inan tudo, baken inau' ku ticu', iamo' meruked déi' surga.

2 KORINTUS 5:6

Kai megéi' mekuu', ngaceku kai kali', idi laba' kai tudo bang burur ini, kai mado ratnan Tuhan.

2 KORINTUS 5:8

Kai mekuu' idi pelaba pian mepatad ratnan burur, pad tudo dengan Tuhan.

GALATIA 2:20

Ui pangeh sinalib dengan Keristus. Idi ulunku ini baken ui teh, iamo' Keristus luk mulun bang negku. Ulunku luk nekini, ieh ineh ulun ratnan anu inan Anak Allah luk pangeh mawa negku idi luk nemaré bururNeh ngaceku ui.

GALATIA 6:14

Iamo' na ui pian medita' niat ku luk baken ratnan salib Tuhan tau Yésus Keristus. Ngaceku ratnan salibNeh ineh, tana' ini sinalib kuanku, idi ui pana' sinalib kuan tana' ini.

PILIPI 1:20

Ui geregan idi merapet dengan matu-matu, pad ui na melaya' bang kekamenku. Iamo' do' ui megéi' mekuu', meluun teh bang kareb ini, pad ui pelaba kél ngerayeh Keristus bang bururku, do' dengan ulun kian até lek.

PILIPI 1:22

Iamo' kudeng dengan ulunku ui ngeruat meluun ula' bua' ratnan kekamenku, idi na ui kali' sapeh luk pian pilinku.

PILIPI 1:23

Niatku perapid ratnan luk dueh ini. Ui pian amé' idi tudo dengan Keristus, ngaceku luk kudeng ineh luk meluun do'.

PILIPI 2:21

Ngaceku amung-amungdeh nakap luk kuan bururdeh sebuleng, baken luk ratnan Yésus Keristus.

KOLOSE 3:4

Ulun muyuh luk matu, ieh ineh Keristus. Idi kareb Ieh macing sekedueh kua', muyuh pana' miak melagan pad-pad denganNeh bang rayehNeh.

BALA LUK LINIO 14:13

Idi ui neninger aceh arod rat bang langit luk nepebala, “Do' ngayud kudeng ini: Samal kuan lemulun luk pangeh naté, ieh ineh luk naté bang Tuhan rat pad sini!” “Matu,” kebala Roh ineh, “Ideh miak ucu' ratnan amung erurdeh; ngaceku kekamendeh luk do' maya' nedeh.”