PILIPI 1:19 - BALA LUK DO'

¹⁹ Ngaceku ui kali' ui miak puatin ngaceku sembayang muyuh idi pedengan ratnan Roh Yésus Keristus.

PILIPI 1:19 Iomraidhean Croise

KEKAMEN RASUL-RASUL 16:7

Kareb ideh nacing lakan Misia, idi ideh sikal nutun semuet déi' Bitinia, iamo' Roh Yésus na nima' nedeh.

SURAT LUK BIRE PAULUS KUAN LUN RUM 8:28

Tau kali', idi amung-amung kekamen perurum ngacing luk do' kuan lemulun luk mawa inan Allah, ieh ineh kuan lemulun luk tinawar maya' pianNeh.

SURAT LUK BIRE PAULUS KUAN LUN RUM 8:9

Iamo' muyuh ini na maya' pinian burur, iamo' maya' pian Roh, ieh ineh kudeng Roh Allah tudo bang burur muyuh. Kudeng idé-idé luk na inan Roh Keristus bang niatneh, baken ieh pupu Keristus.

1 KORINTUS 4:17

Idi ini punneh ui nengecuk Timotius amé' nemuyuh, ieh ineh anakku luk inanku mawa idi luk lutep bang Tuhan. Ieh miak mada' nemuyuh ratnan amung-amung dalanku bang Keristus, mepad kudeng luk bida'ku iapeh-iapeh pana' bang anid-anid sidang.

2 KORINTUS 1:11

kudeng muyuh nengan nekai dengan sembayang muyuh. Dengan luk kudeng ineh putuh lemulun luk mula' ineh miak uen ngua', pad Allah miak ngeperuan nekai, idi mula' lemulun miak maré ubur kuan Allah ngaceku kai.

GALATIA 3:5

Inanké Allah maré Roh kuan muyuh, idi nganau' kekamen luk melalud arang muyuh ngaceku muyuh maya' Ukum ineh kian ngaceku ninger idi manu ku Bala luk Do' lek?

GALATIA 4:6

Ngaceku muyuh mangunku anak-anak, idi Allah pangeh nengecuk Roh AnakNeh semuet bang niat tau luk nawar, “Ama', O Ama'!”

PILIPI 1:18

Na mekudeh! Ui mawang niat ku ineh — kudeng Keristus badén teh, kian dengan matu idi siayu pana'. Ui megéi' mawang niat.

1 PETRUS 1:11

Ideh nenakap karebneh idi kudeng apeh ayu kareb luk bida' Roh Keristus luk idi bang nedeh. Idi Roh ineh nemaré kali' atun ratnan amung-amung dereh Keristus, dengan amung-amung rayeh luk miak macing muci.