PILIPI 1:17 - BALA LUK DO'

¹⁷ Lun baken ineh mada' Keristus ngaceku sikal pa luun, baken dengan niat luk matu. Ideh pian nganau' susa' kuanku luk kiling ini.

PILIPI 1:17 Iomraidhean Croise

LUKAS 21:14

Do' muyuh lutep! Aleg ngerawé atun ratnan kudeng apeh muyuh miak ngor baladeh.

KEKAMEN RASUL-RASUL 22:1

“O taman-taman idi kinanak-kinanak, ninger muyuh!”

KEKAMEN RASUL-RASUL 26:1

Idi kebala Agripa ni Paulus, “Iko miak pebala kuan bururmu sebuleng.” Idi Paulus nengegenang ticu'neh idi nepebala:

KEKAMEN RASUL-RASUL 26:24

Pangeh paulus nengor kudeng ineh, idi Péstus nengitang, kebalaneh, “Meruden iko, O Paulus, ilehmu luk mula' ineh nganau' namu meruden.”

SURAT LUK BIRE PAULUS KUAN LUN RUM 2:8

Iamo' kuan lemulun luk ngerawé bururdeh sebuleng idi luk na maya' luk matu, pad ideh nganau' luk dat, Allah miak ngacing useh idi gatehNeh.

PILIPI 1:18

Na mekudeh! Ui mawang niat ku ineh — kudeng Keristus badén teh, kian dengan matu idi siayu pana'. Ui megéi' mawang niat.

PILIPI 1:7

Ui megéi' ngerawé nemuyuh, idi petulu ui inan terawé luk kudeng ineh ratnan muyuh. Ngaceku amung muyuh ngalap babpat pad-pad denganku, do' kareb ui kiling idi teh kareb ui mepuit, pad ui miak ngeletep idi ngasa' Bala luk Do' ineh.

PILIPI 2:3

Aleg nganau' anun-anun dengan sikal pa luun idi dengan medita' niat, iamo' dengan mebeneh niat anid-anid burur muyuh ngerawé nelun baken meluun do' ratnan burur muyuh sebuleng.

1 TIMOTIUS 2:7

Idi ini punneh ui litep mangun ku rasul, idi ku guru kuan lun pupu baken pad mada' ratnan anu ineh idi luk matu teh. Ui na mebalih. Ui mala luk matu.

2 TIMOTIUS 2:9

Ngaceku ui mada' Bala luk Do' ineh ui medereh pad ui kiling, mepad kudeng lun luk dat. Iamo' bala Allah baken ieh kiling.

2 TIMOTIUS 4:16

Kareb ui pun-pun nengor bala bang besara', na luk idi seburur pana' luk ngeruyung negku; iamo' amung-amungdeh nenecan negku. Ui merapet amung ineh na mangun ku babeh kuandeh.