PILIPI 1:10 - BALA LUK DO'

¹⁰ pad muyuh miak mili' luk meluun do', pelé muyuh miak mangun meligan idi na mesala' kareb Aco Yésus Keristus.

PILIPI 1:10 Iomraidhean Croise

PUDUT 20:5

Kebala Ibrahim, ‘Decur ini kinanakku.’ Idi kebala decur ineh pana', ‘Deléi ini kinanakku.’ Idi dengan mesiri niat ui pangeh nenganau' ineh.”

AYUB 12:11

Iamo' mepad kudeng dila' nutun én luk kenen, kudeng ineh teh lalidmu pian ninger bala.

AYUB 34:3

Muyuh kali' akan luk mén; ngudehké muyuh na kali' bala luk mileh?

MIKA 3:2

iamo' muyuh megateh inan luk do' idi mawa inan luk dat. Muyuh nganit kubil pupu ini kareb ideh mulun, idi ngalap uangdeh ratnan tulangdeh.

MATIUS 16:23

Iamo' Yésus nelumi, idi nepebala ni Pétrus, “Amé' pa ketedKu, O Sétan! Iko luk ngesabeng Negku, ngaceku iko baken ngerawé luk ratnan Allah, iamo' lu ratnan lemulun mo'.”

MATIUS 26:33

Idi kebala Pétrus Neneh, “Sagan pana' amung-amungdeh necan Namu, ui sebuleng na tu sikal necan Namu.”

YAHYA 1:47

Kareb Yésus nenier Nataniel macing Neneh, idi Ieh nepebala ratnan ieh, “Siruh, seburur lun Israil luk matu, idi luk na naluk teh!”

YAHYA 3:20

Idé-idé luk nganau' luk dat, megateh inan acang idi na macing inan acang ineh, pad kekamenneh na uen ngegala',

KEKAMEN RASUL-RASUL 24:16

Ngaceku ineh ui megéi' ngekél bururku sebuleng pad teruayen niatku na mesala' pa kiung Allah idi pa kiung lemulun pana'.

SURAT LUK BIRE PAULUS KUAN LUN RUM 12:2

Idi aleg muyuh maya' ayu lemulun bang tana' ini, iamo' ngisu' ayu muyuh dengan petuneb niat muyuh, pad muyuh miak kali' anun luk pian Allah, ieh ineh luk do' idi luk petulu idi luk meligan.

SURAT LUK BIRE PAULUS KUAN LUN RUM 12:9

Do' muyuh mawa dengan na siayu. Do' muyuh megateh inan luk dat, idi ngimet luk do'.

SURAT LUK BIRE PAULUS KUAN LUN RUM 16:17

Ui mutuh nemuyuh, O kinanak-kinanakku, ngerawé amung-amung lemulun luk ngacing kedaluh, idi luk ngeraruh lemulun ratnan bada' luk inan muyuh nesibada'. Do' muyuh teketed rat nedeh ineh.

SURAT LUK BIRE PAULUS KUAN LUN RUM 2:18

idi kali' pian Allah idi sikal ku kekamen luk matu, ngaceku iko nesibada' ratnan Ukum ineh,

SURAT LUK BIRE PAULUS KUAN LUN RUM 7:16

Kareb ui nganau' luk na pianku, idi ui ngamo idi Ukum ineh do' peh.

SURAT LUK BIRE PAULUS KUAN LUN RUM 7:22

Ui geregan ku ukum Allah bang niatku,

SURAT LUK BIRE PAULUS KUAN LUN RUM 8:7

Lemulun luk ngerawé maya' pinian burur pebunu' dengan Allah, ngaceku na maya' ukum Allah, idi na tu-tu miak.

1 KORINTUS 1:8

Ieh sikal nganau' nemuyuh lutep macing kekipedneh, pad muyuh na mesala' kareb Aco Tuhan tau Yésus Keristus.

1 KORINTUS 10:32

Aleg muyuh ngacing sabeng kuan lun Yahudi idi lun pupu baken idi kuan sidang Allah pana'.

1 KORINTUS 8:13

Kudeng akan ngacing sabeng kuan kinanakku ineh pad ieh mesala', na tu-tu sikal kuman uang pung, pad ui na ngacing sabeng kuan kinanakku.

2 KORINTUS 1:12

Kai mawang niat ngaceku teruayen niat kai ngelio kuan kai ratnan ulun kai bang tana' ini, meluun teh ratnan rurum kai dengan muyuh luk pangeh isa' dengan kuu' idi siri niat ngaceku lalud katu Allah, idi baken ngaceku ileh lemulun.

2 KORINTUS 2:17

Kai ini baken kudeng mula' lemulun luk nakap tabpar kuan bururdeh sebuleng ratnan bala Allah, iamo' kai pebala dengan mesiri niat, mepad kudeng demulun Keristus luk icuk Allah.

2 KORINTUS 6:3

Na kai nganau' anun-anun luk ngesabeng nelun, pad kekamen kai na uen ngilang peh.

2 KORINTUS 8:8

Ui na maré tuda'-tuda' ukum ratnan ini. Iamo' dengan ngegala' kél lun baken ratnan maré, ui merapet nemuyuh ngegala' rayeh awa muyuh teh.

GALATIA 5:11

Iamo', O kinanak-kinanakku, kudeng ui mada' ratnan sunat ineh teh, ngudehké ui pidereh teh? Kudeng pieh kudeng ineh, bada'ku ratnan salib ineh na mangun ku batu luk inan metebaceng.

EPESUS 4:15

Iamo' dengan pebala luk matu dengan awa, do' tau mangun meriput bang Keristus luk mangun ku Lun Rayeh.

EPESUS 5:10

Do' muyuh nutun sibada' luk petulu maya' pian Tuhan.

EPESUS 5:27

pad Ieh mudut sidang ineh pa kiungNeh sebuleng dengan do' taga, meligan, idi meriput, dengan na pilat, idi urat, idi anun-anun luk na petulu pana'.

EPESUS 6:24

Idi do' katu Allah ngedengan amung-amung lemulun luk mawa inan Tuhan tau Yésus Keristus dengan awa luk na miak maté.

PILIPI 1:16

Idi ideh nganau' kudeng ineh ngaceku ratnan awa, ngaceku kali' idi ui ini litep Allah ku matar Bala Luk Do' ineh.

PILIPI 1:6

Ui kali' do'-do': Allah luk nengimun kekamen luk do' ini arang muyuh miak mangeh ineh pad macing aco Yésus Keristus ineh.

PILIPI 2:16

kareb muyuh nicul bala luk maré ulun, pad ui mawang niat ku muyuh kareb Aco Keristus, ngaceku kekamenku na mo'-mo', idi erurku pana' na mo'-mo' teh.

1 TESALONIKA 3:13

Dengan luk kudeng ineh Ieh miak ngepicet niat muyuh, pad muyuh meligan dengan na melutak idi na mesala' pa kiung Allah, Taman tau, kareb acing Tuhan tau Yésus dengan amung-amung lun manu.

1 TESALONIKA 5:21

Do' muyuh ngiti luk amung-amung, idi luk do' miak itin muyuh;

1 TESALONIKA 5:23

Idi do' Allah, luk lawa awang ineh, ngeligan nemuyuh dengan petap; idi do' roh idi ulun idi burur muyuh uen ngasa' dengan petap idi na mesala', kareb acing Tuhan tau Yésus Keristus.

YUSAK 24:14

Idi teh kebala Yusak, “Idi ngaceku ineh do' muyuh sembayang inan Tuhan idi nganau' kekamen kuanNeh dengan niat luk lutep idi matu. Idi necan amung allah luk inubur tepun-tepun muyuh luk dipar Abpa' Pirat idi déi' Masir pana'. Iamo' do' muyuh mepicet maya' Tuhan.

1 YAHYA 4:1

O amung-amung luk inanku mawa, aleg muyuh manu ku bala anid-anid lemulun luk ngamo neneh pangeh nengalap Roh Allah, iamo' do' muyuh nutun nedeh, pad muyuh kali' kudeng roh luk ilapdeh ineh macing ratnan Allah. Ngaceku mula' nabi luk mebalih pangeh neremuat iné' iapeh-iapeh.

BALA LUK LINIO 2:2

Ui kali' kekamenmu, erur, idi ulai niatmu. Ui kali' namu na perurum dengan amung-amung lemulun luk dat, iamo' iko pangeh nenutun amung-amung lemulun luk mala nedeh rasul, iamo' baken, idi pangeh iko nekali' nedeh mebalih.