PILIPI 1:1 - BALA LUK DO'

¹ Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

PILIPI 1:1 Iomraidhean Croise

MARKUS 13:34

Idi ieh mepad kudeng seburur lemulun luk amé' ngarang idi necan ruma'neh bang palad demulunneh. Ieh maré kekamen kuan anid-anid bururdeh, idi periteteng kuan luk matar tanga' ineh, pad ieh matar do'-do'.

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

KEKAMEN RASUL-RASUL 1:20

“Ngaceku pangeh inayud bang surat Nani Ubur, ‘Aganeh dat ali luk inanneh tudo; aleg maré lemulun tudo' déi'.’ Idi teh pangeh inayud, ‘Aganeh lun baken ngalap kekamenneh.’

KEKAMEN RASUL-RASUL 20:28

Matar burur muyuh sebuleng idi amung sengeriudan ineh. Ngaceku muyuh mangun ku lun matar sidang maya' ecuk Roh meligan. Do' muyuh ngasa' sidang Allah, luk pangeh inuli' dengan dara'Neh sebuleng.

KEKAMEN RASUL-RASUL 9:13

Idi kebala Ananias, “O Tuhan, ui pangeh neninger mula' bala ratnan lemulun ini. Ieh pangeh nenganau' tuda'-tuda' kekamen luk dat kuan lun manu déi' Yerusalim.

SURAT LUK BIRE PAULUS KUAN LUN RUM 1:1

Rat negku Paulus, demulun Yésus Keristus, seburur rasul luk pinili' idi tinawar Allah pad mada' BalaNeh luk Do'.

SURAT LUK BIRE PAULUS KUAN LUN RUM 1:7

Ngaceku ineh ui ngayud kuan amung muyuh lun Rum, luk inan Allah mawa, idi luk tinawar mangun ku lun manu: Do' katu idi awang temurun kuan muyuh ratnan Allah Taman tau idi Tuhan tau Yésus Keristus.

1 KORINTUS 16:10

Kudeng Timotius macing, nganak neneh, ngaceku ieh nganau' kekamen Tuhan mepad kudeng ui ini teh.

2 KORINTUS 1:1

Ratnan Paulus, rasul Kristus Yésus dengan pian Allah, idi ratnan Timotius kinanak tau— Kuan sidang Allah déi' Korintus idi kuan amung lun manu aput bawang Akaya:

GALATIA 1:10

Inanké muyuh ngerawé ui pian buren lemulun? Na tu! Ui pian buren Allah. Inanké ui pian pedingeren lemulun? Kudeng pieh kudeng ineh, idi baken ui ini demulun Keristus.

GALATIA 3:26

Amung-amung muyuh anak-anak Allah ngaceku ratnan anu Keristus Yésus.

GALATIA 3:28

Na luk idi lun Yahudi idi lun pupu baken, na luk idi demulun idi lun luk mepuit, na luk idi deléi idi decur; ngaceku amung-amung muyuh ini mangun ku sebuleng bang Keristus Yésus.

EPESUS 1:1

Rat ni Paulus, rasul Keristus Yésus maya' pian Allah— Kuan amung lun manu luk déi' Epesus luk lutep bang Keristus Yésus:

EPESUS 1:15

Ngaceku ineh, kareb ui pangeh neninger ratnan anu muyuh inan Tuhan Yésus idi awa muyuh kuan amung-amung lun manu,

EPESUS 6:24

Idi do' katu Allah ngedengan amung-amung lemulun luk mawa inan Tuhan tau Yésus Keristus dengan awa luk na miak maté.

PILIPI 2:19

Iamo' bang Tuhan tau Yésus ui merapet miak ngecuk Timotius ngikak nemuyuh dengan mesaget, pad nitku lutep kareb ui kali' amung-amung bala luk rat nemuyuh.

PILIPI 2:5

Do' terawé muyuh mepad kudeng terawé Keristus Yésus:

PILIPI 3:12

Baken ayu-ayuneh ui pangeh nacing, idi pangeh mangun meriput; iamo' ui mekél matun Neneh, pad ui miak ngimet meraben mepad kudeng ui pangeh inimet Keristus Yésus.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

1 TESALONIKA 1:1

Rat ni Paulus, Siluanus, idi Timotius — Kuan sidang lun Tesalonika luk mangun ku pupu Allah Taman, idi Tuhan Yésus Keristus: Do' katu idi awang temurun kuan muyuh.

1 TESALONIKA 2:2

Muyuh kali' kudeng apeh kai nedereh idi nurat déi' Pilipi atun, kareb nateh kai iné' nemuyuh déi' Tesalonika. Iamo' Allah tau nemaré kuu' kuan kai pad kai mada' Bala luk Do' luk macing rat Neneh, kuan muyuh, sagan pana' mula' bunu'.

2 TESALONIKA 1:1

Rat ni Paulus, Siluanus idi Timotius — Kuan sidang lun Tesalonika luk bang Allah Taman tau, idi bang Tuhan tau Yésus Keristus:

2 TESALONIKA 1:10

kareb Ieh macing bang Aco ineh, pad Ieh uen ngerayeh bang amung-amung pupuNeh, idi uen ngedita' bang amung-amung lemulun luk manu. Kareb ineh muyuh pana' idi arangdeh, ngaceku muyuh pangeh manu ku bala luk bida' kai nemuyuh.

1 TIMOTIUS 1:2

Kuan Timotius, luk mangun ku anakku matu-matu bang anu: Do' katu idi éi' idi awang ratnan Allah Taman, temurun kuanmu, idi ratnan Keristus Yésus, Tuhan tau.

1 TIMOTIUS 3:8

Kudeng ineh teh do' amung-amung lun ngasa' sidang ineh mepiteb, aleg perapid dila', aleg ideh melili ku luk inan mabuk. Idi aleg melili ku binaweh.

TITUS 1:1

Rat ni Paulus, demulun Allah idi rasul Yésus Keristus. Ui pangeh pinili' Allah, idi icuk ngepicet anu pupu Allah luk pinili' idi nguyut nedeh macing inan luk matu, maya' kudeng luk bida' ratnan baya' tau,

TITUS 1:7

Ngaceku lun rayeh sidang ineh ngasa' kekamen Allah idi na miak mesala'. Ieh na miak medita' niat, na malé museh, na mabuk, na pekedaluh, idi na melili ku binaweh bang tana' ini.

PILIMON 1:1

Rat ni Paulus, seburur lemulun luk kiling ngaceku Keristus Yésus, idi rat ni Timotius kinanak tau — Kuan Pilimon luk pad-pad ngakem dengan kai bang kekamen Allah,

IBERANI 13:23

Ui pian nemuyuh kali' Timotius, kinanak tau, pangeh pinuit idi kudeng ieh macing dengan mesaget teh, ui miak papu' nemuyuh pad-pad denganneh.

YAKUB 1:1

Rat ni Yakub, demulun Allah idi demulun Tuhan Yésus Keristus: Tabi' kuan pulu' dueh pupu luk nepatad.

1 PETRUS 2:25

Atun muyuh neraruh mepad kudeng dumba, iamo' nekini muyuh pangeh lemubed inan Lun Matar, ieh ineh Luk Ngimet ulun muyuh.

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

YAHUDA 1:1

Rat ni Yahuda, demulun Yésus Keristus, idi kinanak Yakub — Kuan lemulun luk tinawar Allah luk mulun bang awa Allah Taman idi luk inita Yésus Keristus:

BALA LUK LINIO 1:1

Ini bala luk linio Yésus Keristus idi luk biré Allah Neneh, pad ngegala' kuan demulun-demulunNeh, anun-anun luk miak mangun dengan mesaget. Keristus nengecuk melaikatNeh maré kali' ratnan ineh kuan demulunNeh, Yahya,

BALA LUK LINIO 1:20

Idi luk inalum ratnan tudu' gituen luk pangeh siniermu bang ticu'Ku pa tinueh, idi tudu' kukud dawan luk ratnan amas ineh: idi tudu' gituen ini, ieh ineh melaikat kuan sidang luk tudu' ineh, idi tudu' kukud dawan ineh, ieh ineh tudu' sidang ineh teh.

BALA LUK LINIO 19:10

Ui netekeradung sembayang neneh, iamo' kebalaneh negku, “Aleg nganau' kudeng ineh! Ui pana' demulun teh mepad kudeng iko, idi mepad kudeng amung-amung kinanakmu luk ngimet luk nekali' Yésus. Do' sembayang inan Allah.” Ngaceku bada' luk matu luk ginala' Yésus, ieh ineh luk ngegio niat nabi-nabi.

BALA LUK LINIO 2:12

“Kuan melaikat sidang Pergamum, do' ngayud kudeng ini: “Ini bala rat Neneh luk inan pelapet metadem idi tadem pekop ineh.

BALA LUK LINIO 2:8

“Kuan melaikat sidang luk déi' Smirna do' ngayud kudeng ini: “Ini bala rat Neneh luk Pun-pun idi luk Kekiped, luk pangeh naté, idi muli' mulun teh.

BALA LUK LINIO 22:9

Iamo' kebalaneh negku, “Aleg nganau' ineh. Ui pana' mepad teh kudeng iko, idi mepad kudeng kinanakmu teh, ieh ineh nabi-nabi ineh, idi mepad kudeng amung-amung lemulun luk maya' bala surat ini. Do' sembayang inan Allah!”