NEHEMIA 9:8 - BALA LUK DO'

⁸ Iko kali' neneh lutep maya' Namu. Iko nenganau' aceh jani' kuanneh. Iko nepejani' maré kuanneh tana' Kanaan, tana' Hiti idi Amori, tana' Prisi, Yebusi, idi Girgasi mangun ku bawang inulneh. Idi Iko lutep maya' jani'Mu.

NEHEMIA 9:8 Iomraidhean Croise

PUDUT 12:7

Idi Tuhan nesilagan ni Abram, kebalaNeh, “Ui maré tana' ini kuan inulmu.” Idi su ineh Abram nemudut aceh bubpun kuan Tuhan luk pangeh nesilagan neneh.

PUDUT 15:6

Idi Abram manu ku bala Tuhan, idi ineh luk bila Tuhan mangun ku luk matu kuanneh.

PUDUT 22:12

Idi kebala Melaikat ineh, “Aleg iko ngaté anak ineh, idi aleg nganau' anun-anun kuanneh. Nekini Ui kali' iko matot inan Allah. Ngaceku sagan pana' ieh anak bulengmu, na iko ngibpeng neneh kuanKu.”

SEMUIL LUK KEDUEH 22:31

“Kekamen Allah meluun meriput. BalaNeh luk inan merapet! Ieh mepad kudeng utap kuan amung-amung luk pian peringucung Neneh.

INUL LUK PUN-PUN 1:14

Idi Kanaan ineh tepun lun Yebusi, lun Amori, lun Girgasi,

INUL LUK PUN-PUN 16:16

idi nginita jani'Neh ni Ibrahim, idi Isak pana'.

ESRA 9:15

O Tuhan Allah lun Israil, Iko meluun mesiri. Iamo' Iko pangeh nemuit nekai. Kai ngamo sala' kai pa kiungMu. Kai na mayu amé' pa kiungMu.”

NEHEMIA 9:33

Petulu Iko nengukum nekai; Iko luk lutep, iamo' kai luk mesala'.

NANI UBUR 116:5

Tuhan ineh mawa, idi matu; idi Allah tau méi'.

PURA' 3:17

Ui pejani' muit nemuyuh remuat ratnan dereh bawang Masir ineh, pad muyuh amé' bawang lun Kanaani, lun Hiti, lun Amori, lun Prisi, lun Hiwi, idi lun Yebusi, ieh ineh tana' luk mebaleng.” ’

PURA' 3:8

Idi Ui pangeh netemurun pad muit nedeh ratnan imet lun Masir, pelé Ui nguit nedeh remuat rat bang bawang ineh amé' nan aceh bawang luk rayeh, ieh ineh aceh tana' luk mebaleng, su luk inan lun Kanaani, lun Hiti, lun Amori, lun Prisi, lun Hiwi, idi lun Yebusi.

YEHISKIEL 33:24

“O lemulun, lun luk tudo bang bawang Israil luk inusag pebala, ‘Ibrahim ineh seburur lemulun mo', idi aput bawang ini biré neneh, iamo' kai ini mula', kali' rungen tana' ini kai kuan.’

IAP 13:29

Idi lun Amalek tudo déi' tana' Negeb. Idi lun Hiti, lun Yebusi, idi lun Amori tudo luun pegkung. Idi lun Kanaani tudo tangeb Abpa' Rayeh idi tangeb Abpa' Yarden teh.”

IAP 23:19

Allah na mebalih mepad kudeng lemulun, Idi na nginuud mepad kudeng anak lemulun; balaNeh matu idi miak uen ngacing.

KEKAMEN RASUL-RASUL 13:22

Kareb Ieh pangeh nenala' neneh, idi Ieh nengikit Daud mangun ku raca'deh. Idi kebalaNeh ratnan Daud, ‘Daud Isai ineh, selemulun luk petulu dengan pian niatKu. Ieh sikal nganau' amung luk pianKu.’

BADA' RATNAN UKUM 26:3

Idi do' iko amé' matun imam luk ngimet bang kareb ineh. Idi iko miak pebala neneh, ‘Bang aco sini ui ngamo dengan megala' pa kiung Tuhan Allahku, ngaceku ui pangeh nacing bang bawang luk pangeh pijani' Tuhan kuan tepun kai.’

BADA' RATNAN UKUM 32:4

“Kekamen Pegkung Batu ineh meriput, ngaceku amung lawéNeh mesiri, Allah lutep maya' jani' idi na sala'Neh, Ieh mesiri idi matu.

BADA' RATNAN UKUM 7:1

“Tuhan Allah muyuh nguit nemuyuh amé' bang bawang luk ulek muyuh, idi kareb muyuh nalan Ieh miak ngusu pupu-pupu luk meluun rayeh idi melalud rat nemuyuh, ieh ineh amung lun Hiti, Girgasi, Amori, Kanaani, Prisi, Hiwi, idi Yebusi.

BADA' RATNAN UKUM 9:5

Idi baken ngaceku muyuh matu idi teteb niat muyuh, idi muyuh semuet bang bawangdeh, iamo' ngaceku dat pupu-pupu ineh idi Tuhan Allah muyuh ngusu nedeh rat pa kiung muyuh, pad Ieh ngacing bala luk pangeh pijani'Neh kuan tepun muyuh Ibrahim, Isak, idi Yakub.

TITUS 1:2

luk tipin luun rapet tau ku ulun luk meruked, luk pangeh pijani' Allah luk na miak mebalih, atun ratnan amung-amung kareb luk meruked.

IBERANI 11:17

Ratnan anu teh Ibrahim ineh nemaré Isak, kareb ieh tinutun Allah. Ibrahim ineh pangeh nengalap amung-amung jani', iamo' na ieh ara' ngeseb anak bulengneh,

IBERANI 6:18

Ngaceku ineh, inan dueh punneh luk na misu', idi Allah na mebalih ratnan ineh. Idi tau luk paneh nengalap ulun bang Neneh, miak ngalap kuu', pad tau ngimet meraben rapet ineh luk pangeh rireng pa kiung tau.

YUSAK 11:23

Idi amung bawang ineh linaya' Yusak, maya' kudeng luk icuk Tuhan ni Musa. Idi Yusak nemaré tana' ineh kuan lun Israil mangun ku babpatdeh maya' inul pupudeh. Idi ideh nugka pebunu' peh.

YUSAK 11:3

Idi ieh nengecuk amé' mada' lun Kanaani luk pa busat aco, idi luk pa acep aco, idi lun Amori, lun Hiti, lun Prisi, lun Yebusi, idi lun luk luun pegkung, idi lun luk liang Pegkung Hermon bang bawang Mispa.

YUSAK 23:14

“Idi nekini ui malé maté. Idi muyuh kali' dengan amung niat muyuh idi amung terawé muyuh, idi sebila' bala pana' na metutu' ratnan amung bala luk do' luk pangeh bida' Tuhan Allah muyuh ratnan lawé muyuh. Idi amungneh pangeh nangun kuan muyuh. Idi sebila' bala pana' na netutu' ratnan amung ineh.

YUSAK 9:1

Idi bala ini nekali' amung raca' luk tudo pa acep aco Abpa' Yarden, luun pegkung idi luun tana' raked, idi nan amung ducur Abpa' Rayeh suet pa Lebanon, ieh ineh lun Hiti, lun Amori, lun Kanaani, lun Prisi, lun Hiwi, idi lun Yebusi.

1 YAHYA 1:9

Iamo' kudeng tau ngamo amung-amung sala' tau, idi Allah ineh lutep idi matu, pad Ieh maré do' ratnan amung-amung sala' tau, idi maru' netau ratnan amung-amung luk dat.