NEHEMIA 9:6 - BALA LUK DO'

⁶ Idi kudeng ini sembayangdeh: “O Tuhan, Iko sebuleng luk Tuhan; Iko nenganau' langit idi gituen. Iko nenganau' tana' idi abpa' rayeh. Idi teh Iko nenganau' amung-amung luk bang ineh. Iko nemaré ulun kuan luk amung-amung. Amung lalud luk bang langit netekeradung sembayang Namu.

NEHEMIA 9:6 Iomraidhean Croise

PUDUT 1:1

Kareb Allah nengimun mudut tana' idi amung-amung luk bang langit,

PUDUT 1:9

Idi Allah nepebala, “Do' amung-amung abpa' luk pa liang langit ineh mepamung bang sebuleng luk inan, pad inan su luk tekering.” Idi pangeh mangun mepad kudeng ineh.

PUDUT 2:1

Idi tana' idi langit pangeh pinudut.

PUDUT 32:2

Kareb Yakub nenier nedeh, kebalaneh, “Ini baweh Allah!” Idi ieh nenganau' ngadan su ineh Mahanaim.

RACA'-RACA' LUK PUN-PUN 22:19

Idi kebala Mikaya, “Ninger iko bala Tuhan. Ui pangeh nenier Tuhan tudo luun kerusiNeh. Idi amung melaikat luk déi' surga tuped pekop iringNeh.

RACA'-RACA' LUK PUN-PUN 8:27

“Iamo' miakké Allah tudo luun tana'? Langit pana' na miak mapen Namu, meluun teh Ruma' luk pangeh pinudutku ini.

RACA'-RACA' LUK KEDUEH 19:15

kesembayangneh, “O Tuhan luk Melalud, Allah lun Israil luk tudo luun kerusiMu. Iko mo' Allah luk matu. Idi Iko luk pa luun amung imet bang tana' ini. Iko luk nemudut tana' idi langit.

RACA'-RACA' LUK KEDUEH 19:19

O Tuhan Allah kai, muit nekai rat nelun Asur, pelé amung raca' aput tana' kali' Iko mo' Allah luk matu.”

NEHEMIA 9:5

Idi lun Liwi ini nenawar nelun mula' sembayang: Yesua, Kadmil, Bani, Hasabnia, Serebia, Hodia, Sebania, idi teh Petahia. Kebaladeh, “Do' muyuh tuped ngubur Tuhan Allah muyuh! Ngubur Neneh macing ruked-ruked. O Tuhan, do' ngadanMu luk rayeh uenngubur. Ngaceku ngadanMu luk meluun rayeh.”

NANI UBUR 102:25

Iko pangeh nemudut tana' ini mon, idi dengan ticu'Mu sebuleng, Iko nenganau' langit teh.

NANI UBUR 103:21

Ngubur Tuhan, O amung muyuh luk melalud déi' surga, muyuh luk demulunNeh, luk nganau' luk pianNeh!

NANI UBUR 115:15

Do' Tuhan luk nenganau' langit idi tana', ngeperuan nemuyuh!

NANI UBUR 124:8

Pedengan tau macing ratnan Tuhan, luk menudut langit idi tana'.

NANI UBUR 146:6

luk nemudut langit, tana', idi abpa', idi amung uangdeh; idi luk megéi' maya' jani'Neh;

NANI UBUR 24:10

Idéké Raca' luk rayeh ineh? Tuhan luk kuan amung-amung baweh, Ieh ineh Raca' luk rayeh!

NANI UBUR 33:6

Ratnan ecdukNeh Tuhan nemudut langit, aco, bulan, idi gituen dengan balaNeh mo'.

NANI UBUR 36:6

SiriMu meraben mepad kudeng pegkung luk rayeh; ukumMu medalem kudeng ribaruh abpa'. Iko Tuhan, nginita lemulun idi pung.

NANI UBUR 86:10

ngaceku Iko luk melalud, idi luk nganau' kekamen luk inan mawa; Iko sebuleng mo' luk Allah.

YESAYA 37:16

“O Tuhan luk Melalud, Allah lun Israil, luk tudo luun kerusiMu, Iko mo' Allah luk Sebuleng. Idi Iko luk pa luun amung imet bang tana' ini. Iko luk nemudut tana' idi langit.

YESAYA 37:20

O Tuhan Allah kai, muit nekai rat nelun Asur, pelé amung raca' aput tana' kali' Iko mo' Allah luk matu.”

YESAYA 43:10

“O lun Israil, muyuh ineh lun nekali' Negku, idi pupu luk pinili'Ku ku demulunKu, pelé muyuh ngiti Negku idi manu Negku, na luk idi atun, idi teh na luk idi muci.

YESAYA 44:6

Kudeng ini bala Tuhan luk ngimet idi matar Israil, ieh ineh Tuhan luk Melalud. “Ui ini luk pun-pun, idi Ui ini luk kekiped. Ui sebuleng mo' luk Allah.

YESAYA 44:8

O pupuKu, aleg muyuh matot! Muyuh kali' rat mon macing nekini, Ui nemada' atun ratnan luk mangun muci, idi muyuh ineh lun nekali' Negku! Inanké Allah luk baken? Sebuleng pana' nateh luk kali'Ku. Na luk idi Batu luk baken.”

YESAYA 45:12

Ui ini luk nemudut tana' ini, idi luk nemudut lemulun luk tudo su ini. Dengan laludKu Ui nemalad langit. Ui luk ngimet aco, bulan, idi gituen.

YEREMIA 32:17

“O Tuhan Allah, Iko luk nenganau' tana' idi langit dengan lalud idi tuehMu luk rayeh. Na luk idi anun-anun luk na miak ruenMu.

YEHISKIEL 20:11

Ui nemaré bada'Ku nedeh, idi nemada' nedeh ratnan amung ukumKu, luk ngacing ulun kuan lemulun luk maya' nedeh.

YUNUS 1:9

Idi keburi' Yunus, “Ui ini lun Iberani, ui sembayang inan Tuhan Allah déi' Surga, luk nenganau' abpa' idi tana'.”

YAHYA 10:30

Ui idi Taman ineh Sebuleng.”

KEKAMEN RASUL-RASUL 4:24

Kareb ideh neninger bala didueh, idi ideh nengitang kuan Allah dengan sebuleng niat idi sembayang, kesembayangdeh, “O Tuhan, Iko luk nemudut langit idi tana' idi abpa' rayeh idi amung uangdeh,

BADA' RATNAN UKUM 10:14

Idi Tuhan luk kuan langit luk meluun dita' pana', idi Ieh luk kuan tana' idi uangneh teh.

BADA' RATNAN UKUM 32:39

“ ‘Ui ini sebuleng mo' luk Allah, idi na luk idi allah baken rat Negku. Ui ini luk ngaté idi luk ngulun, ngurat idi ngedo'. Seburur pana' nateh luk metueh rat Negku.

BADA' RATNAN UKUM 6:4

“Ninger muyuh, O lun Israil! Tuhan Ieh ineh Allah tau. Ieh ineh Tuhan tau luk sebuleng.

IBERANI 1:3

Ieh merasat ku rasat rayeh Allah; Ieh mepad ayu dengan ulun Allah. Ieh ngimet luk amung-amung dengan balaNeh luk melalud. Kareb Ieh pangeh nengiu' amung-amung sala', idi Ieh netudo pa tinueh Luk Meluun Rayeh déi' dita'.

IBERANI 1:6

Idi teh kareb Anak buleng ineh inuitNeh iné' bang tana', idi Ieh nepebala, “Do' melaikat-melaikat Allah tekeradung sembayang Neneh.”

BALA LUK LINIO 14:7

Ieh nengitang, “Do' matot inan Allah idi ngerayeh Neneh, ngaceku pangeh nacing karebNeh ngukum lemulun! Do' sembayang neneh luk nemudut langit, tana', idi abpa' rayeh dengan amung bued abpa' teh!”

BALA LUK LINIO 4:11

“O Tuhan idi Allah kai, Iko mayu ngimet rayeh, dita', idi lalud. Ngaceku Iko nemudut luk amung-amung, idi dengan pinianMu amung-amungdeh pangeh inau' idi pangeh mulun teh.”