NEHEMIA 9:5 - BALA LUK DO'

⁵ Idi lun Liwi ini nenawar nelun mula' sembayang: Yesua, Kadmil, Bani, Hasabnia, Serebia, Hodia, Sebania, idi teh Petahia. Kebaladeh, “Do' muyuh tuped ngubur Tuhan Allah muyuh! Ngubur Neneh macing ruked-ruked. O Tuhan, do' ngadanMu luk rayeh uenngubur. Ngaceku ngadanMu luk meluun rayeh.”

NEHEMIA 9:5 Iomraidhean Croise

RACA'-RACA' LUK PUN-PUN 8:14

Pangeh ineh idi raca' nelumi, idi ieh nengeperuan amung lun Israil laba' ideh tuped su ineh.

RACA'-RACA' LUK PUN-PUN 8:15

Idi kebalaneh, “Amung ubur kuan Tuhan Allah lun Israil luk pangeh nengacing jani'Neh kuan tamanku Daud, kebalaNeh,

RACA'-RACA' LUK PUN-PUN 8:22

Idi Selimun netuped pa atun bubpun Tuhan idi amung lun Israil. Idi ieh nenatang ticu'neh,

RACA'-RACA' LUK PUN-PUN 8:27

“Iamo' miakké Allah tudo luun tana'? Langit pana' na miak mapen Namu, meluun teh Ruma' luk pangeh pinudutku ini.

INUL LUK PUN-PUN 16:36

Ngubur Tuhan Allah lun Israil! Ngubur Neneh macing ruked-ruked! Idi amung lun mula' nepebala, “Amin!” Idi ideh nengubur Tuhan.

INUL LUK PUN-PUN 29:11

KuanMu O Tuhan, amung rayeh, amung lalud, amung ubur, idi amung tueh, idi amung dita'. Idi amung-amung luk déi' langit idi luk luun tana' Iko mo' luk kuan, O Tuhan luk kuan amung imet, ngaceku Iko mo' luk rayeh pa luun amung-amung.

INUL LUK PUN-PUN 29:13

Idi nekini O Allah kai, kai sembayang pa kiungMu, idi kai ngubur ngadanMu luk buren.

INUL LUK PUN-PUN 29:20

Pangeh ineh idi Daud nepebala inan lun mula' ineh, “Do' muyuh ngubur Tuhan Allah muyuh.” Idi amung lun mula' ineh nengubur Tuhan Allah tepundeh. Idi ideh netekunal sembayang inan Tuhan, pa kiung raca'.

INUL LUK KEDUEH 20:13

Idi amung lun Yahuda netuped déi' luun natad Ruma' Allah dengan awan idi anak-anakdeh pana'.

INUL LUK KEDUEH 20:19

Idi amung lun Liwi ratnan inul Kohat idi inul Kora netuped ngubur Tuhan Allah lun Israil dengan rayeh arod.

ESRA 3:11

Idi ideh pesua-pesua menani, idi nemaré ubur inan Tuhan, kebaladeh, “Tuhan ineh pelaba do', ide éi'Neh lutep kuan lun Israil, macing ruked-ruked.” Idi lun mula' nengudub dengan rayeh tang, kareb ideh nengubur Tuhan, ngaceku tapin Ruma' Allah pangeh tinimun.

NEHEMIA 9:4

Idi Yesua, Bani, Kadmil, Sebania, Buni, Serebia, Bani, idi Kenani netuped bang mimbar lun Liwi. Idi ideh nesembayang dengan rayeh bala kuan Tuhan Allahdeh.

NEHEMIA 9:6

Idi kudeng ini sembayangdeh: “O Tuhan, Iko sebuleng luk Tuhan; Iko nenganau' langit idi gituen. Iko nenganau' tana' idi abpa' rayeh. Idi teh Iko nenganau' amung-amung luk bang ineh. Iko nemaré ulun kuan luk amung-amung. Amung lalud luk bang langit netekeradung sembayang Namu.

AYUB 1:21

Kebalaneh, “Ui tinganak lubpa idi miak maté lubpa teh. Tuhan nemaré luk amung-amung, idi nekini Ieh pangeh nengalap ineh. Do' ngadanNeh buren!”

NANI UBUR 106:2

Idéiké miak mada' amung kekamenNeh luk rayeh luk pangeh inau'Neh? Idé luk ngubur Neneh dengan meriput?

NANI UBUR 134:1

Amé', ngubur Tuhan, O amung demulunNeh, idi amung luk sembayang bang Ruma'Neh kareb medacem.

NANI UBUR 145:2

Anid aco ui miak maré ubur kuanMu, idi ngubur Namu ruked-ruked.

NANI UBUR 145:5

Lemulun miak pebala ratnan ubur idi dita'Mu luk rayeh, idi ui miak ngerawé kekamenMu luk inan mawa.

NANI UBUR 146:2

Ui miak ngubur Neneh ruked ulunku; idi menani kuan Allahku ruked ulunku.

NANI UBUR 16:2

Ui pebala kuan Tuhan, “Iko luk Tuhanku; amung luk do' ilapku rat Namu.”

NANI UBUR 66:2

Menani idi ngerayeh ngadanNeh; idi ngerayeh uburNeh!

NANI UBUR 99:3

Amung-amung lemulun miak ngubur ngadanNeh luk rayeh idi luk medita'. Ieh luk meligan!

PURA' 15:11

“O Tuhan, idé luk mepad kudeng Iko arang amung allah? Idé luk mepad kudeng Iko, luk rayeh bang ligan? Idé luk nganau' tanu' idi kekamen luk melalud mepad kudeng luk inau'Mu?

PURA' 15:6

O Tuhan, rayeh lalud langenMu pa tinueh. Ku ineh Iko pangeh nengelaya' amung bunu'!

DANIEL 2:20

“Do' ngubur ngadan Allah macing ruked-ruked, ngaceku Ieh luk mileh idi melalud.

MATIUS 11:25

Kareb idi teh kebala Yésus, “O Ama', Tuhan langit idi tana', Ui ngubur Namu ngaceku Iko nengalum amung-amung ini ratnan lemulun luk mileh idi luk do' kali', idi nengegala' ineh kuan anak-anak.

2 KORINTUS 4:6

Allah luk pangeh nepebala, “Do' acang ineh merasat rat bang dacem,” Ieh ineh teh luk merasat bang niat kai, pad ngacang netau ku ileh ratnan rayeh Allah luk merasat nan kiung Yésus Keristus.

BADA' RATNAN UKUM 28:58

“Idi kudeng iko na nginita idi na maya' amung bada' ukum luk inayud bang surat ini, idi na ngerayeh ngadan Tuhan Allahmu luk mebala idi luk inan matot,

1 PETRUS 1:3

Do' tau ngubur Allah Taman Tuhan tau Yésus Keristus! Ngaceku éi'Neh luk pelaba rayeh, Ieh nemaré ulun luk mebaruh kuan tau, dengan nui Yésus Keristus ratnan até. Ngaceku ineh tau mepanu' ku rapet luk mulun.

LUN LUK NGUYUT 13:18

Idi Melaikat Tuhan nengitun neneh, “Ngudeh iko pian kali' ngadanKu? Ieh ineh luk inalum.”