NEHEMIA 9:35 - BALA LUK DO'

³⁵ Ngaceku peruanMu, raca'-raca' nengimet pupuMu, kareb ideh tudo luun tana' luk mebaleng idi luk pelaba rayeh, iamo' na ideh nuren idi nemaya' Namu.

NEHEMIA 9:35 Iomraidhean Croise

NEHEMIA 9:25

PupuMu nengalap bawang luk linibung, tana' luk mebaleng, ruma' luk mepanu' ku binaweh, subuk luk inukat, saitun, bua', idi anggur. Ideh nekuman amung luk piandeh pad ideh melamu; idi ideh mawang niat ku amung-amung luk biréMu kuandeh.

NEHEMIA 9:34

Tepun kai, raca' kai, lun rayeh, idi imam kai, nengelaba UkumMu. Na ideh nemaya' bala idi bada'Mu.

YESAYA 63:7

Ui mada' ratnan awa Tuhan luk na ugka'; Ui ngubur Neneh ngaceku amung luk inau'Neh kuan tau. Ieh nengeperuan tu-tu pupu Israil, ngaceku éi'Neh idi awanNeh luk lutep.

YEREMIA 5:19

O Yeremia, kareb ideh ngitun anun punneh Ui nenganau' kudeng ineh, do' mada' nedeh, kebalamu, ‘Mepad kudeng muyuh nenecan Tuhan idi mangun ku demulun allah baken bang bawang muyuh, kudeng ineh teh muyuh miak mangun ku demulun pupu baken bang aceh bawang luk baken muyuh kuan.’ ”

YEHISKIEL 5:6

Iamo' Yerusalim sikal metueh ratnan ukumKu, pad ieh meluun dat ratnan pupu baken, ieh meluun ara' ku ukumKu, ratnan bawang luk libut-libutneh. Yerusalim nengarung bada'Ku, idi ara' maya' ukumKu.

BADA' RATNAN UKUM 28:47

Muyuh na sembayang inan Tuhan Allah muyuh dengan niat luk mawang idi geriguen, sagan tu pana' Tuhan pangeh nengeperuan nemuyuh.

BADA' RATNAN UKUM 28:48

Ngaceku ineh muyuh miak mangun ku demulun amung bunu' muyuh luk icuk Tuhan, pad muyuh melau, meparing, lubpa, idi na petap anun-anun. Idi Tuhan miak ngerareng paga' belawan nan pudak muyuh, pad Ieh ngaté nemuyuh.

BADA' RATNAN UKUM 31:21

Idi kareb amung dereh idi susa' ineh pangeh mangun kuandeh, idi nani ini miak mangun ku aceh bada' rat Negku kuandeh, ngaceku mupundeh na miak mekelupan ratnan nani ini. Ngaceku Ui kali' luk pian niatdeh aco sini, kareb nateh Ui nenguit nedeh semuet bang bawang luk pangeh pijani'Ku nedeh.”