NEHEMIA 9:32 - BALA LUK DO'

³² “O Allah kai, Iko pelaba rayeh! Iko melalud idi luk inan matot! Iko lutep maya' amung jani'Mu. Rat kareb kai pidereh raca' Asur, macing nekini kai pelaba dereh! Raca' kai, lun rayeh kai, imam idi nabi kai, tepun idi amung pupu kai medereh mo'. O Allah, ngerawé ratnan amung dereh kai.

NEHEMIA 9:32 Iomraidhean Croise

RACA'-RACA' LUK PUN-PUN 8:23

kesembayangneh, “O Tuhan Allah lun Israil. Na Allah baken, iamo' Iko mo', do' bang langit idi bang tana' pana'. Iko mo' luk maya' jani' idi luk mekatu kuan amung lun dukenmu luk maya' amung balaMu.

RACA'-RACA' LUK KEDUEH 15:19

Idi bang kareb ineh Tiglat Piliser, raca' Asur, iné munu' bawang Israil. Idi Menahim nemaré 3,000,000 balad pirak neneh, pelé ieh ngedengan neneh ngeletep imetneh nelun Israil.

RACA'-RACA' LUK KEDUEH 15:29

Idi kareb Peka ngimet nelun Israil, Tiglat Piliser raca' Asur iné' ngaro bawang Iyon, Abel Bait Maka, Yanua, Kedes, idi Hasor, idi teh babpat Giliad, Galilia, idi Naptali. Ieh nenaban amung lun luk bang bawang ineh iné' déi' Asur.

RACA'-RACA' LUK KEDUEH 17:23

pad Tuhan nemubuh nelun Israil rat pa kiungNeh, petulu ku amung bala luk pangeh bida'Neh atun dengan tang amung lun dukenNeh, ieh ineh nabi-nabi'. Idi lun Israil pana' tiban rat bang bawang-bawangdeh iné' bang bawang Asur macing aco sini.

RACA'-RACA' LUK KEDUEH 17:3

Idi Salmaniser raca' Asur iné' munu' neneh. Idi Hosia nepedo' neneh. Idi ieh nemaré pupuk neneh.

RACA'-RACA' LUK KEDUEH 17:6

Idi kareb lak luk keiwa' bang imet Hosia, idi raca' Asur nengelaya' bawang Samaria. Ieh nenaban nelun Israil ineh amé' bawang Asur. Idi ieh nengecuk nedeh tudo déi' Hala, idi i tangeb Abpa' Habor, déi' Gosan, idi bang bawang-bawang Midia.

RACA'-RACA' LUK KEDUEH 23:29

Idi bang imet Yosia ineh, Neko raca' Masir iné' Abpa' Pirat pian pebunu' inan raca' Asur. Idi Raca' Yosia pana' iné' papu' neneh. Iamo' raca' Masir nengaté neneh déi' Megido kareb didueh pebunu'.

RACA'-RACA' LUK KEDUEH 25:7

Idi ideh nengaté anak-anak Sedekia su sirenneh. Idi ideh nenakul matehneh. Idi ideh nengaling neneh ku ratai tekaling idi nenguit neneh iné' déi' Babil.

ESRA 4:10

idi amung pupu baken luk pangeh pinura' i Asurbanipal luk rayeh idi mebala idi luk icukneh tudo bang bawang Samaria, idi aput babpat tana' luk pa acep aco Abpa' Pirat.”

ESRA 4:2

Idi ideh iné' ni Serubabel idi amung lun rayeh inul, kebaladeh nedeh, “Do' kai ngakem pad-pad dengan muyuh ngaceku kai pana' sembayang inan Tuhan Allah muyuh. Idi teh kai pangeh nemaré baré kuanNeh rat kareb imet Esarhadon raca' Asur luk nemura' nekai amé' tungé'.”

ESRA 9:13

Idi ngaceku ratnan amung-amung luk pangeh nangun nekai ngaceku amung sala' idi kekamen kai luk dat, idi kai kali' O Allah, ukum luk biréMu nekai na petap nan kekamen kai luk dat, idi Iko pangeh nenima' nekai mulun teh.

NEHEMIA 1:5

kesembayangku, “O Tuhan Allah Surga, Allah luk meluun rayeh idi luk inan matot! Iko lutep maya' jani' idi mawa nelun luk mawa Namu, idi luk maya' amung ukumMu.

NANI UBUR 47:2

Tuhan luk Meluun Dita' luk inan matot; Ieh raca' luk rayeh, idi ngimet aput-aput tana'.

NANI UBUR 66:3

Do' mala kuan Allah, “Pelaba do' kekamen luk ruenMu! LaludMu pelaba rayeh, pad bunu'Mu matot idi tekeradung pa kiungMu.

NANI UBUR 66:5

Do' amé' idi nier luk inau' Allah; kekamenNeh luk pelaba do' arang lemulun.

PURA' 18:8

Idi Musa nemada' ni Yitro ratnan amung luk inau' Tuhan kuan raca' Masir idi anak itinneh, pelé Ieh nemuit nelun Israil ratnan amung susa' luk nepetulu nedeh arang dalan, idi kudeng apeh Tuhan nemuit nedeh.

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

DANIEL 9:4

Ui nesembayang inan Tuhan Allahku idi nengamo amung sala' pupuku. Kesembayangku, “O Tuhan Allah, Iko luk rayeh idi luk buren kai. Iko luk lutep maya' jani'Mu, idi megéi ngegala awaMu luk lutep kuan lemulun luk mawa Namu idi luk maya' amung-amung ukumMu.

DANIEL 9:6

Na kai neninger bala demulunMu luk nabi luk nepebala dengan ngadanMu kuan raca' kai, lun ngimet nekai, tepun kai, idi amung pupu kai.

DANIEL 9:8

O Tuhan raca'-raca' kai, lun ngimet nekai, idi tepun kai pangeh nenganau' luk dat idi mesala' pa kiungMu.

UKUM 26:18

“Idi kudeng muci ratnan amung ini na muyuh sikal ninger balaKu, Ui miak ngedereh nemuyuh tudu' kua' ngaceku amung sala' muyuh.

UKUM 26:21

“Idi kudeng muyuh na perurum Negku idi na ninger balaKu, kali' rungen Ui ngacing tuda'-tuda' dereh kuan muyuh, tudu' kua' maya' sala' muyuh.

UKUM 26:24

Ui teh sikal metueh rat nemuyuh, idi Ui sebuleng ngedereh nemuyuh tudu' kua' ngaceku sala' muyuh.

UKUM 26:28

idi Ui pana' sikal metueh rat nemuyuh dengan useh luk mebura', idi Ui ngedereh nemuyuh tudu' kua' ngaceku amung sala' muyuh,

BADA' RATNAN UKUM 7:12

“Idi kudeng muyuh maya' amung bala ini idi nginita amung ukum ineh, idi Tuhan Allah muyuh pana' miak ngeletep kuan muyuh pejani'Neh idi katuNeh luk pangeh pijani'Neh kuan tepun muyuh.

BADA' RATNAN UKUM 7:13

Idi Ieh mawa nemuyuh, idi Ieh ngeperuan nemuyuh idi ngula' nemuyuh, pad muyuh mula' anak. Idi Ieh nengeperuan ulu' tana' muyuh, pad muyuh inan petap padé, abpa' anggur, idi umau saitun pana'. Anak sapi' idi anak dumba muyuh pana' uenNeh ngeperuan. Amung peruan ini miak barénNeh bang bawang luk pangeh pijani'Neh kuan tepun muyuh.

BADA' RATNAN UKUM 7:21

Aleg muyuh megegker pa kiungdeh. Ngaceku Tuhan Allah muyuh idi dengan muyuh. Ieh Ineh Allah luk meluun rayeh idi luk inan matot.

BADA' RATNAN UKUM 7:9

Ngaceku ineh do' muyuh kali' Tuhan Allah muyuh ineh Allah luk matu idi lutep maya' jani'Neh, idi mekatu kuan amung lemulun luk mawa Neneh idi luk nginita ukumNeh, ieh ineh macing nan tuda'-tuda' ngeribu anak inuldeh.