NEHEMIA 9:31 - BALA LUK DO'

³¹ Iamo', ngaceku éi'Mu luk pelaba rayeh, na Iko nenecan idi ngaté nedeh. Iko ineh Allah luk mekatu idi méi'!

NEHEMIA 9:31 Iomraidhean Croise

RACA'-RACA' LUK KEDUEH 13:23

Iamo' Tuhan méi' nedeh. Idi Ieh nelumi nedeh ngaceku pejani'Neh ni Ibrahim, Isak, idi Yakub. Na Ieh sikal ngedat idi nala' nedeh ineh rat pa kiungNeh macing nekini.

INUL LUK KEDUEH 30:9

Kudeng muyuh lumi inan Tuhan, idi amung kinanak muyuh idi anak-anak muyuh miak ngalap éi' pa kiung lun luk pangeh nenaban nedeh, pad ideh barén muli'. Tuhan Allah muyuh méi' idi mekatu, idi na teketed rat nemuyuh kudeng muyuh lumi Neneh.”

NEHEMIA 9:17

Ideh ara' maya' ngaceku ideh nekelupan amung luk inau'Mu, idi na nengerawé tanu' luk biréMu. Ideh metueh niat pad ideh nemili' seburur lun rayeh, luk miak nguit nedeh mangun ku demulun déi' Masir teh. Iamo' Iko ineh Allah luk maré do'; Iko luk méi' idi mawa idi na malé museh. Ei'Mu pelaba rayeh. Na Iko nenecan nedeh.

NEHEMIA 9:19

Iamo' na Iko nenecan nedeh déi' su luk ali-ali, ngaceku éi'Mu luk pelaba rayeh. Idi na Iko nengalap laput idi apui ineh rat nedeh, ieh ineh luk mada' dalandeh kareb macang idi medacem.

YESAYA 48:9

“Ui ngagka' usehKu, pad lemulun ngubur ngadanKu. Ui ngagka' pelé iko na pitayen.

YEREMIA 4:27

Kebala Tuhan, “Idi amung-amung tana' miak mangun ku su luk ali-ali. Iamo' na Ui miak ngusag neneh.”)

YEREMIA 5:10

Ui miak ngecuk bunu'deh nebpeng anggurdeh, iamo' na miak ngaté nedeh amung. Idi Ui ngecuk nedeh nangal angatdeh, ngaceku ineh baken Ui kuan.

YEREMIA 5:18

Iamo' kebala Tuhan, “Kareb ineh pana', na Ui sikal ngaté pupuKu amung.

TIDO YEREMIA 3:22

Awa idi éi' Tuhan na miak ugka',

DANIEL 9:9

Iko luk méi' idi maré do', iamo' kai sikal metueh rat Namu.

BADA' RATNAN UKUM 4:31

Idi Tuhan Allah muyuh ineh Allah luk méi'. Na Ieh miak necan nemuyuh, idi na Ieh ngedat nemuyuh, idi na Ieh kelupan pejani'Neh luk pangeh pijani'Neh kuan tepun muyuh.