NEHEMIA 9:30 - BALA LUK DO'

³⁰ Anid-anid lak Iko ngubuk nedeh. Nabi-nabiMu nepebala, iamo pupuMu mebengel, pad Iko nemaré pupu baken nengimet nedeh.

NEHEMIA 9:30 Iomraidhean Croise

RACA'-RACA' LUK KEDUEH 18:11

Idi raca' Asur nenaban nelun Israil amé' bawang Asur. Idi ieh nengecuk nedeh tudo déi' Hala, idi tangeb Abpa' Habor déi' Gosa, idi bang bawang-bawang Midia.

RACA'-RACA' LUK KEDUEH 21:10

Idi kebala Tuhan dengan tang amung demulunNeh, ieh ineh nabi-nabi,

INUL LUK KEDUEH 24:19

Iamo' Tuhan nengecuk tuda'-tuda' nabi amé' mada' nedeh ineh, pelé ideh lumi inan Tuhan. Iamo' na ideh neninger bala nabi ineh.

ESRA 9:10

“Idi nekini, anunké luk miak belén kai, O Allah kai? Ngaceku kai pangeh nenecan amung balaMu,

NEHEMIA 9:20

Ngaceku do'Mu, Iko luk nemada' luk ruendeh, idi nemaré ruti rat surga, idi abpa' luk rupendeh.

NEHEMIA 9:26

“Iamo' pupuMu sikal metueh rat Namu idi na maya' balaMu; ideh neteketed ratnan UkumMu. Ideh nengaté amung nabi luk nemada' nedeh, idi luk nengecuk nedeh lumi Namu. Idi ideh megéi' ngedat Namu,

NEHEMIA 9:29

Iko nengecuk nedeh maya' bada'Mu, iamo' ideh nengelaba balaMu dengan medita' niat, sagan pana' UkumMu luk mangun ku ulun kuandeh. Ideh ara' maya' ngaceku ideh metueh niat.

NANI UBUR 86:15

O Tuhan, Iko Allah luk méi' idi mawa, idi luk na malé useh, idi megéi' mekatu idi lutep maya' jani'.

NANI UBUR 95:10

Apat ngepulu' lak Ui netekedamut inan pupu ineh; kebalaKu, ‘Ideh pelaba raruh, ngaceku ideh ara' maya' ukumKu!’

YESAYA 28:10

Ieh mada' netau ngadan urup, ayat-ayat, idi bada'.”

YESAYA 42:24

Idéké nemaré Israil kuan lun luk ngaro ineh? Ieh ineh Tuhan sebuleng, ngaceku sala' tau pa kiungNeh! Tau na tu mulun maya' pianNeh, idi tau na nemaya' bada'Neh.

YESAYA 48:9

“Ui ngagka' usehKu, pad lemulun ngubur ngadanKu. Ui ngagka' pelé iko na pitayen.

YESAYA 63:10

iamo' ideh sikal metueh rat Neneh, pad RohNeh luk meligan pelaba susa' niat; pad Tuhan mangun ku bunu'deh idi nemunu' nedeh.

YEREMIA 25:4

Muyuh na neninger idi na nemaya' balaNeh, sagan tu pana' Tuhan na ugka' ngecuk demulunNeh lun nabi amé' nemuyuh.

YEREMIA 44:22

Idi nekini bawang muyuh inusag idi na lemulun. Ieh pangeh mangun ku aceh luk inan megagap idi lun baken neten ngadanneh ku kediman, ngaceku Tuhan na tuman ku kekamen muyuh luk dat.

YEREMIA 44:4

Na Ui ugka' ngecuk demulunKu lun nabi luk mada' nemuyuh pad muyuh na nganau' kekamen luk dat ini luk inanKu megateh.

YEREMIA 44:5

Iamo' na muyuh ninger idi maya' balaKu. Muyuh na sikal ugka' nganau' luk dat, ieh ineh muyuh nemaré baré kuan allah baken.

YEREMIA 7:25

Rat kareb tepun muyuh neremuat rat bang bawang Masir macing aco sini, na Ui ugka' maré demulunKu lun nabi.

TIDO YEREMIA 2:17

Tuhan pangeh nenganau' luk litepNeh atun. Ieh nengusag namu dengan na méi', mepad kudeng luk bilaNeh atun. Ieh nemaré tueh kuan bunu'mu, pelé ideh mawang niat ku ebpehmu.

DANIEL 9:6

Na kai neninger bala demulunMu luk nabi luk nepebala dengan ngadanMu kuan raca' kai, lun ngimet nekai, tepun kai, idi amung pupu kai.

SEKARIA 7:12

Idi niatdeh metueh mepad kudeng batu, idi na ideh pian ninger bada' luk biréKu nelun nabi, luk mulun bang kareb luk mon, pad Ui pelaba useh.

SEKARIA 7:13

Ngaceku ideh na neninger kareb Ui nepebala, idi Ui na pian ngua' sembayangdeh.

IAP 11:26

Iamo' inan dueh burur rat arang tudu' ngepulu' lun rayeh ineh neketecan su luk inandeh nelupo, ieh ineh Eldad idi Midad. Idi Roh iné' nedidueh, sagan tu pana' didueh na iné' bang Lepo su luk inan papu' Tuhan. Idi didueh ineh nemada' luk biré Roh déi' su luk inandeh nelupo.

KEKAMEN RASUL-RASUL 13:18

Idi ruked apat ngepulu' lak Ieh mulai niat nedeh déi' su luk ali-ali.

KEKAMEN RASUL-RASUL 28:25

Idi ideh nenalan dengan na perurum arangdeh sebuleng. Ngaceku Paulus pangeh nemada' bala ineh, “Matu-matu bala luk bila Roh Meligan dengan tang Nabi Yesaya kuan tepun muyuh!

KEKAMEN RASUL-RASUL 7:51

“O muyuh luk metueh niat, idi luk na sinunat niat idi lalid, muyuh megéi' sikal metueh ratnan Roh Meligan! Kudeng tepun muyuh, kudeng ineh teh muyuh.

SURAT LUK BIRE PAULUS KUAN LUN RUM 2:4

Idi inanké iko ngebeneh katuNeh luk rayeh idi ulai niatNeh idi kadang niatNeh? Naké iko kali' ratnan katu Allah ineh ngeruid namu pad iko uren?

1 PETRUS 1:11

Ideh nenakap karebneh idi kudeng apeh ayu kareb luk bida' Roh Keristus luk idi bang nedeh. Idi Roh ineh nemaré kali' atun ratnan amung-amung dereh Keristus, dengan amung-amung rayeh luk miak macing muci.

2 PETRUS 1:21

ngaceku na luk idi bala nabi luk macing maya' pian lemulun, iamo' acingneh ratnan Allah, idi bila lemulun luk tigio Roh Meligan.

2 PETRUS 3:9

Tuhan na nginiuk luk pijani'Neh mepad kudeng luk tirawé tuda'-tuda' lemulun, iamo' Ieh mekadang niat nemuyuh; ngaceku na Ieh pian seburur pana' pitayen. Luk pianNeh, pad amung-amung lemulun teketed ratnan sala'deh.