Biblia Todo Logo
Bìoball air-loidhne

- Sanasan -




NEHEMIA 9:29 - BALA LUK DO'

29 Iko nengecuk nedeh maya' bada'Mu, iamo' ideh nengelaba balaMu dengan medita' niat, sagan pana' UkumMu luk mangun ku ulun kuandeh. Ideh ara' maya' ngaceku ideh metueh niat.

Faic an caibideil Dèan lethbhreac




NEHEMIA 9:29
34 Iomraidhean Croise  

Iamo' Tuhan pangeh nengecuk nelun dukenNeh idi nabi-nabi, mada' nelun Israil idi lun Yahuda, kebalaNeh, “Uren muyuh ratnan kekamen muyuh luk dat ineh, idi nginita amung balaKu maya' amung ukum luk bida'Ku kuan tepun muyuh idi luk pangeh icingKu nemuyuh teh dengan bada' amung lun dukenKu, ieh ineh amung-amung nabi.


Iamo' na ideh sikal ninger. Ideh metueh niat mepad kudeng amung tepundeh luk na manu inan Tuhan Allahdeh.


Iamo' Tuhan nengecuk tuda'-tuda' nabi amé' mada' nedeh ineh, pelé ideh lumi inan Tuhan. Iamo' na ideh neninger bala nabi ineh.


Sagan pana' Tuhan nemada' Manasé idi anak itinneh, na ideh neninger.


Idi Tuhan Allah tepundeh ineh megéi' ngecuk lun dukenNeh amé' matun nedeh, ngaceku Ieh méi' inan pupuNeh idi su luk inanNeh, ieh ineh Ruma' Allah.


Kareb ineh, ui nenier nelun Yahuda nengeradu' bua' anggur pad ngalap abpa'neh kareb Aco luk inan Mudeng. Idi teh lun baken nguit padé, abpa' anggur, bua' anggur, bua' gita', idi teh luk baken-baken luun keted keladaideh amé' Yerusalim. Ui nemebpeng nedeh na miak masui kareb Aco luk inan Mudeng ineh.


Iko nenganau' tanu' luk inan mawa pa kiung raca' Masir, idi pa kiung lun rayeh-rayehneh idi pupuneh teh, ngaceku Iko kali' nedeh ngedereh pupuMu. Iko mebala macing aco sini.


Iamo' tepun tau medita' niat idi metueh niat, pad ideh ara' maya' ukumMu.


“Iamo' pupuMu sikal metueh rat Namu idi na maya' balaMu; ideh neteketed ratnan UkumMu. Ideh nengaté amung nabi luk nemada' nedeh, idi luk nengecuk nedeh lumi Namu. Idi ideh megéi' ngedat Namu,


Anid-anid lak Iko ngubuk nedeh. Nabi-nabiMu nepebala, iamo pupuMu mebengel, pad Iko nemaré pupu baken nengimet nedeh.


Musa idi Arun iné' papu' raca', idi kebala didueh neneh, “Kebala Tuhan Allah lun Iberani, ‘Tuda' io teh iko ara' maya' bala Allah. Nima' pupuKu ini nalan idi sembayang Negku.


Tepundeh na neninger idi nemaya' balaKu. Iamo' ideh metueh niat, idi na pian maya' Negku idi sibada' rat Negku.


Kebalaku, “Kudeng ini bala Tuhan luk Melalud, Allah lun Israil, ‘Ui miak ngacing kuan bawang ini idi kuan amung ruma' libut-libut bawang ini amung ukum luk litepKu, ngaceku muyuh metueh niat idi na sikal ninger luk belénKu.’ ”


Idi kebala Yeremia teh, “Tuhan pangeh nemebpeng nemuyuh luk ketecan déi' Yahuda, na miak amé' déi' Masir. Idi ui mada' nemuyuh nekini


idi Asaria Hosaya, Yohanan Karia dengan amung lun rurumdeh nepebala ni Yeremia dengan medita' niat, “Mebalih iko! Tuhan Allah tau na nengecuk namu mebpeng nekai na miak amé' tudo déi' Masir.


Iamo' macing aco sini muyuh nateh nengebeneh burur muyuh. Idi muyuh na matot Negku pad muyuh mulun maya' bala idi ukum luk biréKu kuan muyuh idi kuan tepun muyuh.


Iamo' na muyuh neninger balaKu. Iamo' muyuh metueh niat idi meluun dat ratnan tepun muyuh.


Ui nemaré bada'Ku nedeh, idi nemada' nedeh ratnan amung ukumKu, luk ngacing ulun kuan lemulun luk maya' nedeh.


Iamo' ngaceku ieh iuk medita' niat, idi na méi' nelun, idi ieh tila' ratnan kerusi raca', pad ieh na miak buren.


Ngaceku ineh Ui nengecuk nabi-nabiKu mada' nemuyuh ratnan ukum idi usagKu. Luk pianKu kuan pupuKu megala'.


Idi do' muyuh matar amung bada'Ku idi amung ukumKu. Idé-idé luk nganau' luk kudeng ineh, ieh ineh mulun ngaceku ineh. Ui ini Tuhan.


Idi kebala Yésus, “Ngudehké iko ngitun Negku ratnan luk do'? Inan Sebuleng mo' luk do'; iamo' kudeng iko sikal semuat bang ulun luk meruked, do' iko maya' ukum-ukum ineh.”


Idi kebala Yésus neneh, “Matu balamu ineh. Nganau' kudeng ini, idi kali' rungen iko miak mulun.”


Musa nengayud, idi lemulun luk nganau' luk matu rat bang Ukum ineh miak mulun ratnan ineh.


Iamo' Ukum ineh baken ratnan manu, iamo' maya' kudeng luk inayud, “Lemulun luk maya' amung Ukum ineh miak mulun ngaceku Ukum ineh teh.”


Idi kareb amung dereh idi susa' ineh pangeh mangun kuandeh, idi nani ini miak mangun ku aceh bada' rat Negku kuandeh, ngaceku mupundeh na miak mekelupan ratnan nani ini. Ngaceku Ui kali' luk pian niatdeh aco sini, kareb nateh Ui nenguit nedeh semuet bang bawang luk pangeh pijani'Ku nedeh.”


Ngaceku pangeh ui nekali' tueh niatdeh idi gatehdeh. Idi kareb ui mulun arangdeh idi ideh pangeh nengedat Tuhan, meluun teh karebku maté!


Kudeng muyuh nganau' kudeng ineh, idi aco sini teh ui nawar langit idi tana' maré kali' rat nemuyuh, idi denga segageh muyuh miak metutu' rat bang bawang ineh. Idi na muyuh mio tebawang bang bawang luk i dipar Abpa' Yarden luk ulek muyuh. Iamo' muyuh mabud maté.


Ui pangeh nemada' nemuyuh, ‘Ui ini Tuhan Allah muyuh, aleg muyuh sembayang inan allah lun Amori, luk kuan tana' luk inan muyuh tudo nekini. Iamo' na muyuh neninger balaKu.’ ”


Lean sinn:

Sanasan


Sanasan