NEHEMIA 9:26 - BALA LUK DO'

²⁶ “Iamo' pupuMu sikal metueh rat Namu idi na maya' balaMu; ideh neteketed ratnan UkumMu. Ideh nengaté amung nabi luk nemada' nedeh, idi luk nengecuk nedeh lumi Namu. Idi ideh megéi' ngedat Namu,

NEHEMIA 9:26 Iomraidhean Croise

RACA'-RACA' LUK PUN-PUN 14:9

Iko pangeh nenganau' sala' luk meluun rayeh ratnan sala' amung raca' luk atun rat namu. Idi iko neteketed rat Negku, idi nengacing usehKu, ngaceku iko nenganau' allah baken idi akang luk inurai idi sembayang nan ineh.

RACA'-RACA' LUK PUN-PUN 18:13

Naké iko nekali' ratnan luk pangeh inau'ku kareb Isabel nengaté amung nabi Tuhan. Ngaceku ui nengapung meratu burur nabi Tuhan ineh, limeh ngepulu' burur bang aceh lubang batu. Idi ui nemaman nedeh ku ruti idi abpa'.

RACA'-RACA' LUK PUN-PUN 18:4

idi kareb Isabel nengaté amung nabi Tuhan, idi Obadia nengalap meratu lun nabi, idi ieh nengapung nedeh ineh, limeh ngepulu' burur bang aceh lubang batu. Idi ieh nemaman nedeh ineh ku ruti idi abpa'.)

RACA'-RACA' LUK PUN-PUN 19:10

Idi kebala Elia, “O Tuhan Allah luk Melalud, rat mon ui ngakem kuanMu sebuleng mo'. Iamo' lun Israil pangeh nengelaba jani'deh Namu. Ideh nengusag amung bubpunMu idi nengaté amung nabiMu. Idi ui mo' sebuleng ketecan. Idi ideh sikal ngaté negku.”

RACA'-RACA' LUK KEDUEH 21:10

Idi kebala Tuhan dengan tang amung demulunNeh, ieh ineh nabi-nabi,

RACA'-RACA' LUK KEDUEH 21:11

“Raca' Manasé pangeh nenganau' amung kekamen ini luk pelaba dat, idi luk meluun dat ratnan luk inau' lun Amori luk atun rat neneh, idi ieh nenguit nelun Yahuda nganau' sala' maya' akangneh.

INUL LUK KEDUEH 36:16

Iamo' ideh nesitunga nelun luk icuk Allah ineh. Idi ideh nengesala' amung baladeh. Idi ideh meriruh inan amung nabiNeh, pad Tuhan pelaba useh nedeh, idi usehNeh ineh na miak uen ngagka'.

NEHEMIA 9:18

Ideh nenganau' aceh akang luk mepad kudeng sapi', luk titendeh Allah luk nguyut nedeh remuat rat bang bawang Masir! Pelaba datdeh Namu, O Tuhan!

NEHEMIA 9:29

Iko nengecuk nedeh maya' bada'Mu, iamo' ideh nengelaba balaMu dengan medita' niat, sagan pana' UkumMu luk mangun ku ulun kuandeh. Ideh ara' maya' ngaceku ideh metueh niat.

NEHEMIA 9:30

Anid-anid lak Iko ngubuk nedeh. Nabi-nabiMu nepebala, iamo pupuMu mebengel, pad Iko nemaré pupu baken nengimet nedeh.

NANI UBUR 50:17

Iko ara' badénKu; idi ara' ku ukumKu.

YEREMIA 16:11

Do' mada' nedeh ratnan luk bila Tuhan, ‘Tepun muyuh nenecan Negku, idi maya' idi nesembayang inan allah baken. Ideh nenecan Negku idi na nemaya' bada'Ku.

YEREMIA 2:30

Ui nengukum nemuyuh, iamo' na ulekneh, ngaceku muyuh na pian badén. Muyuh nengaté nabi muyuh, mepad kudeng balang luk mesangit.

YEREMIA 2:7

Ui nenguit nedeh iné' inan tana' luk mebaleng, pad ideh do' udeng idi ngalap bua' luk mula'. Iamo' ideh nacing idi nengedat tana'Ku, idi nengelutak bawang luk biréKu nedeh.

YEREMIA 32:23

Iamo' kareb ideh nesemuet bang bawang ini idi nengalap neneh ku babpatdeh, idi na ideh nemaya' amung ukumMu idi bada'Mu. Na ideh nenganau' anun-anun luk icukMu nedeh. Ngaceku ineh Iko nengacing amung dereh ini kuandeh.

YEREMIA 42:19

Idi kebala Yeremia teh, “Tuhan pangeh nemebpeng nemuyuh luk ketecan déi' Yahuda, na miak amé' déi' Masir. Idi ui mada' nemuyuh nekini

TIDO YEREMIA 3:42

“Kai nenganau' sala' idi sikal metueh rat Namu, O Tuhan, idi na Iko maré do' nekai.

YEHISKIEL 20:21

“Iamo' anak-anak inuldeh pana' sikal metueh rat Negku. Ideh nengelaba ukumKu idi na nemaya' bada'Ku, luk ngacing ulun kuan idé-idé luk maya' nedeh. Ideh na nemaya' ukum ratnan Aco luk inan Mudeng. Ui netemina' ngukum nedeh ku usehKu déi' su luk ali-ali, pad Ui ngaté amung-amungdeh.

MATIUS 21:35

Iamo' lun luk ngacam kabun ineh nengakem demulun-demulunneh, idi sebuleng bibaldeh, sebuleng pinatédeh, idi sebuleng binitungdeh ku batu.

KEKAMEN RASUL-RASUL 7:52

Idéké nabi luk na pidereh tepun muyuh ineh? Ideh nengaté amung-amung lemulun luk nemada' atun ratnan acing Lun luk Matu ineh, ieh ineh luk pangeh biré muyuh nekini idi luk pinaté muyuh teh.

BADA' RATNAN UKUM 32:14

Kaket rata sapi' idi rata amék pelaba ula'; idi dumba, amék, idi sapi'deh pelaba do'; kudeng ineh teh padé idi abpa' anggurdeh.

BADA' RATNAN UKUM 32:15

“Pupu Tuhan iuk mula' binaweh, iamo' ideh sikal metueh; ideh melamu idi megéi' mebor. Ideh nenecan Allah luk nemudut nedeh, idi nesitunga nan Pegkung Batu ulundeh.

LUN LUK NGUYUT 10:6

Lun Israil nenganau' sala' pa kiung Tuhan teh. Idi ideh nesembayang inan Baal idi Asterot, idi amung akang bawang Sain, Sidon, Moab, Amon, idi Pilistin. Idi ideh nelemubed ratnan Tuhan, idi nugka' sembayang Neneh.