NEHEMIA 9:24 - BALA LUK DO'

²⁴ Ideh nengalap tana' Kanaan, idi nengelaya' pupu bawang ineh. Iko nemaré lalud kuan pupuMu, pad ideh nenganau' luk piandeh kuan pupu idi raca' bawang Kanaan.

NEHEMIA 9:24 Iomraidhean Croise

INUL LUK PUN-PUN 22:18

Kebalaneh, “Tuhan Allah muyuh pangeh nengedengan nemuyuh, pad Ieh nemaré nemuyuh do' udeng. Ieh pangeh nemaré amung lun luk tudo bang bawang ini atun bang paladku. Idi nekini ideh pa liang imet muyuh idi pa liang Tuhan pana'.

ESTER 9:5

Idi lun Yahudi munu' bunu'deh maya' piandeh. Ideh munu' nedeh ku pelapet idi ngaté nedeh.

IAP 14:31

Iamo' Ui miak nguit anak-anak muyuh luk bila muyuh miak tebanen, pad ideh kali' bawang luk dinat muyuh ineh.

2 TIMOTIUS 2:26

Idi ideh miak mepuit ratnan abpung Iblis, kareb ideh pangeh tiban demulun Tuhan pad nganau' pian Allah.

YUSAK 10:40

Idi Yusak nengaro amung bawang ineh, do' luk luun pegkung, idi luk déi' Negeb, idi luk luun raked, idi luk iang pegkung pana'. Idi ieh nengaté raca'deh dengan amung lun luk bang bawang-bawang ineh. Seburur pana' nateh luk mulun, mepad kudeng luk icuk Tuhan Allah lun Israil ineh.

YUSAK 11:23

Idi amung bawang ineh linaya' Yusak, maya' kudeng luk icuk Tuhan ni Musa. Idi Yusak nemaré tana' ineh kuan lun Israil mangun ku babpatdeh maya' inul pupudeh. Idi ideh nugka pebunu' peh.

YUSAK 12:12

raca' Eglon, raca' Giser,

YUSAK 12:24

idi raca' Tirsa. Idi amung-amung raca' ineh teluh ngepulu' aceh burur.

YUSAK 18:1

Kareb ideh pangeh nengelaya' amung bawang luk pa atundeh, amung lun Israil nepamung déi' Silo, idi ideh nemudut Lepo su luk inan papu' Tuhan.

YUSAK 21:43

Kudeng ineh ayu Tuhan maré kuan Israil amung tana' luk pangeh pijani'Neh kuan tepundeh ineh, idi ideh pana' nengalap ineh idi tebawang su ineh.

YUSAK 21:45

Idi sebila' bala pana' na netutu' ratnan amung bala luk do' luk pangeh bida' Tuhan kuan amung lun Israil.

LUN LUK NGUYUT 4:23

Idi kareb ineh Allah nengelaya' ni Yabin, raca' Kanaan ineh, kuan amung lun Israil.