NEHEMIA 9:22 - BALA LUK DO'

²² “Iko nemaré nedeh ngelaya' bawang idi imet luk baken, ieh ineh tana' luk libut-libut bawangdeh sebuleng. Ideh nengelaya' tana' Hesbon luk inimet Sihon, idi tana' Basan luk inimet Og.

NEHEMIA 9:22 Iomraidhean Croise

NANI UBUR 105:44

Ieh nemaré tana' lun pupu baken nedeh, idi nenima' nedeh ngalap lamandeh,

NANI UBUR 78:65

Kekipedneh Tuhan nekulat, mepad kudeng lemulun luk rudap; mepad kudeng selemulun luk metueh luk nabuk ku abpa' anggur.

YEREMIA 27:5

“Ui ini dengan lalud idi tuehKu luk rayeh, nemudut tana' ini, idi lemulun idi amung pung luk tudo luun tana'. Idi Ui miak maré neneh kuan idé-idé luk pianKu.

YEREMIA 32:23

Iamo' kareb ideh nesemuet bang bawang ini idi nengalap neneh ku babpatdeh, idi na ideh nemaya' amung ukumMu idi bada'Mu. Na ideh nenganau' anun-anun luk icukMu nedeh. Ngaceku ineh Iko nengacing amung dereh ini kuandeh.

YEHISKIEL 20:28

Ui nenguit nedeh iné' inan tana' luk pijani'Ku kuandeh. Kareb ideh nenier pegkung-pegkung luk medita' idi lawa kayuh luk mebata', ideh nemaré baré luun anid pegkung ineh. Ideh nenganau' Negku museh ku baré luk isebdeh, idi baré luk rupen luk inuitdeh.

BADA' RATNAN UKUM 1:4

idi muci ratnan ieh pangeh nengelaya' ni Sihon, raca' lun Amori luk tudo déi' Hesbon, idi Og raca' Basan luk tudo bang bawang Asterot déi' tana' Edri.

BADA' RATNAN UKUM 32:26

Ui pian ngaté nedeh amung, pad ideh na miak teruayen lemulun.

BADA' RATNAN UKUM 4:46

ieh ineh dipar Abpa' Yarden déi' ruan luk petutup ku Bait Pior déi' tana' Sihon, raca' lun Amori, luk tudo déi' Hesbon, idi luk linaya' Musa idi lun Israil kareb ideh neremuat rat bawang Masir.

BADA' RATNAN UKUM 4:47

Idi ideh netebawang luun tana' Sihon ineh idi luun tana' Og, raca' Basan. (Ieh ineh didueh raca' lun Amori luk dipar Abpa' Yarden, luk pa busat aco.)

YUSAK 10:11

Kareb ideh upun matot nelun Israil, maya' dalan luk musul rat Bait Horon amé' Aseka, idi Tuhan nemaré udan batu, pad ideh naté. Idi lun luk naté neketukan udan batu ineh meluun ula' ratnan lun luk pinaté lun Israil ku pelapet.

YUSAK 11:23

Idi amung bawang ineh linaya' Yusak, maya' kudeng luk icuk Tuhan ni Musa. Idi Yusak nemaré tana' ineh kuan lun Israil mangun ku babpatdeh maya' inul pupudeh. Idi ideh nugka pebunu' peh.