NEHEMIA 9:2 - BALA LUK DO'

² Idi amungdeh pangeh nepatad rat nelun pupu baken. Idi teh ideh netuped ngamo sala'deh idi sala' tepundeh pana'.

NEHEMIA 9:2 Iomraidhean Croise

RACA'-RACA' LUK PUN-PUN 8:47

do' Iko ninger sembayang pupuMu ineh. Idi kudeng bang bawang ineh ideh uren, idi sembayang idi ngamo sala' idi kekamendeh luk dat, do' ninger sembayangdeh O Tuhan.

ESRA 10:11

Iamo' nekini do' muyuh ngamo sala' pa kiung Tuhan Allah tepun muyuh, idi do' muyuh nganau' luk pinianNeh. Idi ngado burur muyuh ratnan pupu bawang ini, idi ratnan decur pupu baken.”

ESRA 6:21

Idi amung baré ineh kuan lun Israil luk tiban luk pangeh nuli', idi lun luk pangeh nenecan kekamen lun pupu baken luk bang bawang ineh, pad nakap Tuhan Allah lun Israil.

ESRA 9:1

Muci ratnan ineh idi sebuang lun rayeh Israil iné' matun negku, kebaladeh, “Pupu Israil dengan imam idi lun Liwi pana' na ngado bururdeh ratnan pupu luk pekelibut, ieh ineh lun Kanaani, lun Hiti, lun Prisi, lun Yebusi, lun Amon, lun Moab, lun Masir, idi lun Amori. Idi lun Israil nenganau' kekamen pupu ineh luk inan Tuhan megateh.

ESRA 9:15

O Tuhan Allah lun Israil, Iko meluun mesiri. Iamo' Iko pangeh nemuit nekai. Kai ngamo sala' kai pa kiungMu. Kai na mayu amé' pa kiungMu.”

ESRA 9:2

Lun Yahudi pangeh nengalap decur pupu ineh ku awandeh, pad pupu Allah na meligan. Idi lun rayeh-rayeh pana' meluun sala'.”

NEHEMIA 1:6

Do' iko ngaten lalid idi matehMu, idi ninger sembayang demulunMu, luk sembayang pa kiungMu tebaco kedangan idi mutuh kuan demulunMu, lun pupu Israil, pad kai ngamo sala' kai Namu. Ngaceku amung uang tetek ruma' tepun kai pangeh menganau' sala'.

NEHEMIA 10:28

Kai, lun Israil, lun imam-imam, lun Liwi, lun luk nginita Ruma' Allah, lun luk menani bang Ruma' Allah, lun luk ngakem bang Ruma' Allah, idi amung lun baken luk maya' Ukum Allah, pangeh nepatad rat nelun pupu baken luk tudo bang bawang kai, idi teh dengan decur kai idi anak kai luk petap rayeh kali' ilungneh,

NEHEMIA 10:29

pad-pad dengan lun rayeh-rayeh kai, pebulung pad kai mulun maya' Ukum Allah, luk biréNeh dengan bala demulunNeh Musa; idi kai miak maya' amung —amung luk duken Allah Tuhan kai nekai; idi kai miak ngimet amung-amung Ukum idi bada'Neh. Idi kudeng kai na maya' bulung ini kai miak uen ngediman.

NEHEMIA 13:3

Kareb lun Israil neninger ukum ineh uen maca' idi ideh nengecuk amung lun pupu baken buro rat arangdeh.

NEHEMIA 13:30

Ui nengeligan nelun Israil ratnan amung-amung kekamen luk rat nelun pupu baken. Ui nenganau' ukum-ukum kuan lun imam idi lun Liwi, pad amung-amungdeh miak kali' kekamendeh.

NANI UBUR 144:11

Ngulun negku ratnan bunu'ku luk megateh, idi muit negku rat bang palad lun pupu baken, luk na tupu pebala luk matu, idi luk mebalih kareb pebulung pana'.

NANI UBUR 144:7

Do' ngawal negku rat déi' dita', pad ngulun negku rat bang abpa' luk medalem, idi muit negku rat bang palad lun pupu baken,

BALE' 28:13

Na iko uen ngeperuan kudeng iko ngalum sala'mu. Do' ngamo idi uren, pad Allah méi' namu.

YESAYA 2:6

O Allah, Iko nenecan pupuMu, ieh ineh inul Yakub. Idi bawangdeh mepanu' ku bangun rat pa busat aco idi rat Pilistin. Ideh maya' adat pupu baken.

YEREMIA 14:20

O Tuhan, kai ngamo sala' kai, idi sala' tepun kai pana', ngaceku kai nenganau' sala' pa kiungMu.

YEREMIA 3:13

Do' iko mala namu lun mesala' idi nengelaba bala Tuhan Allahmu. Do' iko ngamo iko pangeh mawa inan allah baken liang anid-anid kayuh luk mebata', idi ngamo namu na nemaya' balaKu. Ui ini Tuhan luk pebala namu.

DANIEL 9:20

Ui uned sembayang idi ngamo sala'ku idi sala' pupuku Israil, idi ui nemutuh Tuhan Allahku ngedo' ruma'Neh.

HOSIA 5:7

Ideh nemasui Tuhan, idi na lutep maya' Neneh; idi anakdeh pana' baken anak Tuhan. Ngaceku ineh tana'deh miak uen ngusag.