NEHEMIA 9:17 - BALA LUK DO'

¹⁷ Ideh ara' maya' ngaceku ideh nekelupan amung luk inau'Mu, idi na nengerawé tanu' luk biréMu. Ideh metueh niat pad ideh nemili' seburur lun rayeh, luk miak nguit nedeh mangun ku demulun déi' Masir teh. Iamo' Iko ineh Allah luk maré do'; Iko luk méi' idi mawa idi na malé museh. Ei'Mu pelaba rayeh. Na Iko nenecan nedeh.

NEHEMIA 9:17 Iomraidhean Croise

RACA'-RACA' LUK PUN-PUN 6:13

Idi Ui miak tudo bang Ruma' ini arang pupuKu lun Israil. Idi na Ui necan nedeh.”

RACA'-RACA' LUK PUN-PUN 8:57

Do' Tuhan Allah idi dengan kai mepad kudeng Ieh nengedengan tepun kai atun. Aleg Ieh necan nekai.

INUL LUK KEDUEH 36:13

Sedekia sikal metueh ratnan Raca' Nebukadnesar luk pangeh nengecuk neneh pebulung ku ngadan Allah pad ieh lutep maya' raca' ineh. Idi ieh metueh niat idi na pian uren idi lumi inan Tuhan Allah lun Israil.

ESRA 9:9

Ngaceku kai ini demulun atun. Iamo' bang dereh ineh na Allah kai necan nekai. Iamo' Ieh nengegala' awaNeh luk lutep kuan kai pa kiung raca'-raca' Parsi, idi Ieh nengulun nekai, pad kai miak mudut Ruma' Allah kai idi ngedo' amung luk netabpa, pad kai do' udeng bang libung luk mereben déi' Yahuda idi déi' Yerusalim.

NEHEMIA 9:31

Iamo', ngaceku éi'Mu luk pelaba rayeh, na Iko nenecan idi ngaté nedeh. Iko ineh Allah luk mekatu idi méi'!

NANI UBUR 106:13

Iamo' ideh saget nekelupan luk inau'Neh, idi na nenganét ecukNeh.

NANI UBUR 106:7

Tepun kai luk déi' Masir na kali' ilung kekamen Allah luk nan mawa; ideh nekelupan tuda'-tuda' kekamenMu; luk nengegala' awaMu luk lutep, idi sikal metueh ratnan Luk Melalud déi' Abpa' Pisui.

NANI UBUR 130:4

Iamo' Iko maré do' nekai, pad kai matot Namu.

NANI UBUR 78:10

Na ideh nemaya' jani'deh inan Allah; idi ideh ara' maya' ukumNeh.

NANI UBUR 78:11

Ideh nekelupan luk pangeh inau'Neh, ieh ineh tanu' luk inan mawa luk ginala'Neh kuandeh.

NANI UBUR 78:38

Iamo' Allah méi' kuan pupuNeh. Ieh nemaré do' ku sala'deh, idi na nengaté nedeh. Megéi' Ieh ugka' ratnan usehNeh, idi ratnan gatehNeh.

NANI UBUR 86:15

O Tuhan, Iko Allah luk méi' idi mawa, idi luk na malé useh, idi megéi' mekatu idi lutep maya' jani'.

NANI UBUR 86:5

O Tuhan, Iko luk do' idi luk maré do', idi luk mepanu' ku awa luk lutep kuan amung lemulun luk sembayang Namu.

PURA' 32:9

Kebala Tuhan ni Musa, “Ui pangeh nekali' pupu ini pelaba tueh niat.

BALE' 1:24

Ui nenawar nemuyuh idi neneteng nemuyuh, iamo' na muyuh neninger.

YEREMIA 18:15

Iamo' pupuKu pangeh nekelupan Negku. Ideh ngeseb umau luk do' buen kuan akangdeh. Ideh netebaceng maya' dalan luk matu, idi na ideh maya' dalan luk meruked, iamo' ideh maya' dalan luk na rapi'.

YEREMIA 19:15

Kebalaku, “Kudeng ini bala Tuhan luk Melalud, Allah lun Israil, ‘Ui miak ngacing kuan bawang ini idi kuan amung ruma' libut-libut bawang ini amung ukum luk litepKu, ngaceku muyuh metueh niat idi na sikal ninger luk belénKu.’ ”

YEREMIA 7:26

Iamo' na muyuh neninger balaKu. Iamo' muyuh metueh niat idi meluun dat ratnan tepun muyuh.

YEHISKIEL 5:6

Iamo' Yerusalim sikal metueh ratnan ukumKu, pad ieh meluun dat ratnan pupu baken, ieh meluun ara' ku ukumKu, ratnan bawang luk libut-libutneh. Yerusalim nengarung bada'Ku, idi ara' maya' ukumKu.

DANIEL 9:9

Iko luk méi' idi maré do', iamo' kai sikal metueh rat Namu.

YOEL 2:13

Nima' niat muyuh luk meberat ngegala' susa' muyuh, aleg narak kuyu' muyuh sebuleng mo'.” Lemubed amé' inan Tuhan Allah muyuh. Ieh do' niat idi panu' ku éi'. Ieh mulai niat idi maya' jani'Neh. Ieh pian maré do' idi na sikal ngukum.

UKUM 26:44

Idi sagan tu pana' kudeng ineh, kareb ideh semuet bang bawang bunu'deh Ui na nala' nedeh, idi musam ku ideh, pad Ui na ngaté nedeh idi mekelupan jani'Ku nedeh ineh. Ui ini Tuhan Allahdeh.

NAHUM 1:3

Tuhan na malé museh; iamo' Ieh melalud, idi na miak na Ieh ngukum nelun luk mesala' Su luk dalan Tuhan inan barui. Laput ineh abuh ratnan kukudNeh!

IAP 14:11

Idi kebala Tuhan ni Musa, “Tuda' ioké pupu ini ngedat Negku? Tuda' io teh ideh na maya' Negku, sagan tu pana' inan mula' tanu' luk inau'Ku arangdeh?

IAP 14:41

Iamo' kebala Musa, “Ngudehké muyuh pian ngelaba bala Tuhan? Kali' rungen na ulekneh.

IAP 16:14

Idi meluun teh iko na nenguit nekai iné' inan tana' luk mebaleng, idi na nemaré nekai babpat tana' idi kabun anggur. Miakké iko nakul ilung mateh lun ini? Na kai sikal amé'.”

KEKAMEN RASUL-RASUL 7:39

“Iamo' tepun tau na sikal maya' balaneh. Ideh nengarung neneh idi pian lemubed amé' Masir.

SURAT LUK BIRE PAULUS KUAN LUN RUM 9:15

Ngaceku Ieh nepebala ni Musa, “Ui miak méi' inan idé-idé luk pianKu, idi Ui miak mawa inan idé-idé luk pianKu.”

IBERANI 12:25

Matar do'-do', aleg muyuh ngarung Neneh luk pebala ineh. Lemulun luk nengarung Neneh luk nepebala bang tana' ini, na nepuit. Meluun teh tau ini na mepuit kudeng tau lumi rat Neneh luk pebala rat surga.

SEMUIL LUK PUN-PUN 12:22

Na Tuhan necan nemuyuh ngaceku Ieh pangeh nepejani'. Idi Ieh mawang niat ngalap nemuyuh ku pupuNeh.