NEHEMIA 9:15 - BALA LUK DO'

¹⁵ “Kareb ideh melau, Iko nemaré ruti rat surga, idi kareb ideh meparing Iko nemaré abpa' rat bang batu. Iko luk nengecuk nedeh ngimet tana', luk pijani'Mu barén nedeh.

NEHEMIA 9:15 Iomraidhean Croise

PUDUT 14:22

Iamo' kebala Abram, “Ui pebulung ku ngadan Tuhan Allah luk Meluun Dita', luk nemudut langit idi tana',

NEHEMIA 9:20

Ngaceku do'Mu, Iko luk nemada' luk ruendeh, idi nemaré ruti rat surga, idi abpa' luk rupendeh.

NANI UBUR 114:8

luk nganau' batu misu' ku takung, idi alig batu ku bued abpa'.

PURA' 16:4

Kebala Tuhan ni Musa, “Nekini Ui ngebpeh rat langit akan kuan muyuh, idi lun mula' miak remuat idi ngamung anid-anid aco petap kuan seaco pad Ui miak nutun nedeh, ku maya' ideh ukumKu, kian na.

PURA' 17:3

Idi lun Israil pelaba paring. Idi ideh nengedureng ni Musa, kebaladeh, “Ngudehké iko nguit nekai remuat rat bang bawang Masir, pad ngaté nekai, dengan anak-anak kai idi aya' kai ku paring?”

PURA' 17:6

Idi Ui tuped déi' pa luun pegkung batu luk déi' Sinai. Do' iko necat pegkung batu ineh, idi rat bang ineh abpa' remuat pad pupu ineh miak ngirup.” Kudeng ineh luk inau' Musa pa kiung lun rayeh Israil.

PURA' 6:8

Ui nguit nemuyuh amé' bang bawang luk pijani'Ku kuan Ibrahim, Isak, idi Yakub. Idi Ui maré ineh kuan muyuh inan muyuh tebawang. Ui ini Tuhan.’ ”

YESAYA 48:21

Kareb mét idang Tuhan nenguyut pupuNeh déi' su luk ali-ali, iamo' na ideh meparing. Ieh nemila' batu pad abpa' manud kuandeh.

YEREMIA 32:23

Iamo' kareb ideh nesemuet bang bawang ini idi nengalap neneh ku babpatdeh, idi na ideh nemaya' amung ukumMu idi bada'Mu. Na ideh nenganau' anun-anun luk icukMu nedeh. Ngaceku ineh Iko nengacing amung dereh ini kuandeh.

YEHISKIEL 20:15

Idi Ui nepebulung déi' su luk ali-ali pelé Ui na nguit nedeh macing inan tana' luk pangeh biréKu nedeh, ieh ineh tana' luk mebaleng idi luk meluun do'.

IAP 14:30

na tu-tu muyuh miak semuet bang bawang luk pangeh pijani'Ku nemuyuh, iamo' Kaleb Yepuneh idi Yusak Nun luk miak semuet mo'.

BADA' RATNAN UKUM 1:21

Tuhan Allah tepun muyuh pangeh nemaré tana' ineh kuan muyuh. Amé' tebawang su ineh, maya' kudeng luk icukNeh. Aleg muyuh matot idi merapang.’

BADA' RATNAN UKUM 1:8

Ieh ineh tana' luk Ui ini Tuhan nepejani' maré kuan tepun muyuh, ieh ineh Ibrahim, Isak, Yakub, idi inuldeh. Amé' muyuh tebawang su ineh.’ ”

BADA' RATNAN UKUM 8:3

Idi Ieh nengebeneh niat muyuh, idi nenganau' nemuyuh melau. Idi Ieh nemaré manna kenen muyuh luk na inan muyuh nepekalai, idi luk na inan tepun muyuh nepekalai teh, pad muyuh kali', baken ratnan akan mo' lemulun miak mulun. Iamo' lemulun mulun ratnan amung bala luk remuat ratnan tang Tuhan.