NEHEMIA 9:14 - BALA LUK DO'

¹⁴ Iko nengecuk nedeh maya' Aco luk inan Mudeng, idi nemaré ukumMu dengan bala demulunMu Musa.

NEHEMIA 9:14 Iomraidhean Croise

PUDUT 2:3

Idi Ieh nengeperuan aco luk ketudu' ineh idi nengeligan neneh, ngaceku bang aco sineh Ieh nemangeh pudutNeh, idi nucu' ratnan kekamenNeh.

NEHEMIA 1:8

Ngerawé bala luk biréMu ni Musa, ‘Kudeng muyuh lun Israil na lutep maya' Negku, Ui miak ngatad nemuyuh amé' arang pupu baken.

NEHEMIA 10:32

Anid-anid lak kai miak maré aceh balad pirak luk isuut ku ngedengan kekamen Ruma' Allah.

PURA' 16:23

Idi kebala Musa nedeh, “Ini luk bida' Tuhan: ‘Nebpa Aco luk inan Mudeng, aco luk meligan kuan Tuhan. Akan luk pian muyuh dedangen, nadang neneh. Anun luk pian muyuh tinaken, nanek neneh. Idi amung elaneh nima' ieh su ineh, macing pekak nebpa.’ ”

PURA' 16:29

Do' ngerawé, Ui ini Tuhan nemaré Aco luk inan Mudeng kuan muyuh. Ini punneh kareb aco anem Ui maré kuan muyuh ruti petap dueh aco. Do' muyuh tudo idi na nalan kareb aco luk ketudu' ineh.”

PURA' 24:12

Idi kebala Tuhan ni Musa, “Mudik iko teh amé' papu' Negku, idi tudo tungé'. Ui sikal maré namu dueh batu tebalad, ieh ineh bala idi ukum luk pangeh inayudKu ku mada' nedeh.”

YEHISKIEL 20:11

Ui nemaré bada'Ku nedeh, idi nemada' nedeh ratnan amung ukumKu, luk ngacing ulun kuan lemulun luk maya' nedeh.

YEHISKIEL 20:12

Ui nenganau' Aco luk inan Mudeng mangun ku tanu' jani' kai, pad ideh kali' Ui ini Tuhan ngeligan nedeh.

YEHISKIEL 20:20

Do' ngeligan Aco luk inan Mudeng, pad ieh mangun ku tanu' jani' luk inau' tau, pelé muyuh kali' Ui ini Tuhan Allah muyuh.’

UKUM 19:3

Idi do' anid-anid lemulun ngedita' taman-tinanneh, idi matar aco luk inanKu mudeng. Ui ini Tuhan Allah muyuh.

UKUM 27:34

Idi amung ini bada' Tuhan luk biréNeh kuan Musa déi luun Pegkung Sinai luk uen ngacing kuan amung lun Israil.

YAHYA 1:17

Allah nemaré Ukum dengan tang Musa, iamo' katu idi luk matu pangeh nacing ratnan Yésus Keristus.

BADA' RATNAN UKUM 4:45

Idi ini bada' ratnan ukum luk biré Musa kuan lun Israil kareb ideh neremuat rat bang bawang Masir,

BADA' RATNAN UKUM 4:5

“Idi ui pangeh nemada' nemuyuh amung ukum maya' kudeng luk icuk Tuhan Allahku negku, pad muyuh miak nganau' luk matu, kareb muyuh semuet bang bawang luk inan muyuh miak tebawang.

BADA' RATNAN UKUM 5:31

Iamo' do' Musa tuped su ini denganKu pad Ui mada' namu amung ukum idi bala luk miak badénmu nedeh, pad ideh maya' ineh bang bawang luk barénKu nedeh.’