NEHEMIA 9:1 - BALA LUK DO'

¹ Idi dueh ngepulu' apat aco bulan ineh teh, lun Israil nepamung sikal mawa' na kuman ngaceku mesusa' niat ku sala'deh. Ideh nenacung idi nenganau' abuh luun uluhdeh mangun ku tanu' susa' niatdeh.

NEHEMIA 9:1 Iomraidhean Croise

SEMUIL LUK KEDUEH 1:2

Kenebpa seburur anak adi' rat arang baweh Saul ineh nacing. Idi ayungneh nedarak idi abuh pana' inan teh luun uluhneh. Idi kareb ieh nacing ni Daud idi ieh netekeradung pa kiungneh.

INUL LUK KEDUEH 20:3

Yosapat matot, idi ieh nesembayang idi nenakap Tuhan. Idi ieh nengecuk lun aput bawang Yahuda mawa'.

INUL LUK KEDUEH 7:10

Idi dueh ngepulu' teluh aco bulan tudu', Raca' Selimun nengecuk nelun mula' ineh muli'. Ideh mawang niat, ngaceku amung peruan luk pangeh biré Tuhan kuan Daud idi Selimun idi pupuNeh lun Israil.

ESRA 8:21

Idi ui nengeletep aco luk inan mawa' i tangeb Abang Ahaba, pad kai ngebeneh burur kai pa kiung Allah kai, idi pad mutuh Neneh nguyut nekai maya' dalan idi matar nekai, dengan anak-anak, aya', idi binaweh kai.

ESRA 8:23

Idi ngaceku ineh kai mawa' idi nemutuh ratnan Allah kai. Idi Allah pana' nengua' putuh kai.

NEHEMIA 8:2

Idi Esra nengalap neneh idi nenguit neneh kuan deléi, decur, idi anak luk petap rayeh kali' ilungneh.

ESTER 4:16

“Amé' ngamung lun Yahudi luk déi' Susa, pad ideh mawa' na kuman idi ngerawé negku. Aleg kuman idi ngirup teluh aco idi teluh dacem kinioneh. Demulunku idi ui pana' miak nganau' kudeng ineh teh. Pangeh ineh ui miak amé' papu' raca', sagan tu pana' ngelaba ukum. Kudeng ui maté, ui maté.”

ESTER 4:3

Idi inan tido arang lun Yahudi aput babpat-babpat imet ineh, su luk inan ukum raca' pangeh bida'. Ideh mawa' na kuman, ideh nangi', idi temido, idi lélé amung-amungdeh nenacung.

AYUB 2:12

Kareb ideh mado rat neneh, ideh nenier ni Ayub, iamo' na ideh miti neneh. Kareb ideh kali' neneh Ayub, idi diteluh nangi' idi temido. Ideh nengerarak kuyu'deh, ngaceku ideh dat niat, idi ideh nengisak abuh iné' dita' idi teh luun uluhdeh.

YESAYA 22:12

Tuhan luk Melalud nengecuk nemuyuh nangi' idi temido, ngiki uluh muyuh idi nacung.

YOEL 2:12

Kebala Tuhan, “Do' uren nekini, idi lemubed maya' Negku dengan niat luk matu, idi nangi' dengan mawa'

UKUM 23:39

“Idi teh kareb pulu' limeh aco bulan luk ketudu', kareb muyuh pangeh nengamung amung uli' tana' muyuh, do' muyuh nganau' aceh lawé rayeh kuan Tuhan tudu' aco kinioneh. Idi kareb aco luk pun-pun do' inan aco luk inan mudeng. Idi kareb aco luk kewaluh pana', do' muyuh ucu' teh.

YUSAK 7:6

Idi Yusak narak-narak ayungneh ngaceku ieh mesusa' niat, idi netekunal pa atun Pati' Pejani' Tuhan macing aco malem, dengan amung lun rayeh Israil, idi ideh nemubpur uluhdeh ku abuh.

BALA LUK LINIO 11:3

Idi Ui miak maré dueh lun nekali' Negku mada' pad macing 1,260 aco kinioneh, idi didueh miak ngayung ku kibung guni.”

LUN LUK NGUYUT 20:26

Pangeh ineh idi amung lun Israil inée' Baitel idi nenangi'. Idi ideh netudo ieneh pa kiung Tuhan idi na nekuman pad macing malem. Idi ideh nemarée barée luk sabpen idi barée luk nguit pedo pa kiung Tuhan.

SEMUIL LUK PUN-PUN 4:12

Idi seburur lun Beniamin neburo rat uned baweh ineh, idi ieh nacing déi' Silo kareb aco sineh teh. Ayungneh darak-darak, idi kipu teh inan luun uluhneh.

SEMUIL LUK PUN-PUN 7:6

Idi ideh netebubpun déi' Mispa. Idi ideh nengook abpa'. Idi inisakdeh pa kiung Tuhan. Idi kareb aco sineh teh ideh mawa', kebaladeh, “Kai pangeh mesala' inan Tuhan.” Idi Semuil tudo déi' Mispa idi nengimet nelun Israil.