NEHEMIA 8:9 - BALA LUK DO'

⁹ Kareb lun mula' neninger ilung Ukum ineh, niatdeh nesigio pad ideh nangi'. Idi kebala Nehemia, Esra, idi lun Liwi luk nengelio Ukum ineh nelun mula', “Aco sini meligan kuan Tuhan Allah muyuh. Aleg muyuh temido idi nangi'.

NEHEMIA 8:9 Iomraidhean Croise

RACA'-RACA' LUK KEDUEH 22:11

Kareb raca' neninger bala bang Surat Ukum ineh, idi ieh nenarak ayungneh ku dat niatneh.

RACA'-RACA' LUK KEDUEH 22:19

Idi iko nuren idi nengebeneh bururmu pa kiungKu dengan nangi' idi nenarak ayungmu, kareb iko neninger amung bala ratnan kudeng apeh Ui ngukum Yerusalim idi amung lun bang bawang ini. Idi Yerusalim miak mangun ku aceh luk inan lun matot idi luk ku kediman. Iamo' Ui pangeh neninger sembayangmu,

INUL LUK KEDUEH 15:3

Idi pangeh tuda'-tuda' io lun Israil na maya' Allah luk matu. Idi na ideh ineh inan imam luk mada'. Idi teh na ideh ineh inan ukum.

INUL LUK KEDUEH 30:22

Idi Hesekia nengubur nelun Liwi ngaceku ilehdeh bang kekamen Tuhan. Kareb pangeh irau tudu' aco kinioneh, dengan maré baré idi ngubur Tuhan Allah tepundeh,

INUL LUK KEDUEH 34:19

Kareb raca' neninger bala surat ineh, idi ieh nenarak ayungneh.

INUL LUK KEDUEH 34:21

kebalaneh, “Amé' muyuh ngitun Tuhan kuanku idi kuan amung lun luk neketecan bang bawang lun Israil idi Yahuda, ratnan bala surat luk ilap ineh, ngaceku Tuhan pelaba useh netau, ngaceku tepun tau na nemaya' bala Tuhan, idi na nenganau' amung-amung luk inayud bang surat ini.”

INUL LUK KEDUEH 35:3

Idi kebalaneh kuan amung lun Liwi luk mada' nelun Israil, idi luk pangeh linigan kuan Tuhan, “Ngerareng Pati' Pejani' luk meligan ineh bang Ruma' Allah luk pinudut Raca' Selimun anak Daud. Aleg muyuh mirir Pati' Pejani' ineh amé' iapeh-iapeh pana'. Do' muyuh ngakem nekini kuan Tuhan Allah muyuh idi kuan pupuNeh, lun Israil.

ESRA 2:63

Pengulu lun Yahudi nemebpeng nedeh na kuman akan luk barén kuan Allah, pad macing inan imam luk petulu makai Urim idi Tumim.

ESRA 7:11

Idi ini bala surat luk biré Raca' Artasasta kuan Imam Esra, lun luk mileh ngelio ukum Musa, luk kali' amung lawé bala Tuhan idi amung dalan kuan lun Israil:

NEHEMIA 10:1

Luk pun-pun nén, ieh ineh Pengulu Nehemia Hakalia, idi pangeh ineh Sedekia luk nén.

NEHEMIA 12:26

Amung lemulun ini mulun kareb Yoyakim anak Yosua Yehosadak, idi kareb Pengulu Nehemia, idi kareb Imam Esra luk mileh ngelio Ukum Musa.

NEHEMIA 7:65

Pengulu nemebpeng nedeh na miak kuman akan luk biré kuan Allah, pad inan imam luk miak makai Urim idi Tumim.

NEHEMIA 7:70

Mula' lemulun nemaré binaweh pad ngedengan kekamen ngedo' Ruma' Allah. pengulu 200 tahil amas, 50 bigan ruma' sembayang 530 kuyu' imam Lun Rayeh Inul 253 kati amas 2,410 kati pirak Lun Baken 253 kati amas 2,190 kati pirak 67 kuyu' imam

NEHEMIA 8:2

Idi Esra nengalap neneh idi nenguit neneh kuan deléi, decur, idi anak luk petap rayeh kali' ilungneh.

LUN LUK MADA' 3:4

Ieh ngeletep kareb mesusa' idi kareb mawang niat; inan kareb nangi' idi inan kareb ngalai;

YESAYA 61:3

Idi maré kuan lemulun luk mesusa' niat déi' Sion, awang idi do' ria' ku libal susa' niat, idi nani ubur ku libal tangi'. Tuhan sebuleng miak ngasa' nedeh; ideh do' ulun mepad kudeng kayuh. Amung lemulun nganau' luk matu. Idi Allah miak buren ngaceku luk inau'Neh.

HOSIA 4:6

PupuKu uen ngusag ngaceku ideh na manu Negku. Muyuh imam pana' na manu Negku, idi ara' ku bada'Ku. Ngaceku ineh Ui na pian ku muyuh idi anak muyuh mangun ku imamKu.

MALAKI 2:13

Idi ini aceh kekamen luk inau' muyuh. Muyuh nangi' idi ngarod iring bubpun Tuhan, ngaceku Ieh na ngalap baré muyuh.

SURAT LUK BIRE PAULUS KUAN LUN RUM 3:20

Ngaceku seburur pana' nateh luk ruen matu pa kiung Allah ratnan nganau' Ukum ineh. Iamo' ratnan Ukum Musa lemulun miak kali' ratnan sala'.

SURAT LUK BIRE PAULUS KUAN LUN RUM 7:9

Atun ui ini mulun dengan na kali' ukum, iamo' kareb bebpeng ineh nacing, idi sala' mulun baruh teh,

BADA' RATNAN UKUM 12:12

Idi do' muyuh geriguen pa kiung Tuhan Allah muyuh, do' muyuh dengan amung anak muyuh, amung lun tebarin muyuh, idi amung lun Liwi pana' luk tudo bang anid bawang muyuh. (Do' ngerawé lun Liwi luk na miak ngalap babpat tana' mepad kudeng muyuh.)

BADA' RATNAN UKUM 12:7

Idi su ineh, do' muyuh idi uang tetek ruma' muyuh kuman pa kiung Tuhan Allah muyuh dengan mawang niat, ngaceku Tuhan Allah muyuh pangeh nengeperuan nemuyuh bang amung-amung luk ruen muyuh.

BADA' RATNAN UKUM 16:11

Idi do' iko geriguen pa kiung Tuhan Allahmu dengan anakmu, lun dukenmu, idi lun Liwi, lun sakai, anak maté, idi decur tinula' luk tudo bang bawang muyuh, ieh ineh su luk pilin Tuhan inan sembayang.

BADA' RATNAN UKUM 26:14

Idi na ui nekuman ratnan babpat pulu' ineh bang kareb susa'ku, idi na ui nenala' sebuleng pana' ratnan ineh kaerbku melutak. Idi na ui nemaré anun-anun ratnan babpat pulu' ineh kuan lun maté. Iamo' ui pangeh nemaya' bala Tuhan Allahku. Idi ui pangeh nenganau' amung luk icukMu negku.

YAKUB 4:9

Do' nginuud dengan temido idi nangi', idi do' riruh muyuh mangun ku tido, idi awang muyuh mangun ku susa'.