NEHEMIA 8:7 - BALA LUK DO'

⁷ Idi amungdeh netuped, idi lun Liwi ini luk nengelio Ukum ineh kuandeh: Yesua, Bani, Serebaya, Yamin, Akub, Sabetai, Hodia, Masia, Kelita, Asaria, Yosabad, Hanan, idi Pelia.

NEHEMIA 8:7 Iomraidhean Croise

RACA'-RACA' LUK PUN-PUN 8:14

Pangeh ineh idi raca' nelumi, idi ieh nengeperuan amung lun Israil laba' ideh tuped su ineh.

INUL LUK KEDUEH 30:22

Idi Hesekia nengubur nelun Liwi ngaceku ilehdeh bang kekamen Tuhan. Kareb pangeh irau tudu' aco kinioneh, dengan maré baré idi ngubur Tuhan Allah tepundeh,

INUL LUK KEDUEH 35:3

Idi kebalaneh kuan amung lun Liwi luk mada' nelun Israil, idi luk pangeh linigan kuan Tuhan, “Ngerareng Pati' Pejani' luk meligan ineh bang Ruma' Allah luk pinudut Raca' Selimun anak Daud. Aleg muyuh mirir Pati' Pejani' ineh amé' iapeh-iapeh pana'. Do' muyuh ngakem nekini kuan Tuhan Allah muyuh idi kuan pupuNeh, lun Israil.

ESRA 8:18

Idi ngaceku katu Allah, ideh nemaré kuan kai Serebia, seburur lun mileh, ieh ineh lun Liwi ratnan inul Mali, idi pulu' ualuh burur pupudeh nemaya' nedeh.

NEHEMIA 10:2

Imam-Imam: Seraya, Asaria, Yeremia, Pasur, Amaria, Malkia, Hatus, Sebania, Maluk, Harim, Meremot, Obadia, Daniel, Gineton, Baruk, Mesulam, Abia, Miamin, Masia, Bilgai, idi Semaya.

NEHEMIA 11:16

Sabetai idi Yosabad, ieh ineh lun Liwi luk mebala luk ngimet kekamen déi' liang Ruma' Allah.

NEHEMIA 11:19

Lun luk nginita Ruma' Allah: Akub, Talmon, idi pupudeh, ieh ineh 172 burur.

NEHEMIA 12:33

Idi imam-imam ini luk ngiup serupit nemaya' puetdeh: Asaria, Esra, Mesulam, Yahuda, Beniamin, Semaya, idi Yeremia. Idi Sekaria, anak Yonatan Semaya nemaya' puetdeh. (Idi arang tepunneh inan Matania, Mikaya, idi Sakur, luk ratnan inul Asap.)

NEHEMIA 3:17

Idi lun luk iring Nehemia Asbuk, ieh ineh lun Liwi: Rehum Bani nemudut su ineh. Idi lun luk iringneh, Hasabia, lun luk rayeh setangal bawang Kila, nemudut kuan bawangneh.

NEHEMIA 3:19

Idi lun luk iringneh, Eser Yesua, lun rayeh bawang Mispa, nemudut aceh babpat libung luk petutup ku ican luk dalan mudik amé' ruma' su luk inan nganug ayung pebunu' déi' lidung.

NEHEMIA 3:23

Beniamin idi Hasub nemudut aceh babpat libung luk petutup ku ruma' didueh ineh. Idi lun luk iring didueh, Asaria anak Masia Anania nemudut aceh babpat libung iring ruma'neh sebuleng.

NEHEMIA 8:12

Idi amungdeh nuli' idi nekuman idi nengirup dengan mawang niat. Idi teh ideh nemaré aceh babpat kuan lun baken, ngaceku ideh nekali' ilung bala luk pindengerdeh.

NEHEMIA 8:4

Idi Esra netuped bang mimbar luk pinudut ratnan kayuh kuan aco ineh. Idi lemulun ini netuped pa tinuehneh: Matitia, Sima, Anaya, Uria, Hilkia, idi Masia. Idi lemulun ini netuped pa kabingneh: Pedaya, Misail, Malkia, Hasum, Hasbadana, Sekaria, idi Mesulam.

NEHEMIA 8:6

Idi kebala Esra, “Ngubur Tuhan, Allah luk Rayeh!” Idi amungdeh nengiding ticu'deh idi nepebala, “Amin, amin!” Idi ideh netekeradung sembayang.

NEHEMIA 8:8

Idi ideh ineh pana' nengelibal bala Ukum Allah ineh idi nengelio neneh bang buri' pupu ineh, pad ideh kali' ilungneh.

NEHEMIA 9:3

Idi Ukum Tuhan Allahdeh bica' kuandeh teluh jam kinioneh. Idi teh teluh jam kinioneh ideh nengamo sala'deh idi nesembayang inan Allah.

NEHEMIA 9:4

Idi Yesua, Bani, Kadmil, Sebania, Buni, Serebia, Bani, idi Kenani netuped bang mimbar lun Liwi. Idi ideh nesembayang dengan rayeh bala kuan Tuhan Allahdeh.

UKUM 10:11

pad muyuh miak mada' nelun Israil amung dalan luk bida' Tuhan nedeh dengan tang Musa.”

MALAKI 2:7

Kekamen imam, ieh ineh mada' bada' luk matu ratnan Allah. Do' idé-idé pana' miak amé' nedeh idi sibada' ratnan luk pianKu, ngaceku ideh lun duken Tuhan luk Melalud.

BADA' RATNAN UKUM 33:10

Ideh miak mada' UkumMu kuan lun Israil; idi maré baré luun bubpunMu.