NEHEMIA 8:6 - BALA LUK DO'

⁶ Idi kebala Esra, “Ngubur Tuhan, Allah luk Rayeh!” Idi amungdeh nengiding ticu'deh idi nepebala, “Amin, amin!” Idi ideh netekeradung sembayang.

NEHEMIA 8:6 Iomraidhean Croise

PUDUT 14:22

Iamo' kebala Abram, “Ui pebulung ku ngadan Tuhan Allah luk Meluun Dita', luk nemudut langit idi tana',

PUDUT 24:26

Idi lemulun ineh netekunal idi nesembayang inan Tuhan,

INUL LUK PUN-PUN 16:36

Ngubur Tuhan Allah lun Israil! Ngubur Neneh macing ruked-ruked! Idi amung lun mula' nepebala, “Amin!” Idi ideh nengubur Tuhan.

INUL LUK PUN-PUN 29:10

Daud nengubur Tuhan pa kiung amung lun mula' ineh, kebalaneh, “Amung ubur kuanMu, O Tuhan Allah tepun kai Yakub, rat mon idi macing ruked-ruked.

INUL LUK PUN-PUN 29:20

Pangeh ineh idi Daud nepebala inan lun mula' ineh, “Do' muyuh ngubur Tuhan Allah muyuh.” Idi amung lun mula' ineh nengubur Tuhan Allah tepundeh. Idi ideh netekunal sembayang inan Tuhan, pa kiung raca'.

INUL LUK KEDUEH 20:18

Idi Yosapat netekunal. Idi amung lun Yahuda idi amung lun bawang Yerusalim netekeradung pa kiung Tuhan, idi nengubur Neneh.

INUL LUK KEDUEH 29:10

“Idi nekini inan terawéku sikal nganau' aceh pejani' dengan Tuhan Allah lun Israil, pelé Ieh na museh netau.

INUL LUK KEDUEH 29:30

Raca' Hesekia idi amung lun rayeh pana' nengecuk nelun Liwi ngubur-ngubur Tuhan maya' bala Daud idi Nabi Asap ineh. Idi ideh menani ngubur Tuhan dengan mawang niat. Idi ideh netekeradung sembayang.

INUL LUK KEDUEH 6:4

Kebalaneh, “Amung ubur kuan Tuhan Allah lun Israil luk pangeh nengacing jani'Neh kuan tamanku Daud, kebalaNeh,

NEHEMIA 5:13

Idi ui nenaka abet awa'ku idi nengegkar idi, kebalaku, “Kudeng ineh teh Allah miak ngegkar idé-idé rat arang muyuh luk na maya' jani'neh ineh. Allah miak ngalap ruma' muyuh idi amung-amung binaweh muyuh, pad na luk ketecan nemuyuh.” Idi amung-amungdeh nepebala, “Amin!” Idi ideh nengubur Tuhan. Idi ideh nemaya' jani'deh ineh.

NEHEMIA 8:7

Idi amungdeh netuped, idi lun Liwi ini luk nengelio Ukum ineh kuandeh: Yesua, Bani, Serebaya, Yamin, Akub, Sabetai, Hodia, Masia, Kelita, Asaria, Yosabad, Hanan, idi Pelia.

NANI UBUR 134:2

Ngegenang ticu'mu kareb sembayang bang Ruma' Allah, idi ngubur Tuhan!

NANI UBUR 141:2

Do' ngalap sembayangku, mepad kudeng rabpun luk do' buen, idi ticu'ku luk uen ngegenang, mepad kudeng baré kareb medacem.

NANI UBUR 28:2

Ninger kareb ui nawar mutuh pedengan, idi kareb ui ngegenang ticu'ku pa atun ruma'Mu luk meligan.

NANI UBUR 41:13

Do' tau ngubur Tuhan, Allah lun Israil, luk rat mon macing ruked-ruked! Amin! Amin!

NANI UBUR 63:4

Ui miak maré ubur Namu ruked ulunku. Ui miak ngegenang ticuku sembayang pa kiungMu.

NANI UBUR 95:3

Ngaceku Tuhan ineh Allah Luk Melalud, idi raca' luk melalud pa luun amung-amung allah.

PURA' 12:27

do' muyuh ngor, ‘Ini Irau Paska kuan Tuhan luk pangeh lemaba anid ruma' lun Israil bang bawang Masir, kareb Ieh nengaté nelun Masir, iamo' Ieh neméi' netau.’ ” Idi lun Israil netekeradung idi nesembayang.

PURA' 4:31

Idi ideh manu kareb ideh neninger Tuhan pangeh méi' kuan lun Israil idi nenier derehdeh, pad ideh netekeradung idi sembayang Neneh.

YEREMIA 28:6

“Do' kudeng amung ineh mangun, idi Tuhan ngacing amung balamu, pad Ieh nguit lemubed rat Babil amung binaweh Ruma' Allah idi amung lemulun luk pangeh tiban.

TIDO YEREMIA 3:41

Do' tau sembayang idi ngukab niat tau kuan Allah luk déi' surga, kesembayang tau,

UKUM 9:24

Denak-denak Tuhan nemaré apui luk nengeseb amung baré luk sabpen idi lemak luk luun bubpun ineh. Kareb lun mula' nenier ineh, idi ideh nengitang idi ideh netekunal.

MATIUS 26:39

Idi Ieh nenalan pa atun sesuut, idi Ieh netekeradung idi sembayang, kesembayangNeh, “O Ama', kudeng miak, do' sangkir ini labén Negku; iamo' baken maya' pianKu, iamo' maya' pianMu.”

MATIUS 6:13

Aleg nima' nekai tetunin Iblis, iamo' muit nekai ratnan laludneh.’ [Iko luk kuan Imet, idi lalud idi rayeh, macing ruked-ruked peh, Amin.]

1 KORINTUS 14:16

Kareb iko maré ubur dengan roh, kudeng apehké lemulun luk na baré ineh miak pebala “Amin” ratnan bala uburmu, ngaceku ieh na kali' ilung anun luk bilamu.

EPESUS 1:3

Do' tau ngubur Allah, Taman Tuhan tau Yésus Keristus! Ngaceku Ieh pangeh nengeperuan netau bang Keristus dengan amung-amung baré Roh luk rat surga.

1 TIMOTIUS 2:8

Pianku amung-amung deléi sembayang bang anid-anid luk inan, idi ngiding ticu' luk meligan dengan na museh idi pekedaluh.

1 PETRUS 1:3

Do' tau ngubur Allah Taman Tuhan tau Yésus Keristus! Ngaceku éi'Neh luk pelaba rayeh, Ieh nemaré ulun luk mebaruh kuan tau, dengan nui Yésus Keristus ratnan até. Ngaceku ineh tau mepanu' ku rapet luk mulun.

BALA LUK LINIO 7:11

Amung-amung melaikat ineh pana' netuped libut-libut kerusi, lun rayeh, idi apat pudut luk mulun ineh teh, idi ideh netekeradung pa atun kerusi ineh idi sembayang inan Allah,