NEHEMIA 8:3 - BALA LUK DO'

³ Idi ieh nemaca' Ukum ineh kuandeh luun natad ineh luk pa atun Tanga' Abpa' ineh rat masat aco macing muned aco. Idi amungdeh neninger do'-do'.

NEHEMIA 8:3 Iomraidhean Croise

NEHEMIA 10:29

pad-pad dengan lun rayeh-rayeh kai, pebulung pad kai mulun maya' Ukum Allah, luk biréNeh dengan bala demulunNeh Musa; idi kai miak maya' amung —amung luk duken Allah Tuhan kai nekai; idi kai miak ngimet amung-amung Ukum idi bada'Neh. Idi kudeng kai na maya' bulung ini kai miak uen ngediman.

NEHEMIA 13:1

Kareb ineh Ukum Musa uned uen maca' kuan lun Israil. Idi ideh nacing ayat luk mada' ratnan lun Amon idi lun Moab bibpeng na miak peruyung dengan pupu Allah.

NEHEMIA 8:1

Kareb bulan luk ketudu' lun Israil lutep tudo bang bawangdeh. Idi aceh aco bulan ineh amungdeh nepamung déi' Yerusalim, luun natad luk pa atun Tanga' Abpa'. Ideh nemutuh Esra, ieh ineh imam luk mileh ngelio Ukum luk biré Allah nelun Israil dengan bala Musa, pad ieh ngalap Surat Ukum ineh

NEHEMIA 8:18

Rat aco luk pun-pun bang irau ineh macing aco luk kekiped ideh nemaca' aceh babpat Ukum Allah anid-anid aco. Ideh nenganau' aco rayeh tudu' aco kinioneh. Idi aco luk kewaluh inan aceh irau luk rayeh luk kekipedneh, maya' kudeng luk litep bang Surat Ukum.

NEHEMIA 8:4

Idi Esra netuped bang mimbar luk pinudut ratnan kayuh kuan aco ineh. Idi lemulun ini netuped pa tinuehneh: Matitia, Sima, Anaya, Uria, Hilkia, idi Masia. Idi lemulun ini netuped pa kabingneh: Pedaya, Misail, Malkia, Hasum, Hasbadana, Sekaria, idi Mesulam.

NEHEMIA 8:5

Kareb Esra netuped bang mimbar luk medita' ineh, idi ideh nenutong neneh. Idi kareb ieh nengukab surat ineh, idi amungdeh netuped.

MARKUS 12:37

“Daud sebuleng neneten Neneh Tuhan; idi kudeng apehké Ieh mangun ku Anakneh teh?” Lun mula' ine pelaba pian ninger bala Yésus.

LUKAS 19:48

Idi na ideh kali' anun-anun luk miak ruendeh ineh, ngaceku amung pupu ineh merapet Neneh idi sikal ninger balaNeh.

LUKAS 8:18

“Ngaceku ineh ngerawé kudeng apeh muyuh ninger, ngaceku idé-idé luk inan anun-anun, idi kuanneh miak barén teh, idi idé-idé luk na luk idi anun-anun, idi luk tirawéneh inan kuanneh miak lapen rat neneh.”

KEKAMEN RASUL-RASUL 13:15

Kareb ideh pangeh nemaca' surat Ukum Musa idi surat nabi-nabi, idi lun rayeh-rayeh ruma' sembayang ineh nengecuk lemulun amé' matun rasul-rasul ineh, keburi'deh, “O kinanak-kinanakku, kudeng inan rat arang muyuh luk sikal mala aceh bala luk miak ngubuk pupu ineh, do' mala nekini.”

KEKAMEN RASUL-RASUL 13:27

Ngaceku lemulun luk tudo déi' Yerusalim idi lun rayeh-rayehdeh na miti Yésus ineh Lun Nengulun, ideh na kali' ilung bala nabi-nabi luk bica'deh anid Aco luk inan Mudeng, idi ideh nengacing bala nabi-nabi kareb ideh nengukum Yésus.

KEKAMEN RASUL-RASUL 15:21

Ngaceku rat mon Ukum Musa pangeh bica' bang amung-amung ruma' sembayang kareb anid-anid Aco luk inan Mudeng. Idi bala Musa ineh badén bang anid bawang.”

KEKAMEN RASUL-RASUL 16:14

Idi inan aceh decur ngadanneh Lidia, seburur rat Tiatira luk masui kibung luk sia' merirem. Ieh sembayang inan Allah, idi Tuhan nengukab niatneh pad ieh nengerawé amung-amung bala luk bila Paulus ineh.

KEKAMEN RASUL-RASUL 17:11

Idi déi' lemulun meluun do' terawé ratnan lun Tesalonika. Ideh pangeh nengalap bala ineh dengan mawang niatdeh, idi anid-anid aco ideh nengelio Surat Allah, pian kali' kudeng matu amung luk bila Paulus ineh.

KEKAMEN RASUL-RASUL 20:11

Idi ieh nelemubed iné' déi' parung idi ieh nemuri' ruti idi nekuman, idi ideh nepegayam macing aco masat, idi Paulus nenalan.

KEKAMEN RASUL-RASUL 20:7

Kareb aco luk pun-pun bang minggu ineh, idi kai netebubpun nemuri' ruti. Idi Paulus nemada' nelun manu macing tangal dacem, ngaceku ieh sikal nalan maya' kapal kenebpa.

KEKAMEN RASUL-RASUL 28:23

Kareb ideh pangeh nengeletep aceh aco dengan Paulus, idi pelaba ula' lemulun nacing su luk inanneh tudo ineh. Idi ieh nemada' bala ineh kuandeh rat pekak macing malem idi nemada' luk nekali'neh ratnan Imet Allah. Ieh nenutun ngegala' kuandeh ratnan Yésus, do' rat bang Ukum Musa idi rat bang surat nabi-nabi.

BADA' RATNAN UKUM 31:9

Idi Musa nengayud Ukum Allah ini, idi nemaré kuan imam-imam lun Liwi, luk mirir Pati' Pejani' Tuhan, idi kuan amung lun rayeh pupu Israil.

1 TESALONIKA 2:13

Idi ini punneh kai ini pana' megéi' maré ubur kuan Allah. Kareb kai nemada' bala Allah kuan muyuh, muyuh nengalap bala ineh baken mepad kudeng bala lemulun, iamo' matu mepad kudeng bala Allah. Ngaceku Allah ngakem bang nemuyuh luk manu.

YUSAK 8:35

Ratnan amung bala Musa sebila' bala pana' nateh luk na bica' Yusak kuan amung tebubpun Israil, dengan amung decur, anak-anak, idi lun sakai luk tudo arangdeh ineh.

BALA LUK LINIO 2:29

“Idé luk inan lalid, do' ieh ninger bala Roh luk kuan amung-amung sidang.

BALA LUK LINIO 3:22

“Idé luk inan lalid, do' ieh ninger bala Roh luk kuan amung-amung sidang.”