NEHEMIA 8:2 - BALA LUK DO'

² Idi Esra nengalap neneh idi nenguit neneh kuan deléi, decur, idi anak luk petap rayeh kali' ilungneh.

NEHEMIA 8:2 Iomraidhean Croise

NEHEMIA 10:29

pad-pad dengan lun rayeh-rayeh kai, pebulung pad kai mulun maya' Ukum Allah, luk biréNeh dengan bala demulunNeh Musa; idi kai miak maya' amung —amung luk duken Allah Tuhan kai nekai; idi kai miak ngimet amung-amung Ukum idi bada'Neh. Idi kudeng kai na maya' bulung ini kai miak uen ngediman.

NEHEMIA 13:1

Kareb ineh Ukum Musa uned uen maca' kuan lun Israil. Idi ideh nacing ayat luk mada' ratnan lun Amon idi lun Moab bibpeng na miak peruyung dengan pupu Allah.

NEHEMIA 8:18

Rat aco luk pun-pun bang irau ineh macing aco luk kekiped ideh nemaca' aceh babpat Ukum Allah anid-anid aco. Ideh nenganau' aco rayeh tudu' aco kinioneh. Idi aco luk kewaluh inan aceh irau luk rayeh luk kekipedneh, maya' kudeng luk litep bang Surat Ukum.

NEHEMIA 8:9

Kareb lun mula' neninger ilung Ukum ineh, niatdeh nesigio pad ideh nangi'. Idi kebala Nehemia, Esra, idi lun Liwi luk nengelio Ukum ineh nelun mula', “Aco sini meligan kuan Tuhan Allah muyuh. Aleg muyuh temido idi nangi'.

NEHEMIA 9:1

Idi dueh ngepulu' apat aco bulan ineh teh, lun Israil nepamung sikal mawa' na kuman ngaceku mesusa' niat ku sala'deh. Ideh nenacung idi nenganau' abuh luun uluhdeh mangun ku tanu' susa' niatdeh.

YESAYA 28:9

Kebaladeh ratnan ui, “Idéké luk badén lemulun ineh? Idéké pian badénneh? Bada'neh petulu ku anak isuut luk baruh-baruh nugka' niti' mo'.

MALAKI 2:7

Kekamen imam, ieh ineh mada' bada' luk matu ratnan Allah. Do' idé-idé pana' miak amé' nedeh idi sibada' ratnan luk pianKu, ngaceku ideh lun duken Tuhan luk Melalud.

IAP 29:1

“Idi bang aco luk pun-pun bulan luk ketudu' do' muyuh nganau' aceh tebubpun sembayang. Aleg muyuh ngakem bang aco sineh. Idi ineh aceh aco luk inan muyuh ngiup suling.

KEKAMEN RASUL-RASUL 15:21

Ngaceku rat mon Ukum Musa pangeh bica' bang amung-amung ruma' sembayang kareb anid-anid Aco luk inan Mudeng. Idi bala Musa ineh badén bang anid bawang.”

BADA' RATNAN UKUM 17:18

“Idi kareb ieh mangun ku raca', do' ukum ini uen nalin kuanneh ratnan surat imam-imam Liwi.

YUSAK 8:35

Ratnan amung bala Musa sebila' bala pana' nateh luk na bica' Yusak kuan amung tebubpun Israil, dengan amung decur, anak-anak, idi lun sakai luk tudo arangdeh ineh.