NEHEMIA 8:10 - BALA LUK DO'

¹⁰ Do' muyuh muli' idi nganau' irau. Maré aceh babpat akan idi abpa' anggur muyuh kuan lemulun luk na petap akan. Aco sini meligan kuan Tuhan. Aleg mesusa' niat. Awang luk barén Tuhan nemuyuh ngetueh nemuyuh.”

NEHEMIA 8:10 Iomraidhean Croise

RACA'-RACA' LUK PUN-PUN 8:66

Idi kareb aco luk kewaluh Selimun nengecuk nelun mula' ineh muli'. Idi amungdeh ineh nengubur raca'. Idi ideh nuli' dengan mawang niat ku amung do' luk pangeh inau' Tuhan kuan demulunNeh Daud idi pupuNeh lun Israil.

INUL LUK PUN-PUN 16:27

Ubur idi dita' libutNeh, rayeh idi awang bang ruma'Neh.

NEHEMIA 8:11

Lun Liwi nengubuk nelun mula', kebaladeh, “Aleg muyuh mesusa' niat, ngaceku aco sini meligan.”

NEHEMIA 8:12

Idi amungdeh nuli' idi nekuman idi nengirup dengan mawang niat. Idi teh ideh nemaré aceh babpat kuan lun baken, ngaceku ideh nekali' ilung bala luk pindengerdeh.

ESTER 9:19

Ineh punneh lun Yahudi luk tudo bang bawang luk isuut luk na libung batu, ngerayeh pulu' apat aco bulan Adar pelé ideh nganau' irau, idi ideh pebaré luk kenen arangdeh sebuleng bang aco sineh.

ESTER 9:22

Ieh ineh aco luk inan lun Yahudi nepuit ratnan bunu'deh; ieh ineh aceh bulan susa' idi dat niat luk inisu' mangun ku aceh kareb awang idi do' ria'. Ideh icuk ngerayeh aco ini dengan nganau' irau, idi pebaré luk kenen kuan bururdeh sebuleng idi kuan lun masi' pana'.

NANI UBUR 149:2

O Israil, do' iko mawang niat, ngaceku Lun luk Mudut namu; O lun Sion, do' muyuh mawang niat ngaceku Raca' muyuh!

NANI UBUR 89:17

Dengan katuMu Iko maré tueh nekai, idi ngedita' nekai.

BALE' 17:22

Awang niat maré namu do' ulun, iamo' berat niat ngelaya' bururmu.

LUN LUK MADA' 11:2

Maré binawehmu kuan tuda'-tuda' bawang, ngaceku iko na kali' susa' luk miak macing namu bang tana' ini.

LUN LUK MADA' 2:24

Luk meluun do' kuan lemulun, ieh ineh kuman, ngirup, idi mawang niat ku amung-amung luk ilapneh ratnan kekamenneh. Iamo' ui kali' amung ineh pana' macing ratnan Allah.

LUN LUK MADA' 3:13

Idi do' lemulun kuman, ngirup, idi mawang niat ku amung-amung luk ilapneh ratnan kekamenneh. Ieh ineh baré Allah.

LUN LUK MADA' 5:18

Idi ui pangeh nekali': luk meluun do' kuan lemulun, ieh ineh kuman, ngirup idi mawang niat ku amung-amung luk ilapneh ratnan kekamenneh rukedneh mulun bang tana' ini. Ieh ineh luk biré Allah kuanneh.

LUN LUK MADA' 9:7

Ngaceku ineh do' iko kuman idi ngirup dengan mawang niat. Allah pangeh nengeperuan namu.

NANI SELIMUN 5:1

O awa luk awanku, ui pangeh iné' bang kabunku. Ui ngamung murku idi kayuh luk do' buen; ui kuman duru' tebikan, idi ngirup abpa' anggur idi rata sapi'. Do' medueh kuman idi ngirup pad macing medueh mabuk ku awa!

YESAYA 49:5

Tuhan nengeletep Negku, kareb nateh Ui tinganak, pad Ui mangun ku DemulunNeh idi nguli' pupu Yakub, idi inul Israil pana'. Tuhan maré ubur Negku. Ieh ineh lawa tuehKu.

YESAYA 61:10

Yerusalim mawang niat ku luk inau' Tuhan. Ieh mepad kudeng decur luk inayung ku ayung paweh. Allah nengayung neneh ku ulun idi tueh!

YOEL 2:23

“O lun Sion, do; mawang niat, ngaceku luk inau' Tuhan Allah muyuh kuan muyuh. Ieh pangeh nemaré udan luk petap, do' udan luk atun idi udan luk muci pana'.

SEKARIA 14:21

Anid-anid lacang luk déi' Yerusalim idi Yahuda miak uen ngeligan kuan Tuhan luk Melalud. Lemulun luk maré baré miak amé' ngalap lacang ineh, ku nanek uang pung luk barén kuan Tuhan. Idi kareb ineh na luk idi lemulun luk pepua' bang Ruma' Tuhan luk Melalud.

LUKAS 11:41

Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

2 KORINTUS 8:2

Ideh pangeh tinutun ku susa' luk pelaba rayeh; iamo' ngaceku awang niatdeh luk mela, sagan pana' ideh masi', ideh mekatu.

PILIPI 3:4

Kali' rungen ui ini miak merapet ku luk ratnan burur. Idi kudeng idé lemulun luk baken ngerawé miak merapet ku luk ratnan burur, idi meluun teh ui ini pana'.

BALA LUK LINIO 11:10

Idi lemulun bang tana' ini mawang niat ngaceku até didueh idi do' ria'. Ideh maré baré seburur kuan seburur, ngaceku dueh lun nabi ineh pangeh nengedereh lemulun luk tudo bang tana' ini.

SEMUIL LUK PUN-PUN 25:8

Idi do' iko ngitun lawé ineh nelun denganmu. Kali' rungen ideh mada' lawédeh namu. Idi ngaceku ineh do' iko méi' kuan kai. Ngaceku kai amé' matun namu kareb aco rayeh. Do' maré anun luk inan namu idi kuan anakmu Daud.’ ”