NEHEMIA 8:1 - BALA LUK DO'

¹ Kareb bulan luk ketudu' lun Israil lutep tudo bang bawangdeh. Idi aceh aco bulan ineh amungdeh nepamung déi' Yerusalim, luun natad luk pa atun Tanga' Abpa'. Ideh nemutuh Esra, ieh ineh imam luk mileh ngelio Ukum luk biré Allah nelun Israil dengan bala Musa, pad ieh ngalap Surat Ukum ineh

NEHEMIA 8:1 Iomraidhean Croise

RACA'-RACA' LUK KEDUEH 23:2

Idi ideh pad-pad iné' bang Ruma' Allah dengan amung imam, nabi, idi lun mula' rat Yerusalim, do' lun do' idi lun masi' pana'. Idi raca' nemaca' amung bala Surat Pejani' luk pangeh ilap bang Ruma' Allah ineh pedingeren amungdeh ineh.

INUL LUK KEDUEH 34:15

Idi kebala Hilkia ni Sapan lun luk ngayud ineh, “Ui pangeh nekali' surat Ukum ineh bang Ruma' Allah.” Idi Hilkia nemaré surat ineh ni Sapan.

INUL LUK KEDUEH 34:30

Idi ideh pad-pad iné' bang Ruma' Allah dengan amung imam, lun Liwi, idi lun mula' rat Yerusalim, do' lun do' idi lun masi' pana'. Idi raca' nemaca' amung bala Surat Pejani' luk pangeh ilap bang Ruma' Allah ineh pedingeren amungdeh ineh.

ESRA 7:1

Idi muci ratnan ineh kareb imet Artasasta, raca' Parsi, inan seburur lemulun, ngadanneh Esra. Idi Esra ineh inul Arun, Imam Rayeh ineh, ngaceku Esra, ieh ineh anak Seraya, luk anak Asaria, luk anak Hilkia,

ESRA 7:10

Ruked ulun Esra ieh mepicet nakap bala Tuhan idi nemaya' ukumNeh idi nemada' nelun Israil amung bada' idi ukumNeh.

ESRA 7:11

Idi ini bala surat luk biré Raca' Artasasta kuan Imam Esra, lun luk mileh ngelio ukum Musa, luk kali' amung lawé bala Tuhan idi amung dalan kuan lun Israil:

ESRA 7:6

Idi Esra ineh seburur luk mileh ngelio ukum Musa luk pangeh biré Tuhan Allah lun Israil. Idi raca' nemaré kuanneh amung luk pianneh, ngaceku Tuhan Allahneh nengeperuan neneh. Idi Esra nenalan rat bawang Babil iné' Yerusalim,

NEHEMIA 12:26

Amung lemulun ini mulun kareb Yoyakim anak Yosua Yehosadak, idi kareb Pengulu Nehemia, idi kareb Imam Esra luk mileh ngelio Ukum Musa.

NEHEMIA 12:37

Déi' Tanga' Bued Abpa' ideh numak ican luk macing Bawang Daud, luk lemaba ruma' Daud, idi luk lemubed macing libung ineh déi' Tanga' Abpa', luk pa busat aco bawang Yerusalim ineh.

NEHEMIA 8:16

Idi lun mula' nengalap angat idi nemudut lepo luun apo ruma'deh luk mebalad, luun natad ruma'deh, luun natad Ruma' Allah, idi luun natad luk pa atun Tanga' Abpa', idi teh luun natad luk pa atun Tanga' Epraim.

NEHEMIA 8:3

Idi ieh nemaca' Ukum ineh kuandeh luun natad ineh luk pa atun Tanga' Abpa' ineh rat masat aco macing muned aco. Idi amungdeh neninger do'-do'.

YESAYA 8:20

Iamo' do' iko ngor baladeh, kebalamu, “Do' ninger luk badén Tuhan nemuyuh! Aleg ninger bala lun luk mangun –– luk beléndeh na ngacing luk do' kuan muyuh.”

UKUM 9:5

Idi ideh nenguit luk icuk Musa macing pa atun Lepo su luk inan papu' Tuhan. Idi lun mula' ineh nepamung pad sembayang na Tuhan.

MALAKI 4:4

“Do' ngerawé bada' demulunKu Musa, ieh ineh amung ukum luk biréKu neneh déi' luun Pegkung Sinai, luk miak bén amung pupu lun Israil.

MATIUS 13:52

Idi kebalaNeh nedeh, “Ngaceku ineh anid-anid guru Ukum luk pangeh mangun ku anak sekola' ratnan Imet surga, mepad kudeng aceh tuan ruma' luk ngeruat ratnan binawehneh luk meraga, do' binaweh luk mebaruh idi luk mon pana'.”

MATIUS 23:13

“Mesusa' kuan muyuh guru-guru Ukum idi lun Parisi, lun luk siayu! Muyuh ngitek tanga' Imet surga kuan lun baken, ngaceku muyuh sebuleng na sikal semuet, idi muyuh mebpeng nelun baken luk sikal semuet teh.

MATIUS 23:2

“Guru-guru Ukum idi lun Parisi luk ngegala' bala Ukum Musa.

MATIUS 23:34

Ngaceku ineh Ui pebala nemuyuh, Ui ngecuk nabi-nabi, lun mileh, idi guru-guru amé' nemuyuh; sebuang muyuh miak ngaté idi nalib; sebuang muyuh miak mabpet bang ruma' sembayang muyuh idi masut nedeh rat aceh bawang macingku bawang baken teh,

BADA' RATNAN UKUM 31:11

Kareb amung lun Israil amé' pa kiung Tuhan Allah muyuh, su luk pilinNeh, do' muyuh maca' Ukum ini pedingeren amung lun Israil.

LUN LUK NGUYUT 20:1

Idi amung lun Israil rat bawang Dan macing bawang Birsiba, idi rat bawang Giliad inée' ku teteng ineh, idi nepamung pa kiung Tuhan déei' Mispa dengan sebuleng terawée.

LUN LUK NGUYUT 20:8

Idi amung lun Israil ineh netuped idi nepebala, “Na tu-tu tau muli', do' luk tudo bang lepo, idi luk bang ruma' pana'.