NEHEMIA 7:5 - BALA LUK DO'

⁵ Allah nengegio niatku pad ui nengamung nelun mula' dengan lun rayeh-rayehdeh, pad ui nier surat inuldeh. Ui nengalap surat inul lemulun luk pun nuli' rat bawang su luk inandeh tiban. Idi ini luk nekali'ku.

NEHEMIA 7:5 Iomraidhean Croise

ESRA 7:27

Kebala Esra, “Amung ubur kuan Tuhan Allah tepun tau luk pangeh nengegio niat raca', pad ieh miak ngerayeh Ruma' Allah luk déi' Yerusalim ineh.

NEHEMIA 5:19

Kesembayangku, O Allah, ui mutuh Namu ngerawé kekamenku luk do' kuan pupu ini.

NEHEMIA 6:14

Idi kesembayangku, “O Allah, ngerawé kekamen Tobia idi Sanbalat, idi ngukum nedidueh. Idi ngerawé nabi decur Nodia, idi teh amung nabi baken luk sikal ngatot negku.”

NEHEMIA 7:4

Bawang Yerusalim ineh rayeh, iamo' na mula' lemulun luk tudo su ineh, idi ruma' pana' nateh mula'.

BALE' 2:6

Tuhan, ieh ineh luk maré ileh. Ileh idi do' kali' macing rat Neneh.

BALE' 3:6

Ngerawé Tuhan bang amung-amung luk ruenmu, idi Ieh miak mada' namu dalan luk matu.

1 KORINTUS 15:10

Iamo' ngaceku ratnan katu Allah ui pangeh misu', pad ulunku mepad kudeng luk bang kareb ini, idi katu luk biréNeh negku na mo'-mo'. Iamo' ui luk meluun géi' ratnan amung-amungdeh, iamo' baken ui, iamo' katu Allah luk ngedengan negku.

2 KORINTUS 3:5

Baken kai ini sebuleng mileh nganau' anun-anun dengan ileh kai sebuleng, iamo' ileh kai ineh macing ratnan Allah.

2 KORINTUS 8:16

Kai ngubur Allah ngaceku Ieh nengegio niat Titus pad ieh geregan ngedengan nemuyuh.

KOLOSE 1:29

Idi ini punneh ui merur teh, idi mekél dengan matu, maya' tueh Keristus luk ngakem bang negku.

YAKUB 1:16

Aleg muyuh uen naluk, O kinanak-kinanak luk inanku mawa!