NEHEMIA 7:3 - BALA LUK DO'

³ Ui nemebpeng nedidueh na miak ngukab tanga' Yerusalim kareb nateh mudik aco. Idi do' tanga' ineh uen ngitek kareb nateh lun luk nginita bawang ineh muli' kareb aco macep. Idi teh ui nengecuk nedidueh ngeletep lun luk nginita bawang rat arang lemulun luk tudo bang bawang Yerusalim. Sebuangdeh miak lutep bang aceh kekamen, idi sebuangdeh miak nalan-nalan matar bawang iring ruma'deh.

NEHEMIA 7:3 Iomraidhean Croise

NEHEMIA 13:19

Ui nengecuk nedeh ngitek amung tanga' bawang kareb pun Aco luk inan Mudeng, ieh ineh kareb aco macep, idi na ngukab tanga' ineh pad mabud Aco luk inan Mudeng. Ui nengecuk sebuang lun dukenku tuped munung amung tanga' pad mebpeng lemulun na miak nguit anun-anun kareb Aco luk inan Mudeng.

NEHEMIA 3:23

Beniamin idi Hasub nemudut aceh babpat libung luk petutup ku ruma' didueh ineh. Idi lun luk iring didueh, Asaria anak Masia Anania nemudut aceh babpat libung iring ruma'neh sebuleng.

NEHEMIA 7:2

Idi ui nengecuk dueh burur ngimet bawang Yerusalim: kinanakku Hanani, idi Hanania luk lun rayeh baweh. Hanania ineh seburur lemulun luk inan merapet idi luk meluun matot inan Allah.

NEHEMIA 7:4

Bawang Yerusalim ineh rayeh, iamo' na mula' lemulun luk tudo su ineh, idi ruma' pana' nateh mula'.

NANI UBUR 127:1

Kudeng Tuhan na mudut ruma', kekamen lun luk mudut na ulekneh; kudeng Tuhan na matar bawang, kali' rungen na ulek kuan lemulun luk matar.

NANI UBUR 147:13

Ieh ngeraben tanga'mu, idi ngeperuan pupumu.

MATIUS 10:16

“Ngerawé do'-do'! Ui ngecuk nemuyuh kudeng dumba arang uned bungalé. Do' muyuh mileh mepad kudeng menipeh, idi do' niat mepad kudeng suit sukur.