NEHEMIA 7:2 - BALA LUK DO'

² Idi ui nengecuk dueh burur ngimet bawang Yerusalim: kinanakku Hanani, idi Hanania luk lun rayeh baweh. Hanania ineh seburur lemulun luk inan merapet idi luk meluun matot inan Allah.

NEHEMIA 7:2 Iomraidhean Croise

PUDUT 42:18

Bang aco luk keteluh kebala Yusup nedeh, “Ui ini matot inan Allah, idi muyuh miak mulun kudeng muyuh nganau' kudeng ini:

SEMUIL LUK KEDUEH 23:3

Allah lun Israil pangeh pebala, Pegkung Batu lun Israil nepejani' negku. Raca' luk ngimet dengan mesiri, idi luk matot inan Allah,

RACA'-RACA' LUK PUN-PUN 18:12

Kian kareb ui pangeh nenecan namu, denak-denak Roh Tuhan miak macing idi nguit namu mado rat ieni. Idi kareb ui macing maré kali' ni Akab, kudeng iko na nekali'neh, kali' rungen ieh ngaté negku, sagan tu pana' ui ini mepicet maya' Tuhan rat ui isuut.

RACA'-RACA' LUK PUN-PUN 18:3

Idi Akab nenawar Obadia luk ngasa' ruma' raca' ineh. (Idi Obadia ineh mepicet maya' Tuhan,

NEHEMIA 1:2

idi Hanani, seburur kinanakku nacing dengan tuda'-tuda' burur lun rat déi' Yahuda. Idi ui nengitun nedeh ratnan lun Yahudi luk neketecan idi luk nepuit ratnan bawang luk inandeh tiban, idi ratnan bawang Yerusalim teh.

NEHEMIA 13:13

Idi ui nengecuk lemulun ini ngimet su luk inan nganug repapeh: Selemia, lun imam; Saduk, lun luk mileh ngelio ukum; idi Pedaya, lun Liwi. Idi Hanan, anak Sakur Matania nengedengan nedeh. Ui kali' ui miak merapet nan lemulun ini luk miak maré akan petap kuan lun rurumdeh bang kekamen Allah.

NEHEMIA 2:8

idi aceh surat kuan Asap, lun luk nginita pulung raca', pad ieh maré kayuh ku atang tanga' su luk meraben iring Ruma' Allah, idi teh ku libung luk meraben déi' bawang Yerusalim, idi teh ku ruma'ku sebuleng.” Idi raca' nemaré luk pinutuhku, ngaceku Allahku nengedengan negku.

NEHEMIA 5:15

Pengulu-pengulu luk ngimet atun rat negku mangun ku aceh babeh luk meberat kuan lun mula' ngaceku ideh nemutuh apat ngepulu' balad pirak seaco ku melihdeh akan idi abpa' anggur. Demulundeh pana' nengedereh nelun mula'. Iamo' na ui nenganau' kudeng ineh, ngaceku ui matot inan Allah.

NEHEMIA 7:3

Ui nemebpeng nedidueh na miak ngukab tanga' Yerusalim kareb nateh mudik aco. Idi do' tanga' ineh uen ngitek kareb nateh lun luk nginita bawang ineh muli' kareb aco macep. Idi teh ui nengecuk nedidueh ngeletep lun luk nginita bawang rat arang lemulun luk tudo bang bawang Yerusalim. Sebuangdeh miak lutep bang aceh kekamen, idi sebuangdeh miak nalan-nalan matar bawang iring ruma'deh.

AYUB 1:1

Inan aceh lemulun luk ngadan Ayub, luk tudo bang bawang Us. Ieh sembayang inan Allah idi lutep maya' Neneh. Ieh ineh aceh lemulun luk pelaba do', idi luk na pian nganau' anun-anun luk dat.

NANI UBUR 101:6

Ui miak nakap lemulun luk lutep maya' Allah, pad ideh tudo bang ruma'ku; lemulun luk megéi' maya' luk mesiri, miak mangun ku demulunku.

PURA' 18:21

Iamo' do' iko mili' tuda'-tuda' lun luk mileh mangun ku lun rayeh pa luun meribu burur, meratu burur, limeh ngepulu' burur, idi pulu' burur. Idi do' ideh lun luk matot inan Allah, idi luk inan merapet, ieh ineh lun luk na ngalap suap.

DANIEL 6:4

Idi lun ngimet idi pengulu luk baken nakap sala' Daniel bang kekamenneh. Iamo' na ideh kali' anun-anun sala' Daniel, ngaceku ieh mesiri idi na nganau' luk dat idi luk tekilu'.

IAP 12:7

Iamo' demulunKu Musa baken nabi luk kudeng ineh. Iamo' ieh luk inanKu merapet bang ruma'Ku.

MATIUS 24:45

“Idéké demulun luk lutep idi mileh, luk icuk tuanneh matar uang ruma'neh, pad maré luk kenendeh bang kareb luk petulu?

MATIUS 25:21

Idi tuanneh nepebala neneh, ‘Do' luk inau'mu, O demulun luk do' idi lutep niat. Iko pangeh nelutep ratnan luk isuut, pad ui sikal nganau' namu ngimet luk mula'. Do' iko ngalap awang pad-pad denganku.

1 KORINTUS 4:2

Idi luk petulu kuan lun ngasa', do' ieh lutep inan tuanneh.

2 TIMOTIUS 2:2

Idi bada' luk pangeh pindengermu rat negku arang lun mula' luk nekali', do' mada' kuan lemulun luk lutep idi luk petulu mada' nelun baken teh.