NEHEMIA 7:1 - BALA LUK DO'

¹ Idi nekini libung pangeh pinudut baruh. Amung itek tanga' pana' pangeh inau'. Lun luk nginita Ruma' Allah, lun luk menani, idi lun Liwi pangeh nengimun ngakem.

NEHEMIA 7:1 Iomraidhean Croise

RACA'-RACA' LUK KEDUEH 7:10

Idi ideh nenalan idi me' nawar lun luk nginita tanga' bawang, kebaladeh, “Kai pangeh iné' su luk inan baweh lun Siria ineh. Kai mawa. Seburur pana' nateh idi déi'. Ria' pana' nateh luk idi. Iamo' inan tuda'-tuda' kuda idi keladai inabet, idi amung lepo pana' tican teh.”

INUL LUK KEDUEH 31:2

Idi Hesekia nengeletep amung kekamen imam idi lun Liwi, maya' anid babpatdeh. Sebuang maré baré luk sabpen idi sebuang maré baré luk nguit pedo', idi sebuang sembayang idi ngubur Tuhan su anid tanga' Ruma' Allah.

ESRA 3:8

Kareb bulan dueh bang lak ineh muci ratnan acingdeh déi' su luk inan Ruma' Allah déi' Yerusalim, idi ideh nengimun ngakem. Serubabel, Yesua, idi lun Israil luk baken nengimun mudut Ruma' ineh dengan lun imam idi lun Liwi pana', ieh ineh amung lun luk tiban luk pangeh nelemubed iné' Yerusalim. Idi ideh nengeletep amung lun Liwi luk ulun dueh ngepulu' lak idi mela, pad ideh ineh miak ngatur kekamen mudut Ruma' Allah.

NEHEMIA 10:39

Lun Israil idi lun Liwi miak nguit baré padé, abpa' anggur, idi umau saitun amé' bang su luk inan nganug repapeh Ruma' Allah, idi su luk inan imam luk uned ngakem, lun luk nginita Ruma' Allah, idi lun luk menani bang Ruma' Allah tudo. Kai na miak ugka' ngasa' Ruma' Allah kai.

NEHEMIA 11:3

Bang bawang luk baken, lun Israil, imam-imam, lun Liwi, lun luk nginita Ruma' Allah, idi inul demulun Selimun tudo bang bawangdeh sebuleng, idi luun tana'deh sebuleng. Ini ngadan lun rayeh luk rat bawang Yahuda luk tudo déi' Yerusalim:

NEHEMIA 12:24

Lun Liwi luk pa liang imet Hasabia, Serebia, Yesua, Binui, idi Kadmil pangeh bibpat. Idi dueh babpat pelibal-pelibal ngubur Allah, maya' bada' luk biré Raca' Daud, demulun Allah.

NEHEMIA 6:1

Sanbalat, Tobia, Gesem, idi bunu' tau luk baken neninger bala ratnan kai pangeh nemangeh kekamen mudut libung, idi sebuleng song pana' nateh luk ketecan. (Iamo' nateh kai nenganau' itek tanga'.)

NEHEMIA 6:15

Pangeh kai nengakem limeh ngepulu' dueh aco, idi kai nemangeh libung ineh, ieh ineh dueh ngepulu' limeh aco bulan Elul.

NEHEMIA 6:19

Lun Yahuda ineh megéi' mada' negku ratnan kekamen Tobia luk do'. Idi ideh ngatum balaku neneh. Idi na ieh ugka' maré surat sikal ngatot negku.