NEHEMIA 6:9 - BALA LUK DO'

⁹ Ideh sikal ngatot nekai, pad kai ugka' ngakem. Iamo' kesembayangku, “Nekini, Allah, ngetueh negku!”

NEHEMIA 6:9 Iomraidhean Croise

INUL LUK KEDUEH 15:7

Iamo' do' muyuh metueh idi mekuu'. Ngaceku muyuh miak ngalap tabpar ratnan kekamen muyuh.”

INUL LUK KEDUEH 32:18

Idi ideh ngitang-ngitang dengan bala lun Yahudi kuan lun bang bawang Yerusalim luk luun libung bawang ineh, pad ngatot idi ngagap nedeh ineh, pelé ideh ngalap bawang ineh.

ESRA 1:6

Idi amung lun luk tudo pekelibut nedeh ineh nengedengan nedeh ku mula' binaweh, ieh ineh pirak, amas, binaweh luk baken-baken, aya' luk miak mabeh, idi tuda'-tuda' binaweh luk meraga, dengan baré'-baré' luk baren bang Ruma' Allah déi' Yerusalim.

NEHEMIA 6:14

Idi kesembayangku, “O Allah, ngerawé kekamen Tobia idi Sanbalat, idi ngukum nedidueh. Idi ngerawé nabi decur Nodia, idi teh amung nabi baken luk sikal ngatot negku.”

NANI UBUR 138:3

Iko nengor balaku, kareb ui nenawar Namu; dengan tuehMu sebuleng Iko nengetueh negku.

NANI UBUR 56:3

Kareb ui matot, O Luk Meluun Medita', ui merapet Namu.

NANI UBUR 68:35

Allah luk inan matot kareb Ieh remuat rat bang su inanNeh luk meligan; Ieh ineh Allah lun Israil. Ieh maré tueh idi lalud kuan pupuNeh. Ngubur Allah!

NANI UBUR 71:1

Ui megéi' linibungMu O Tuhan, aleg nima' negku uen ngelaya'!

YESAYA 40:29

Ieh ngetueh lemulun luk melaya' idi merur.

YESAYA 41:10

Aleg iko matot — Ui idi denganmu. Ui ini Allahmu, aleg iko merapang. Ui ngetueh namu idi ngedengan namu. Ui matar idi ngulun namu.

YEREMIA 38:4

Idi kebala lun rayeh ineh inan raca', “Lun ini na miak na pitayen. Dengan bala luk kudeng ineh Yeremia ngelaya' nelun pebunu'. Idi ieh nganau' luk kudeng ineh kuan amung lemulun luk ketecan bang bawang ini. Lemulun ini na ngedengan nelun mula'. Iamo' ieh ngedereh nedeh.”

YEHISKIEL 30:24

Iamo' Ui mutul langen raca' Masir, pad ieh ngarod idi maté pa kiung bunu'neh.

SEKARIA 10:12

Ui miak ngetueh pupuKu, pad ideh sembayang Negku idi maya' balaKu.” Tuhan pangeh nepebala.

2 KORINTUS 12:9

Idi balaNeh kuanku, “KatuKu petap kuanmu, ngaceku laludKu uen ngegala' bang laya'.” Ngaceku ineh dengan pelaba awang niat ui ngedita' bururku bang amung-amung laya'ku, pad lalud Keristus temurun luunku.

EPESUS 3:16

Idi ui mutuh pad Ieh maré kuan muyuh ratnan rayehNeh luk mela, lalud ratnan RohNeh luk nganau' nemuyuh metueh bang niat muyuh,

EPESUS 6:10

Idi kekipedneh, do' muyuh mangun metueh bang Tuhan idi dengan tueh laludNeh ineh.

PILIPI 4:13

Ui miak nganau' luk amung-amung ngaceku Keristus luk ngetueh negku.

IBERANI 12:12

Ngaceku ineh ngiding amung-amung ticu' luk melaya' idi aleb luk meliai!

1 PETRUS 5:10

Idi Allah, lawa amung-amung katu, luk pangeh nenawar nemuyuh semuet bang rayehNeh luk meruked bang Keristus, kareb muyuh pangeh nengalap dereh bang segageh mo', idi Ieh luk miak ngeligan nemuyuh idi ngeraben nemuyuh idi ngetueh nemuyuh pana'.

SEMUIL LUK PUN-PUN 30:6

Idi Daud pelaba dereh, ngaceku lun mula' ineh pegayam sikal mitung neneh ku batu, ngaceku ideh mét niat ku anakdeh luk tiban ineh. Iamo' Tuhan Allahneh nengeletep niat Daud pad ieh mekuu'.