NEHEMIA 6:6 - BALA LUK DO'

⁶ Kebaladeh: “Kebala Gesem, ‘Lun pupu baken luk libut-libut Yerusalim mala, iko idi lun Yahudi sikal metueh ratnan raca' Babil, idi ini punneh muyuh nemudut libung ineh baruh. Idi teh iko pian mangun ku raca'.

NEHEMIA 6:6 Iomraidhean Croise

ESRA 4:12

“Idi kai pian maré kali' namu, ratnan lun Yahudi luk pangeh nacing tungé' Yerusalim rat bang bawangmu pad ideh mudut baruh bawang luk sikal metueh idi luk dat ineh. Idi ideh nengimun nganau' libung bawang idi na mio teh ideh mangeh kekamen ineh.

ESRA 4:15

do' iko ngelio bang Surat Kekamen tepunmu, pad iko miak kali' bala ratnan bawang ini luk sikal metueh, idi luk pangeh nengesusa' niat amung raca', idi lun luk ngimet pana' rat mon. Idi pupuneh megéi' dat uen ngimet. Ineh punneh bawang ini inusag.

NEHEMIA 2:19

Iamo' kareb Sanbalat, Tobia, idi Gesan lun Arab nekali' bala ineh, idi ideh nesitunga nekai, kebaladeh, “Anunké luk ruen muyuh? Muyuh pian metueh ratnan raca'ké?”

NEHEMIA 6:13

Didueh nenabpar neneh, pad ieh ngatot negku pelé ui nganau' sala'. Ideh pian ngigu' negku pa kiung lun baken.

NEHEMIA 6:5

Idi Sanbalat neneteng negku luk kelimeh kua'. Idi ieh nemaré surat luk na ebpu, iten seburur demulunneh.

NEHEMIA 6:7

Idi teh iko pangeh nengecuk tuda'-tuda' nabi mada' déi' Yerusalim ratnan iko mangun ku raca' Yahuda.’ Kali' rungen raca' Babil miak ninger bala ini, idi do' kiteh papu' idi pegayam ratnan ineh.”

YEREMIA 20:10

Ui ninger lun mula' payek-payek. “Inan Luk Katot Iapeh-Iapeh.” Kebaladeh, “Do' tau ngadu' neneh!” Lun rurumku pana' pian ku ui mebpeh. Kebaladeh, “Miak ieh uen naluk lek. Do' tau ngakem neneh idi ngua' datneh.”

MATIUS 5:11

“Samal kuan muyuh kareb lemulun ngedat nemuyuh idi ngedereh nemuyuh idi nguyo nemuyuh dengan mebalih ngaceku Ui.

LUKAS 23:2

idi amung-amungdeh nengimun ngadu' Neneh, keburi'deh, “Kai nekali' lemulun ini nengeraruh pupu kai, idi nemebpeng lemulun na maré acam kuan raca' Rum, idi nemala bururNeh Keristus, seburur raca'.”

YAHYA 19:13

Pangeh Pilatus neninger bala ini, idi ieh neguit Yésus remuat, idi netudo luun kerusi besara', idi su ineh titen “Batu luk Mebalad.” (Bang buri' Iberani ieh ineh, “Gabata”.)

SURAT LUK BIRE PAULUS KUAN LUN RUM 3:8

Ngudehké tau na pebala, “Aganeh tau nganau' luk dat pad do'neh miak uen ngegala'”? Setuneh inan lemulun luk ngesala' idi ngadu' negku, kebaladeh ui pangeh pebala kudeng ineh. Petulu lemulun ineh kumin Allah.

2 KORINTUS 6:8

Kai uen ngerayeh idi uen ngigu'; kai uen ngedat idi buren. Sagan pana' kai mala luk matu, kai tetanen lun mebalih;

1 PETRUS 3:16

iamo' dengan mebeneh niat idi maré ubur idi dengan teruayen niat luk do', pad kareb muyuh uen lemulun ngedat ngaceku ulun muyuh luk do' bang Keristus, lemulun ineh miak uen ngigu'.