NEHEMIA 6:16 - BALA LUK DO'

¹⁶ Kareb bunu' kai luk libut-libut Yerusalim nekali' bala ineh, idi ideh migu', ngaceku amung-amung lemulun kali' idi kekamen ineh pangeh inau' ngaceku pedengan ratnan Allah.

NEHEMIA 6:16 Iomraidhean Croise

NEHEMIA 2:10

Iamo' kareb Sanbalat, lun Bait Horon, idi Tobia, lun duken lun Amon, nekali' bala ineh, idi didueh pelaba dat niat, ngaceku inan seburur lun nacing sikal nganau' luk do' kuan lun pupu Israil.

NEHEMIA 4:1

Idi kareb Sanbalat neninger bala ratnan kai mudut libung ineh, idi ieh pelaba gateh niat, idi ieh nesitunga nekai lun Yahudi.

NEHEMIA 4:7

Iamo' kareb Sanbalat, Tobia, lun Arab, lun Amon, idi lun Asdod neninger bala ratnan kai nemudut libung Yerusalim idi nengedo' luk pangeh inusag ineh, idi ideh pelaba useh.

NEHEMIA 6:17

Ruked kai ngakem, lun rayeh-rayeh Yahudi idi Tobia pebaré surat.

NANI UBUR 109:27

O Tuhan, maré bunu'ku kali' idi Iko mo' luk ngulun negku.

NANI UBUR 126:2

Tau meriruh idi menani dengan mawang niat! Idi pupu baken nepebala, “Tuhan nenganau' kekamen luk rayeh kuandeh!”

NANI UBUR 129:5

Do' amung lemulun luk megateh inan Sion uen ngelaya' idi uen ngusu!

NANI UBUR 147:2

Tuhan mudut bawang Yerusalim baruh; Ieh nguit lun Israil luk tiba lemubed;

PURA' 14:25

Idi Ieh nengagka' roda amung kerétadeh, pad na miak mawer. Idi kebala lun Masir, “Do' tau buro rat pa kiung lun Israil, ngaceku Tuhan luk pebunu' netau ku libaldeh.”

YEREMIA 33:9

Yerusalim miak mangun ku aceh lawa awang, ubur, idi rayeh kuanKu. Idi amung pupu bang tana' ini miak matot idi megegker, kareb ideh ninger ratnan amung peruan luk ruenKu ngacing kuan lun Yerusalim idi bawangdeh ini.’ ”

IAP 23:23

Na luk idi bangun luk metueh rat ni Yakub. Idi na luk idi limu' luk metueh rat nelun Israil. Idi nekini Allah miak buren, ngaceku luk inau'Neh kuan Israil.

KEKAMEN RASUL-RASUL 5:38

Idi nekini ui pebala nemuyuh, aleg muyuh ngukum lemulun ini. Nima' nedeh, ngaceku kudeng terawédeh idi kekamendeh ratnan lemulun, kali' rungen gio ini miak ugka'.

YUSAK 2:11

Kareb kai neninger amung ineh, idi kai matot. Seburur pana' nateh luk mekuu' ngaceku muyuh. Tuhan Allah muyuh, Ieh ineh Allah bang langit idi bang tana' pana'.

YUSAK 2:9

Idi kebalaneh nedidueh ineh, “Ui kali' tana' ini pangeh biré Tuhan nemuyuh, idi kali' rungen amung kai matot nemuyuh.

YUSAK 5:1

Amung raca' lun Amori luk pa acep aco déi' Abpa' Yarden, idi amung raca' lun Kanaan luk tangeb Abpa' Rayeh nekali' bala Tuhan pangeh nengeket Abpa' Yarden pa kiung amung lun Israil, pad lun Israil neguta. Idi ideh matot idi na mekuu' ngaceku lun Israil.