NEHEMIA 6:14 - BALA LUK DO'

¹⁴ Idi kesembayangku, “O Allah, ngerawé kekamen Tobia idi Sanbalat, idi ngukum nedidueh. Idi ngerawé nabi decur Nodia, idi teh amung nabi baken luk sikal ngatot negku.”

NEHEMIA 6:14 Iomraidhean Croise

NEHEMIA 13:29

Idi kesembayangku, O Allah, ngerawé ratnan dat lemulun luk nengelutak kekamen imam idi teh pejani' luk inau'Mu dengan imam-imam idi lun Liwi.

NEHEMIA 5:19

Kesembayangku, O Allah, ui mutuh Namu ngerawé kekamenku luk do' kuan pupu ini.

NANI UBUR 137:7

O Tuhan, do' ngerawé luk inau' lun Edom, kareb Yerusalim ilap lun Babil, keburi'deh, “Ngusag neneh, kidem-kidem!”

NANI UBUR 22:1

O Allahku ngudehké Iko nenecan negku? Ui nengitang mutuh pedengan, iamo' macing nekini nateh luk idi.

NANI UBUR 63:1

Allah, Iko Allahku, idi ui pelaba terawé Namu. Ui pelaba tu-tu geregan Namu; niatku meparing ngerawé Namu, mepad kudeng tana' luk metugeh idi luk na abpa'.

PURA' 15:20

Idi Nabi Miriam, kinanak Arun luk decur ineh, nengalap karingneh, idi amung decur pana' nemaya' neneh, idi ngura' karing idi ngalai.

YEREMIA 14:15

Ui ini Tuhan mada' nemuyuh ratnan luk miak ruenKu kuan nabi ineh luk na icukKu, iamo' luk mada' dengan ngadanKu, kebaladeh, ‘Bunu' idi lau na miak macing bang bawang ini:’ Ui miak ngaté nedeh bang bunu' idi dengan lau.

YEREMIA 14:18

Kareb ui nalan luun raked, ui nier butung lemulun luk pinaté bang bunu'; idi kareb ui amé' bang bawang rayeh ui nier lemulun luk maté ku lau. Lun nabi idi imam ngakem, iamo' na ideh kali' luk ruendeh.’ ”

YEREMIA 28:1

Bang lak ineh teh, ieh ineh bang bulan luk kelimeh idi lak luk keapat kareb imet Raca' Sedekia, idi Hanania Asur, seburur nabi rat bawang Gibion nepebala ni Yeremia bang Ruma' Allah. Kebalaneh ni Yeremia pa kiung amung imam idi lun mula' teh,

YEREMIA 28:10

Idi Hanania nengalap paga' rat luun dier Yeremia idi nemutul neneh.

YEREMIA 28:15

Idi kebala Yeremia ni Hanania, “O Hanania, do' iko ninger! Na iko icuk Tuhan, idi iko ngeraruh pupu ini pad ideh maya' balihmu.

MATIUS 24:11

Idi mula' nabi luk mebalih macing idi naluk mula' lemulun.

MATIUS 24:24

Ngaceku tuda'-tuda' Keristus luk mebalih idi nabi luk mebalih miak macing idi nganau' tanu' luk rayeh idi kekamen luk nan mawa, pad naluk, kudeng miak, lun luk pinili' pana'.

MATIUS 7:15

“Do' muyuh matar do'-do' ratnan nabi luk mebalih luk amé nemuyuh, dengan ngayung ku buluh dumba, iamo' bang niatdeh mepad kudeng bungalé luk mesangit.

2 TIMOTIUS 3:8

Mepad kudeng Yanes idi Yambris pekedaluh dengan Musa, kudeng ineh teh lemulun ini sikal metueh ratnan luk matu. Ideh na mileh ngerawé, idi anudeh mo'-mo'.

1 YAHYA 5:16

Kudeng idé lemulun lu nier kinanakneh nganau' sala' luk na ngacing até, idi do' ieh sembayang kuanneh, idi Allah miak maré ulun kuanneh, ieh ineh anid-anid lemulun luk nganau' sala' luk na ngacing até. Idi inan aceh sala' luk ngacing até; idi na ui ngecuk nemuyuh mutuh nan Allah ratnan sala' ineh.

BALA LUK LINIO 19:20

Idi pung ineh pana' kikem pad-pad dengan nabi luk mebalih luk pangeh nenganau' tuda'-tuda' tanu' luk nan mawa pa kiungneh. (Idi dengan tanu'-tanu' ineh ieh nengeraruh lemulun luk inan etu pung ineh, idi luk pangeh sembayang inan akangneh.) Didueh ineh tila' dengan mulun bang takung apui luk mebudung ku batu apui.