NEHEMIA 6:12 - BALA LUK DO'

¹² Kareb ui nengerawé ratnan bala Metabel, idi ui kali' baken Allah luk nepebala neneh, iamo' Tobia idi Sanbalat luk pangeh nemaré usin kuanneh, pad ieh naluk negku.

NEHEMIA 6:12 Iomraidhean Croise

NEHEMIA 6:11

Idi kebalaku, “Na ui seburur lemulun luk pian sigapung. Miakké ui ngulun bururku idi sigapung bang Ruma' Allah? Na tu-tu!”

NEHEMIA 6:13

Didueh nenabpar neneh, pad ieh ngatot negku pelé ui nganau' sala'. Ideh pian ngigu' negku pa kiung lun baken.

YESAYA 56:11

Ideh mepad kudeng uko' luk manga luk na mileh mebor. Ideh ineh lun nguyut luk na mileh. Anid-anid bururdeh maya' luk piandeh, idi ngerawé bururdeh sebuleng mo'.

YEREMIA 14:14

Iamo' kebala Tuhan, “Amung nabi ineh mebalih dengan ngadanKu. Na Ui nengecuk nedeh, na Ui nepebala nedeh. Amung luk badéndeh nemuyuh ratnan luk sinierdeh baken rat Negku, idi bada'deh luk tirawédeh sebuleng na ulekneh.

YEREMIA 23:16

Kebala Tuhan luk Melalud kuan pupu Yerusalim, “Aleg ninger bala nabi-nabi, ngaceku ideh nguit nemuyuh merapet inan bala luk mo'-mo'. Ideh mada' nemuyuh ratnan luk pangeh tirawédeh sebuleng, idi baken luk bilaKu.

YEREMIA 23:25

Ui kali' luk bila nabi-nabi ineh luk mebalih dengan ngadanKu idi luk pebala, ‘Tuhan pangeh nemaré balaNeh nekai bang nupi kai.’

YEREMIA 28:15

Idi kebala Yeremia ni Hanania, “O Hanania, do' iko ninger! Na iko icuk Tuhan, idi iko ngeraruh pupu ini pad ideh maya' balihmu.

YEHISKIEL 13:19

Muyuh ngedat Negku pa kiung pupuKu, pad muyuh ngalap sesuut ikun idi tuda'-tuda' balad ruti. Muyuh pian ngaté lemulun luk na petulu pitayen, idi ngulun lemulun luk na petulu uen ngulun, pad muyuh mebalih kuan pupuKu, idi ideh manu nemuyuh.”

YEHISKIEL 13:22

“Muyuh sikal metueh rat Negku. Muyuh ngesabeng lemulun luk matu ku balih muyuh, idi muyuh na nima' lemulun luk dat teketed ratnan sala'deh, pad ideh ngalap ulun.

YEHISKIEL 13:7

Kudeng ini balaKu, ‘Luk sinier muyuh na matu, idi luk bida' muyuh ratnan luk miak mangun ineh mebalih. Muyuh pebala, ieh ineh balaKu, iamo' na Ui nepebala nemuyuh.’ ”

MIKA 3:11

Lun rayeh-rayeh luk ngimet bawang ngalap suap, imam-imam luk ngelio ukum Tuhan ngalap tabpar, idi nabi-nabi pana' luk mada' luk sirendeh ngalap usin ku ineh. Idi kebaladeh, Tuhan idi dengandeh. Idi teh ideh pebala, “Naké Tuhan idi dengan kai? Na susa' macing nekai.”

KEKAMEN RASUL-RASUL 20:33

Na ui nelili ku pirak, amas, idi ayung muyuh teh.

1 KORINTUS 12:10

Kuan seburur, Roh maré baré nganau' kekamen luk melalud, idi kuan lun baken, baré mada' luk biré Allah, idi kuan lun baken Ieh maré ileh ngiti baré luk ratnan Roh, idi baré luk baken ratnan Roh. Kuan lun baken Ieh maré buri' luk ratnan Roh, idi kuan lun baken ileh ngelio ilung buri' ineh.

1 KORINTUS 2:15

Lemulun luk inan Roh Allah miak ngelio luk amung-amung, iamo' ieh sebuleng na miak uen lun ngesala'.

1 TIMOTIUS 3:3

Na ieh miak mangun ku lemulun luk mabuk idi luk pekedaluh, iamo' do' ieh mulai niat, idi mebeneh niat. Na ieh miak melili ku usin.

TITUS 1:7

Ngaceku lun rayeh sidang ineh ngasa' kekamen Allah idi na miak mesala'. Ieh na miak medita' niat, na malé museh, na mabuk, na pekedaluh, idi na melili ku binaweh bang tana' ini.

1 PETRUS 5:2

Ui mutuh nemuyuh: do' matar dumba Allah luk inan arang muyuh, baken dengan sinaad, iamo' dengan awang niat maya' pian Allah. Aleg ngakem ngaceku sikal ngalap tabpar, iamo' ngakem ngaceku pian ngedengan.

2 PETRUS 2:3

Dengan lilideh ideh miak nakap tabpar rat nemuyuh dengan bala luk naluk. Iamo' ngaceku kekamendeh ineh, rat mon ukum pangeh tinina' kuandeh, idi atédeh na miak uen ngiuk.

1 YAHYA 4:1

O amung-amung luk inanku mawa, aleg muyuh manu ku bala anid-anid lemulun luk ngamo neneh pangeh nengalap Roh Allah, iamo' do' muyuh nutun nedeh, pad muyuh kali' kudeng roh luk ilapdeh ineh macing ratnan Allah. Ngaceku mula' nabi luk mebalih pangeh neremuat iné' iapeh-iapeh.

BALA LUK LINIO 18:13

idi teh anit kayuh kadingau, tuda'-tuda' akan luk maré do' én, idi luk sabpen luk do' buen, mur, ilu', abpa' anggur, umau saitun, banak, padé, sapi', dumba, kuda, keréta, demulun, idi ulun lemulun pana'.