NEHEMIA 6:10 - BALA LUK DO'

¹⁰ Kareb ineh Semaya, anak Delaya Metabel na miak mepai, idi ui iné' ngikak neneh. Idi kebalaneh negku, “Do' kiteh sigapung bang Su luk Meligan déi' bang Ruma' Allah, idi ngitek tanga', ngaceku ideh pian amé' ngaté namu. Ideh macing kareb medacem sikal ngaté namu.”

NEHEMIA 6:10 Iomraidhean Croise

RACA'-RACA' LUK PUN-PUN 6:5

Idi pekop iring alad Ruma' ineh idi pa keted teh ieh nemudut tuda'-tuda' takep dengan teluh tutul, aceh tutul mela medepeh.

RACA'-RACA' LUK KEDUEH 11:3

Idi ieh nesigapung bang ruma' sembayang anem lak kinioneh, laba' Atalia ngimet bawang.

RACA'-RACA' LUK KEDUEH 9:8

Amung lun bang tetek ruma' Akab ineh miak pitayen. Idi Ui pian nala' amung inul Akab luk deléi idi demulundeh pana'.

INUL LUK KEDUEH 28:24

Idi Akas nengamung idi nemila' amung repapeh bang Ruma' Allah. Idi ieh nengitek amung tanga'neh. Idi ieh nenganau' tuda'-tuda' bubpun anid-anid lidung bawang Yerusalim.

INUL LUK KEDUEH 29:3

Idi bang lak luk pun Hesekia nengimet, bang bulan luk pun, ieh nengukab amung tanga' Ruma' Allah, idi ieh nengedo' amung ineh.

INUL LUK KEDUEH 29:7

Idi teh ideh nengitek amung tanga' Ruma' Allah, idi ideh nengilep amung lapung. Idi na ideh nengeseb umau luk do' buen. Idi na ideh nemaré baré luk sabpen kuan Allah lun Israil bang Ruma'Neh ineh.

ESRA 8:16

Idi ui nengecuk nawar iwa' burur lun rayehdeh: Elieser, Ariel, Semaya, Elnatan, Yarib, Elnatan, Natan, Sekaria, idi Mesulam, idi teh dueh burur guru: Yoyarib idi Elnatan.

NEHEMIA 6:12

Kareb ui nengerawé ratnan bala Metabel, idi ui kali' baken Allah luk nepebala neneh, iamo' Tobia idi Sanbalat luk pangeh nemaré usin kuanneh, pad ieh naluk negku.

NANI UBUR 12:2

Amung-amungdeh mebalih kuan lun baken, dengan do' bala, iamo' perapid niatdeh.

NANI UBUR 37:12

Lemulun luk dat sikal metueh ratnan lemulun luk do'; idi megateh niat neneh.

BALE' 11:9

Lemulun luk na manu ngusag ulun lun baken ku baladeh. Iamo' lun luk matu ngulun nelun baken ku ilehdeh.

YEREMIA 36:5

Idi kebala Yeremia ni Baruk, “Ui na simén semuet bang Ruma' Allah.

YEHISKIEL 3:24

iamo' Roh Allah nesemuet bang negku idi nenui negku. Idi kebala Tuhan negku, “Do' iko muli', semuet bang ruma'mu idi ngitek tanga' ruma'mu ineh.

MALAKI 1:10

Idi kebala Tuhan luk Melalud, Meluun do' seburur muyuh ngitek tanga' Ruma' Allah, pad muyuh na nganau' apui luk na ulek luun bubpunKu. Na Ui mawang niat nemuyuh! Na Ui pian ngalap luk barén muyuh Negku.

MATIUS 7:15

“Do' muyuh matar do'-do' ratnan nabi luk mebalih luk amé nemuyuh, dengan ngayung ku buluh dumba, iamo' bang niatdeh mepad kudeng bungalé luk mesangit.

YAHYA 3:20

Idé-idé luk nganau' luk dat, megateh inan acang idi na macing inan acang ineh, pad kekamenneh na uen ngegala',

KEKAMEN RASUL-RASUL 21:30

Idi amung-amung lun bang bawang ineh meria', idi pupu ineh pana' nupun idi nepamung. Ideh nengakem ni Paulus idi ideh nengeruid neneh remuat rat bang Ruma' Allah ineh. Idi petacu ideh nengitek tanga'-tanga' Ruma' Allah.