NEHEMIA 5:9 - BALA LUK DO'

⁹ Idi kebalaku teh, “Sala' luk ruen muyuh ineh! Petulu muyuh matot inan Allah idi nganau' luk matu, pad bunu' tau lun pupu baken na miak situnga netau.

NEHEMIA 5:9 Iomraidhean Croise

PUDUT 20:11

Idi kebala Ibrahim, “Ngaceku bang terawéku, dengan matu-matu lun bang bawang ini na matot inan Allah, kali' rungen ideh ngaté negku ngaceku ratnan awanku ini.

PUDUT 42:18

Bang aco luk keteluh kebala Yusup nedeh, “Ui ini matot inan Allah, idi muyuh miak mulun kudeng muyuh nganau' kudeng ini:

SEMUIL LUK KEDUEH 12:14

Iamo' ngaceku dengan kekamenmu ini iko nengedat Tuhan, anakmu miak maté.”

NEHEMIA 4:4

Idi ui ini Nehemia nesembayang, kesembayangku, “O Allah kai, ninger, ngaceku kai ini luk inandeh situnga. Do' ngelubed kuyodeh amé' luun bururdeh sebuleng, pad ideh pana' tebanen idi uen ngaro.

NEHEMIA 5:10

Ui nenima' nelun mula' ngabit usin idi padé pana' rat negku. Idi kudeng ineh teh lun rurumku idi lun dukenku. Idi rat pad sini do' tau na mupud baleh.

NEHEMIA 5:15

Pengulu-pengulu luk ngimet atun rat negku mangun ku aceh babeh luk meberat kuan lun mula' ngaceku ideh nemutuh apat ngepulu' balad pirak seaco ku melihdeh akan idi abpa' anggur. Demulundeh pana' nengedereh nelun mula'. Iamo' na ui nenganau' kudeng ineh, ngaceku ui matot inan Allah.

NANI UBUR 90:11

Idéké luk kali' rayeh lalud usehMu? idi idé luk kali' gatehMu luk katot?

BALE' 16:29

Lemulun luk mesangit ku datneh naluk lun rurumneh pad ideh pelaba dereh.

BALE' 17:26

Na petulu ngecuk lemulun luk na mesala' mayar ukum. Kudeng lemulun luk matu bebalen, ini mangun ku ukum luk tekilu'.

BALE' 18:5

Bang besara' na petulu méi' nan lemulun luk sala', pad lemulun luk mesiri na ruen matu.

BALE' 19:2

Geregan dengan na ileh na do'. Mesaget niat ngacing susa' kuanmu.

BALE' 24:23

Lemulun luk mileh pangeh nepebala kudeng ini teh: Kudeng lun luk mutut besara' mili' lemulun, ieh mesala'.

YEHISKIEL 36:20

Iamo' su paeh luk ulekdeh, ideh nengigu' ngadanKu luk meligan, ngaceku lun pebala, ‘Lemulun ini nenecan bawang luk biré Allahdeh nedeh,’

UKUM 25:36

Idi aleg iko ngalap rat neneh bunga' usin idi elaneh teh, iamo' do' iko matot inan Allahmu pad kinanakmu pana' lutep denganmu.

KEKAMEN RASUL-RASUL 9:31

Idi sidang luk aput-aput tana' Yudia, Galilia, idi Samaria nengalap awang idi anu luk meraben. Idi sidang ineh iuk metueh dengan matot inan Tuhan, idi dengan lalud Roh Meligan ideh iuk amé' mula'.

SURAT LUK BIRE PAULUS KUAN LUN RUM 2:24

Pangeh inayud bang Surat Allah, “Ngaceku muyuh lun Yahudi, ngadan Allah uen lun pupu baken nguyo.”

1 TIMOTIUS 5:14

Ngaceku ineh pianku amung-amung decur tinula' luk mangud ineh ngaweh pad inan anak, idi ngasa' uang tetek ruma'deh, idi aleg ngukab dalan kuan bunu'-bunu' tau pad ideh miak ngedat netau.

TITUS 2:5

pad ideh lutep terawé, meligan, idi mileh ngasa' uang tetek ruma', do' niat, idi maya' bala awandeh, pad bala Allah na uen nguyo.

1 PETRUS 2:12

Do' kekamen muyuh arang lun pupu baken mesiri sirendeh, pad kareb ideh ngadu' nemuyuh, idi neten nemuyuh lemulun luk dat, na miak na ideh ngiti kekamen muyuh luk do', idi ngerayeh Allah kareb Aco Tuhan macing.

SEMUIL LUK PUN-PUN 2:24

Aleg medueh kudeng ineh. Pelaba dat bala luk pindengerku.